1 Wele, na maga ma jigi wi taga ki na mbe yo fɔ ma yaa ya yarifɛlɛgɛ Leviyatan ki ni, maa ma yɛɛ fanla wi;
2 Lere se ya soro mbe yere mbege yɔn ja.
3 Ambɔ wi fɔgɔ taga na na, jaŋgo mbege tɔn wi yeri?
4 Koni mi se ya pyeri na mi si para yarifɛlɛgɛ Leviyatan ki witige ki sɛnrɛ na,
5 Ambɔ wi mbe ya mbege sɛlɛgɛ ki wɔ?
6 Ambɔ wi ya maga yɔn ki yɛngɛ ma wele?
7 Ki pɔgɔlɔ sɛlɛgɛ ki yɛn kɔɔrɔ ni, ma tanli paa tugurɔn sigeyaara yɛn naga go singi.
8 Tì maramara ti yɛɛ na jɛŋgɛ,
9 Ti ni fuun nuŋgba nuŋgba ti yɛn ma pɔ ti yɛɛ na, ma ti yɛɛ yigi,
10 Na ki ka jiri, yanwa pi ma janri ma yiri;
11 Kasɔn yinŋgele maa janri na yinrigi wa ki yɔn,
12 Wirige maa yinrigi wa ki numawegele ke ni,
13 Ki yɔn tifɛlɛgɛ ki yɛn ma wɛri fɔ ki mbe ya mbe kasɔn naŋganra fɛ mberi yigi,
14 Ki fanŋga ki yɛn wa surugubari wo ni,
15 Ki witige lara pyew ti yɛn ma sogolo ma pye ti yɛɛ ni,
16 Ki sunndo wì sheli paa sinndɛlɛgɛ yɛn,
17 Na ki ka yiri mbe yere, nambala mbele kotogofɛnnɛ jɛmbɛlɛ pe maa seri fyɛrɛ ti kala na;
18 Ma kaga gbɔn tokobi ni, kila ya yaraga ka kpɛ pye ki na,
19 Tugurɔn ti yɛn ki yɛgɛ na paa yan waga yɛn,
20 Sandiga wanla lo se ya ti ki fe,
21 Ŋgbogo ki yɛn ki yɛgɛ na paa yan waga yan;
22 Kɔɔrɔ nda ti yɛn wa ki fuŋgbogo ki na, ti yɔnrɔ tì wɔwɔ ma tanla;
23 Na ki ka tigile wa tɔnmɔ pi nɔgɔ, ki ma latijugo tɔnmɔ pi yirige paa yɛgɛ ŋga cɔgɔ tɔnmɔ ma kaa na kanni kasɔn na we;
24 Ki torosaga tulugo tɔnmɔ pi maa ŋgbɔrɔgɔ kɔɔn na yɛngɛlɛ ki puŋgo na;
25 Yaraga ko ka woro wa ŋga ki yɛn ki to laga tara ti na;
26 Yaara tugbɔɔrɔ nda fuun tì da, ki maa ti tifaga;