1 Le yenle da' ni, ḻe'e, benne' yógo'te yež ka'.
2 ḻe'e, benne' blo ka', na' ḻe'e, benne' gax̱jw ka',
3 Wchaḻjkza' da' naken che yeḻa' žejní'il,
4 Bze nag diža' ki che yeḻa' žejní'il.
5 ¿Biẕ chen' žon byenen žeba' ḻo ža che da' zede,
6 Benne' ka' žx̱en ḻáže'gake' da' zej nake',
7 Bi be gak góngake' da' yebéj chawen' ljéžgake' ka',
10 Ḻé'egekle' žatgak benne' žejní'igekle',
11 Ẕnna ḻáže'gake' sóatezegak ẕa'sógake' ka',
12 san bi gá'nteze benne' ka' ḻo yeḻa' ba nez.
13 Yógo'te da' žóngake' naken dáche'ze,
14 Zej nake' ka to kwe' ẕila' ka' žjakba' ḻo yi' gabíl,
15 Dios yeya'we' yeḻa' nban chia' ḻo yi' gabíl
16 Bi kwe' zedlo' kate' no benne' ẕzí'ḻi'e yeḻa' wnni'a,
17 Kate' gate' bi be yechi'e,
18 Ḻa'kze x̱ak wzóe' nbane' gok chie' yeḻa' ba nez ẕen,
19 san choe'e gan zej nnita' x̱a x̱ta'we' ka',
20 Žápegak benne' ka' ḻe' ba la'ne san bi žákbe'ele'