1 Ai̱ Luhanga, waatu̱bhengi̱ye bilo nʼebilo nangaaki?
2 Oosuke bantu baawe,
3 Olubhatange kandi olole ebyabhi̱hi̱i̱ye.
4 Ngi̱ghu̱ syawe niibuwo baagola mu numba yaawe.
5 Bakwete kujomba bintu byamu,
6 Bakwete ku̱bhi̱i̱ya njighi syamu sya mbaau,
7 Bookeehi̱ye numba yaawe ehi̱ki̱li̱i̱ye yeegenga hansi.
8 Niibuwo baaghambilana bati,
9 Tatukyabona kyakuswekani̱ya,
10 Ai̱ Luhanga, ngi̱ghu̱ syatu si̱ku̱hi̱ki̱ya haa kutusekeelela?
11 Ekyaleki̱ye waata enu̱ma mukono ghwawe ghwabuliyo nkiki?
12 Ai̱ Luhanga, nuuwe Mukama wanje ku̱lu̱gha hambele.
13 Okaati̱yamu nanja kabili haabwa bu̱toki̱ bwawe.
14 Nuuwe okakpeetaagula mituwe ya biyoka ebi.
15 Okaleka nsulo kandi biijulumba byabʼo
16 Okahanga ntangaali̱ kandi mukilo,
17 Nuuwe okatʼo mitaano ya nsi.
18 Ai̱ Mukama, olole ngoku ngi̱ghu̱ syawe bakwete kukusekeelela.
19 Otaleka bantu baawe abatali na bu̱kooneli̱,
20 Oosuke ndaghaano eghi waakoli̱ye naatu,
21 Otaleka aba bakwete kubona-boni̱ya mbahemuka.
22 Ai̱ Luhanga, oomuke weelwanilile.
23 Otaabululuwa ebi ngi̱ghu̱ syawe baku̱bu̱ghagha.