1 Kona, a Zhɔbu wì si Bilidadi wi yɔn sogo ma yo fɔ:
2 Ye yɛn nala nawa pi tanga na na yɛgɛ ŋga na,
3 Wele, yànla tɛgɛlɛ yɔnlɔ lɛgɛrɛ na!
4 Ali na kaa pye kaselege yi mì puŋgo,
5 Ɛɛn fɔ na kaa pye yaa jaa mbege naga fɔ ye mbɔnrɔ na na,
6 kona ye daga mbege jɛn fɔ Yɛnŋɛlɛ lo jate lìlan wogo ki pɛn,
7 Ali na mi ka jɔrɔgɔ mbe yo fɔ: «Pe yɛn nala jɔlɔ,»
8 Yɛnŋɛlɛ lì konɔ li tɔn na na, mi se ya toro,
9 Lìlan gbɔgɔwɔ pi shɔ na yeri,
10 Lìlan jɔgɔ kɛɛ ki ni fuun ki na, mbanla wogo ki kɔ;
11 Lì nawa ŋgban na ni fɔ jɛŋgɛ,
12 Li maliŋgbɔɔnlɔ ŋgbeleye yì pinlɛ na paan,
13 Lìlan sefɛnnɛ pe laga lali na ni,
14 Mbele pè yɔngɔ na ni, pè laga na na,
15 Na laga woolo poro naa na tunmbyeele jɛɛlɛ pe ni, paa na piin paa nambanŋa yɛn;
16 Mi mala tunmbyee wi yeri, wila shɔ na yeri;
17 Na nuwɔ pì la kɔ na jɔ wi na,
18 Ali yɛrɛ piile pe yɛn nala tifaga,
19 Mbele mìla pye na wɔnlɔŋgbaala, mì pye pe yeri yaritijaanga;
20 Mì cɔgɔ fɔ a na kajeere tì yiri funwa na;
21 Yanla yinriwɛ ta, na wɛnnɛ, yanla yinriwɛ ta,
22 Yiŋgi na yoro fun ye nɛɛ na jɔlɔ paa Yɛnŋɛlɛ li yɛn?
23 E, ndɛɛ na sɛnrɛ peri yɔnlɔgɔ, ki jɛn na tanla na ni!
24 Ndɛɛ ki pye pe mbe ja ya mberi keregi keregi walaga ki na
25 Ɛɛn fɔ, mi wo na, mìgi jɛn ma yo na go shɔfɔ wi yɛn yinwege na,
26 Ali na na wire ti ka jɔgɔ sa kɔ,
27 Mi jate mi yaa ka li yan,
28 Yoro mbele ye yɛn naga yuun fɔ: «We yaa taga wi na mbaa wi puro mɛlɛ san?
29 Yaa fyɛ tokobi wi yɛgɛ, wiga ka gbɔn ye na,