1 Ayiwa, Ayuba ka dɔ fara a ta kuma kan, k’a fɔ ko:
2 Ne bɛ kari Ala ɲanaman tɔgɔ ra, ale min ka jo bɔsi ne ra,
3 ko fɔ ka taga ne nin mina ne ra,
4 kumajugu tɛna bɔ ne da ra,
5 Ne kɔni tɛ se ka jo di aw ma fiyewu!
6 Ne lara a ra ko ne terennin lo, sigiya tɛ o ra, ne fana tɛ bɔ o kan fiyewu;
7 Ala ye ne jugu kɛ i ko a bɛ mɔgɔjugu kɛ cogo min na;
8 Jigi juman le bɛna to Alaɲasiranbari fɛ tuun,
9 Ni degu sera a ma,
10 Yala Sebɛɛtigi Ala ko bɛna se ka diya a ye ka tɛmɛ fɛn tɔ bɛɛ kan tuun wa?
11 Ayiwa, ne bɛna aw karan Ala ta sebagaya ra,
12 Aw bɛɛ ka o kow ye kosɛbɛ;
13 Ayiwa, mɔgɔjugu ninyɔrɔ flɛ nin ye Ala fɛ;
14 Hali ni a ka den caman sɔrɔ, o bɛɛ bɛ faga ni kɛrɛkɛmuru ye;
15 Ni a ta mɔgɔ min o min ka to a kɔ, banajugu bɛna o faga;
16 Hali ni a ka wari sɔrɔ caman k’a lajɛn i ko kɛnkɛn,
17 ale kɔni bɛna a ton ɲɔgɔn kan, nka mɔgɔ terennin dɔ le bɛna o faniw don;
18 A ka bon min lɔ, o ye tumuforogo le ye;
19 A waritigiraman bɛ la ka sunɔgɔ, nka o ye a ta wagati laban le ye;
20 Balahu bɛ bara ka ben a kan, i ko jiba min bɛ mɔgɔ ta;
21 Terebɔyanfan ta fɔɲɔ gbanninman b’a sama ka bɔ a sigiyɔrɔ ra,
22 Ala b’a bon, hali a tɛ hina a ra;
23 O bɛ tɛgɛrɛ fɔ a benko kosɔn;