1 Kona, Bilidadi ŋa wìla yiri wa Shuwa tara wì si sɛnrɛ ti lɛ, mɛɛ zhɔbu wi pye fɔ:
2 Ye yaa ki sɛnlɛgɛrɛ nda ti yowo pi yaga sanga wiwiin?
3 Yiŋgi na we sila we yɛɛ piin paa yaayoro yɛn?
4 Zhɔbu, mboro ŋa mà nawa ŋgban, fɔ a ki naŋgbanwa pila ma jɔlɔ,
5 Ee, lepee wi fitanla yanwa pi yaa ka figi,
6 Yanwa pi yaa kɔ wa wi go ki ni,
7 Wìla pye na tanri fanŋga ni, koni wi tangala li yaa yinŋgi;
8 Katugu mɛrɛ yaa wi tɔɔrɔ ti yigi,
9 Pɛnɛ yaa wi yigi wi yeŋgbele li na,
10 Wi yigimana li yɛn ma pɛri ma lara wa tara ti ni,
11 Fyɛrɛ kagala yaa kaa sunndo kɔngɔ waa wi na kɛɛ ki ni fuun ki na,
12 Fuŋgo ki yaa wi fanŋga ki kɔ,
13 Yama pi yɛn naa sɛlɛgɛ ki nii na kee;
14 Wi yɛn ma cɛn wi paraga go ŋga ni yɛyinŋge na, pe yaa kaa tilele mboo wɔ wa ki ni,
15 Wi paraga go ki yaa koro waga, lere wa yɛgɛ wi yaa ye wa ki ni,
16 Kona wi yaa pye paa tige yɛn, ŋga kì ku, a ki ninde tì waga wa tara,
17 Lere se ka nawa to wi na naa laga tara ti ni,
18 Pe yaa wi wɔnrɔgɔ mboo wɔ wa yanwa pi ni, mboo wa wa diwi ni,
19 Pyɔ nakoma pishyɛnwoo se ka koro wi puŋgo na, wa wi woolo pe sɔgɔwɔ,
20 Yɔnlɔ tosaga kɛɛ woolo pe yaa kaa kawa wi tɔngɔkala li wogo na,
21 Pa lepee wi go ki ma kɔ yɛɛn;