1 — Xenhe'ẽ py ndarovy'avei ma xerekove.
2 Aipoa'e 'rã Nhanderuete pe: “Xembopagave eme.
3 Ndee nda'u xembojexavaixe vai ri?
4 Ndee voi teve to'o guigua nderexa va'e?
5 Imarã va'e kuery oikoa ára rami teve nde'ára voi oĩ?
6 xereko vaia re reikuaa pota aguã,
7 Ndee ma reikuaa porã ojejavy va'ety e'ỹ aikoa.
8 Ndepo py ae xemboypy ha'e xeapopa va'ekue.
9 Nema'endu'a ke yapo gui rive xeapoague re.
10 Kamby rami e'ỹ teve renhoẽ xerekove,
11 Xepire ha'e xero'orã py xemonhemonde,
12 Xerekoverã reme'ẽ va'ekue ndeporayvua rupi,
13 Ha'e nunga renhomi nekuraxõ py.
14 Xapy'a rei ajejavy ramo ndee reikuaa pota 'rã.
15 Xapy'a rei xereko vai ramo nda'evei ete 'rã xevy!
16 Mba'eta xeakã amopu'ã ramo ndee xembo'a 'rã guary inharõ va'e rami.
17 Rembou ju 'rã xerovai ijayvu va'erã,
18 Mba'erã tu ha'vy xerenoẽ raka'e ha'i rye gui?
19 xee ndaikoi ma voiague rami 'rãgue aĩ,
20 Mbovy'i e'ỹ teve oĩ xe'ára?
21 ha'e xee aa e'ỹ mbove peteĩ henda ha'e gui ajevy ju e'ỹa katy,
22 yvy huũ reia, pytũ etea,