1 Xrana' Dios, ba gunná' xánniu' neda'
2 Nézqueznu' gate dxe'a, ne gate dxasa'.
3 Ba gunná' xánniu' ca dxuna', ne ca dxexezí' lazra'.
4 Gate quebe ne guchálaja' ba nézqueznu' Lue', Xran,
5 Gátete̱zla cuita' neda' zúaquezu' Lue', Xran,
6 Ca szrente̱ naca da nézenu' Lue' naca na da dxebáneda'.
7 ¿Gala cha'a zitu' naga quebe zúaqueze Be' chiu'?
8 Che cuena' sibe zran xabáa, na' zúaquezu' Lue',
9 La séqueda' tea' lu be', ne cha'a zitu' naga dxalaj gubizra,
10 cá'anqueze na' súale̱nu' neda',
11 Chela gaca guna' gacu da chul-la neda',
12 da chul-la na' quebe gaca gucache na neda' lau Lue',
13 Lue' be̱nu' da zaj xu'u lu be̱la' dxen chia'.
14 Güe lá'anaqueza' Lue' lawe' da szrente̱ zaj naca da dxunu',
15 Blé'equeznu' neda' gate gulá' gubinna zrita xu'a,
16 Ble'enu' be̱la' dxen chia' gate gulá' gubinna na.
17 Dios, szrente̱ zaj naca da dxuwía lazru' gunu'.
18 Chela gaca lazra' gulaba' ca zaj naca na,
19 Dios, da líqueze gutiu' benne' ca' dxelune̱' da cale̱la.
20 Chiu' Lue', Dios, dxelenné̱' dizra' schanni'.
21 Xrana' Dios, dxecuídeda' benne' ca' dxuluzúe̱' Lue'
22 Dute̱ lázrdawa' dxecuídeda' benne' ca'.
23 Gunná' xanne' neda', Dios, ne gunná' da xu'u na lázrdawa'.
24 Gunná' che zúale̱ tu da cale̱la neda',