3 I ese soahng tohto oh I pahn doadoahngki dahme I ese
4 Sohte mehkot me I pahn patohwanohng komwi pahn likamw;
5 Ia uwen roson en Koht! E sohte kin ketin kalahdeki emen;
6 E sohte kin ketin mweidohng me dipan akan en mour werei,
7 E kin ketin sinsile me pwung kan;
8 Ahpw ma aramas kin selikihdi sel mete,
9 Koht kin ketin kasalehiong irail diparail kan oh ar aklapalap.
10 E kin ketin kupwurehda pwe re en rong sapwellime kapehm kan
11 Ma re pahn peikiong Koht oh uhpah,
12 Ahpw ma soh, re pahn mehla nan ar pweipwei
13 Irail kan me sohte ar Koht kin lingeringer poatopoat,
14 Re kin mehla ni ar wie pwulopwulte,
15 Ahpw Koht kin ketikihong aramas lokolok pwehn wia padahk ehu ong irail,
16 Koht ketikihsang komwi nan apwal,
17 Ahpw met, komw aleier lokolok me konehng komwi.
18 Komwi kanahieng pwe komwi dehr lohdi pahn pweipwei sapwung,
19 E sohte pahn wia kamwahu ehu ong komwi en peki sawas;
20 Komw dehr kasik pwohng en leledo,
21 Kanahieng dehr sohpeiong me suwed;
22 Tamataman ia uwen lapalap en sapwellimen Koht manaman;
23 Sohte me kak patohwanohng Koht dahme e pahn ketin wia
24 Kapingpen sapwellime wiewia kan kin wiawi ahnsou koaros;
25 Aramas koaros kilangehr wiepen nin lime kan;
26 Kitail sohte kak wehwehkihla sapwellime lapalap ni unsek
27 Iei ih Koht me kin ketikihsang pilen sampah
28 E kin ketin kamwerehdihsang keteu nan depwek
29 Sohte me wehwehki mwomwen mwekid en depwek kan
30 E kin ketikihdo piripir en lioal wasa koaros nan depwek,
31 Met iei duwen eh kin ketin katungoale aramas
32 E kin ketin kolekihdi nin lime piripir en lioal,
33 Nansapwe kin pakairkihdo melimel me kohkohdo,