1 Dios, ben ga wchi'a ḻaže' benne' wnná bia' da' žak cheto' kan ẕchi'a ḻáže'kzo' Le',
2 Naž ḻe' wchi'a ḻaže'e cháwe'do' benne' chio' ka'.
3 Ḻaw ya'a ka' chejga'ngak chawe' benne' chio' ka',
4 Wchi'a ḻaže'e benne' wláž ka' ẕzáka'ḻe'egake'.
5 Chébeteze benne' wnná bian' Le',
6 Gak benne' wnná bian' ka nis yejw da' žaken ga naz,
7 Ḻo ža ka' che benne' wnná bian' gak da' chawe',
8 Nna bi'e dot yežlyó nga, žoa'a Yegw Éufrates,
9 Wzóa ẕibgak benne' dot yežlyó ḻawe' ḻe',
10 Benne' ẕnna bi'e yež Tarsis, na' benne' ẕnna bi'e yež zi'to' ka' zedjnoé'e da' wnéẕjwgake' chie',
11 Yógo'te benne' wnná bia' ka' wzóa ẕíbgake' ḻawe' ḻe,
12 Ḻe' yeslé' benne' ka' žiážjegekle', benne' ka' žḻížgake' ḻe',
13 Yeyache' ḻáže'le' benne' yache' ka', na' benne' ka' žiážjegekle'.
14 Yeya'we' benne' yache' ka' ḻo na'gak benne' wen ḻaže' ka', benne' yichj ža'a ka',
15 Soa nban benne' wnná bian',
16 Gázgake' to ẕíga'do'ze ẕoa' stribe ḻo yežlyó, na' ḻaw ya'ado' chégake' ka',
17 Sóateze la benne' wnná bian'.
18 Cháwe'ḻe'e nak X̱anžo Dios.
19 Cháwe'ḻe'e nak La la'y chie' dan' náktezen ẕen,
20 Ga ni ze ḻaw da' wnná Dabí, ẕi'n Isaí,