1 अले अय्यूबं लिसः बिल,
2 “जिगु खँ बांलाक न्यनादिसँ।
3 जिं खँ ल्हायेबलय् छिकपिन्सं न्यनादिसँ।
4 छु जिगु ल्वापु मनूतनापं खः ला?
5 जितः स्वयादिसँ, अले छक्क जुयादिसँ।
6 जिं थुकिया बारे बिचाः यायेबलय् जि ग्याः,
7 दुष्टत छाय् ताःई तक म्वानाच्वनीगु?
8 इमि काय्म्ह्याय्पिं बांलाक हुर्के जूगु व बांलाक च्वंगु,
9 इमि परिवार सुरक्षित व भयपाखें स्वतन्त्र जुइ।
10 इमि सा-द्वहंतय्सं मचा बुइकी।
11 इमि काय्म्ह्याय्पिं चिधिकःपिं भ्याःचात थें म्हितेत ब्वाँय् वनी।
12 इमिसं भुस्याः व वीणा थानाः लसता हनी।
13 सुखय् इमिसं जीवन हनी
14 अय्नं इमिसं परमेश्वरयात धाइ, ‘जिमित त्वःतादिसँ।
15 दक्व शक्ति दुम्ह परमेश्वर सु खः धकाः जिमिसं वय्कःयात आराधना यायेत?
16 तर दुष्टतय्गु बांलाःगु अवस्था इमिगु थःगु हे ल्हातय् मदु,
17 अय्नं ग्वःकः दुष्टतय्गु मत स्याइ?
18 दुष्टम्ह मनू ग्वःकः फसय् सुपः थें,
19 छिकपिन्सं धाइगु, ‘अधर्मया सजाँय परमेश्वरं वया काय् म्ह्याय्पिन्त ल्यंकातःगु दइ।’
20 वयागु मिखां हे इमिके वइगु नाश खनेमा,
21 मनूयागु थःगु हे जीवन सिधल धाःसा,
22 मनुखं परमेश्वरयात ज्ञान स्यने फइ ला?
23 गुलिं मनूतय्गु उसाँय् सीबलय् तक नं बांलानाच्वनी,
24 वयागु म्ह तसकं बल्लानावनी,
25 गुलिंसित धाःसा गुबलें सुख दइ मखु,
26 उपिं सकसितं चाय् नापनापं थुनी,
27 छिकपिन्सं छु बिचाः यानाच्वनादीगु दु जिं बांलाक स्यू,
28 आः व तःधंम्ह मनूया छेँ गन दु ग्वः?
29 छिकपिन्सं अनं जुयावनीपिं लँजुवाःतय्त मन्यना ला?
30 विपत्तिया दिनय् दुष्ट सुरक्षित जुयाच्वनी,
31 सुनानं वयागु ख्वाःया न्ह्यःने वयात दोषी ठहरय् याइ मखु।
34 उकिं छिकपिनिगु बकंफुसुलु खं जितः गय् यानाः सान्त्वना बी?