1 O Yoova, you koiagŋa katindi.
2 Yes tisavsaav payou tighaze: “Maaron ipul muri pani wa. Irau iuuli muul maau.”
3 Eemoghon Yoova, yom unum sigeu payou ve upoon ghou.
4 You nataŋ roran Yoova toman aliŋag tiina naghaze iuul ghou.
5 Tovenen you nazi nagheen le lolog imaagh.
6 Ighaze koiagŋa ndiŋndiŋ ndiŋndiŋ saaŋgul (10,000) tiluvut ghou pa tigham malmal payou, you irau namatughez padi maau. Mbo 23:4, 27:3
7 O Yoova, rikia moghon umundig ve uul ghou!
8 Yoova, yom moghon to irau ugham mulin ghou.