1 Ai̱ Mukama mu weewe, hooho nzi̱ru̱ki̱i̱ri̱, otandeka nkaswara,
2 Ntegera mapokopo gaamu,
3 Bba lubbaali lwange kandi lugo lwange,
4 Nzahuura mitegu mi̱bantegi̱ri̱,
5 Mwozo gwange ngu̱teeri̱ mu ngalu gyamu,
6 Nnoba baramya bi̱si̱sani̱ bitali na mugasu,
7 Nkwi̱za kusemererwa kandi nyeesi̱i̱mi̱re mu ngonzi zaamu zinene,
8 Ompeeri̱yo kwahi mu mikono mya banyanzigwa bange,
9 Ai̱ Mukama, nkwatira kisa,
10 B̯womi b̯wange b̯wicala mu b̯ujune,
11 Mbeeri̱ kya kugaywa hali bataahi̱ bange,
12 Banzebereeri̱ nka muntu nyaakwi̱ri̱,
13 Nkwegwa banene bakumpangiira,
14 Bei̱tu̱ gya nkwesi̱gi̱ri̱ ai̱ Mukama,
15 B̯womi wange b̯uli mu mikono myamu,
16 Ngiira kisa gya muheereza waamu,
17 Ai̱ Mukama, otandeka nkaswara,
18 Leka mi̱nwa mi̱gobya mijale,
19 Ee, b̯urungi b̯wamu ka b̯unene,
20 Weewe mu̱tu̱ntu̱lu̱ gu̱babi̱sa,
21 Mukama ahaariizwe
22 Nyaaku̱u̱ti̱ri̱ nduulu nyakoba yati,
23 Mwendye Mukama, nywensei̱ bantu baamwe!
24 Mu̱bbe bamaani, mu̱tati̱i̱re mitima,