1 Lolomim poia pa Yoova ve apaiti. Pasa, ye poia kat.
2 Yes to Yoova igham mulin di ila koiadi nimadi, irau tisavia saveeŋ tonene.
3 Muuŋ, koiadi tigham di tila tineep irau ndug ndug.
4 Tamtoghon pida, tiwalaghlaagh izi ndug balim to le ya maau.
5 Pitool di, ve murun di, le tapiridi isob.
6 Tovenen tineep sami.
7 Ve ipatooŋ di pa ataam to deŋia ve tuku.
8 Tovenen yes irau lolodi poia pa Yoova, ve tipaiti pa poia toni.
9 Yes to murun di, ye ighamgham adi ya, leso tighun le isooŋ di.
10 Tamtoghon pida, yes tineep ila ndoroom tiina lolo, ve rismoghon tone timaat.
11 Pasa, tizorzoor Maaron aliŋa.
12 Tauto ye ighur uraat pataŋani kat iza todi, leso itatan di.
13 Tovenen tineep sami.
14 Ye ipas di tivot pa ndoroom tiina tonowen lolo, ve igham di tivot tila ghazooŋa.
15 Tovenen yes irau lolodi poia pa Yoova, ve tipaiti pa poia toni.
16 Ataam ariaŋadi to ruum to yabyabuuŋ to tigharaat di pa mbaras, ye irab balagin di.
17 Tamtoghon pida, yes tighamgham ŋgar to borouŋa, ve tinoknok zoraaŋ saveeŋ.
18 Lolodi pa tighan aniiŋ eta maau. Sawa to tighita aniiŋ eta, atedi inaunau ve tilulu.
19 Yes tineep sami.
20 Ye isaav, ve tinidi popoia muul.
21 Tovenen yes irau lolodi poia pa Yoova, ve tipaiti pa poia toni.
22 Tovenen yes irau tigham watooŋrau pani, ve tipaiti pa poia toni.
23 Tamtoghon pida, yes tiza waaŋ,
24 Yes tighita katin Yoova tapiri,
25 Pasa, ye isaav ariaŋa,
26 Dibom tonowen indae waaŋ todi iza kat,
27 Ve tiwataptap tinimale yes to tighun ve tiwaghamgham.
28 Tovenen tineep sami.
29 Ye igham yaghur ate izi, ve dibom imaat. Yona 1:15; Lu 8:24
30 Yes tighita taun izi, le lolodi poia.
31 Tovenen yes irau lolodi poia pa Yoova ve tipaiti pa poia toni.
32 Tovenen ighaze ival tiina tilup di pa suŋuuŋ, ndiran tonowen pale tila toman di, ve tinidi iza pa Yoova ve tipakuri.
33 Yoova irau igham ya tintina timaak le timamaas kat, tinimale ndug to le ya maau.
34 Ighaze ndug eta tinoknok ghamuuŋ ŋgar samia, ye irau iwaghamun taan todi to ŋgoreeŋa tiina, leso isami, ve mbeb eta itub ila muul maau.
35 Ve ighaze ndug eta le ya maau, ye irau igham ya ivot pani, ve ireer tiina.
36 Yes to pitool di, ye igham di tila tineep ila taan poia tonowen,
37 Tovenen yes tivazog aniiŋ ve vaen ila, ve tighita anoŋa katindi tivot.
38 Yoova ighur poia toni izaza todi, tauto timasa tinim ival.
39 Ighaze tamtoghon to Maaron koiadi titatan di le tapiridi isob, ve tigham samin di, le tineep sami toman lolodi ipataŋan,
40 nene pale Yoova iuul di, ve itatan daba to koiadi tonowen.
41 Eemoghon yes to tineep ila pataŋani lolo ve mbolaaŋ igham di, ye ipas di tivot pa pataŋani todi, ve mata padi le timasa tinim ival.
42 Ŋgar toni tonowen, ndiran deŋiadi tighita, le lolodi poia kat.
43 Tamtoghon to le ŋgar, ye irau igham ŋgar pooi pa mbeb tonene, ve mata iŋgalŋgal ŋgar to Yoova to lolo ineep tuŋia ila to tamtoghon toni ve iuluul di.