1 Cho'n na cu' inwutz tetz Ryos.
2 Na te yi na chimbisun, na no'c tan joyle'n i'.
3 Yi na no'c tan xtxumle'n Ryos, at na ban cu'nt na nok' nin na chimbisun, tan paj i cu'n qui xomij i' swe'j.
4 Wajcaw, qui na tak'u' ama'l tan inwite'n.
5 Nk'e'tz cho'n wutane'n chi wutane'n sajle'n.
6 Na yi sajle'n, na wak' ink'ajsbil teru' cyakil ak'bal.
7 “¿Ja pe' ne'l te c'u'l yi Wajcaw?
8 ¿Qui pe' tz'el k'ajab i' swe'j?
9 ¿Qui'ct polo' banl talma' Ryos jalu'?
10 Poro yi mas ch'on yi na wil i'tz, yi nk'e'tz ni'cu'n tane'n Kataj ske'j chi bank i' sajle'n.
11 Poro tz'ul tx'akx tinc'u'l cyakil e'chk takle'n balaj yi banak yi wi'tz Ajcaw sajle'n.
12 Nin nocopon tan xtxumle'n cyakil yi e'chk balaj milawr yi bnixnak ta'n. Nin tzintxole' cyakil cu'n.
13 Ilu' kaRyosil chin tz'aknak cu'n ilu' te cyakil e'chk takle'n yi na banu'.
14 Na yi ilu' teru', wi'nin e'chk balaj milawr na bnix tanu'.
15 Na tan yi poreru', ja che'l tzaj tcy'alu' yi teru' tanumu'.
16 Ilu' inRyosil, yi cawune'nu' tan cwe'n cabsal tib yi mar, ja tbit yi yolu', na ja xob teru'.
17 Ja cawunu' tan saje'n a'bal, nin ja saj.
18 Ja quibit cyakil wunak bene'n tzi'n yi e'chk k'ancyok yi ncu'.
19 Ja cu' cabsalu' yi mar, nin ja icy'u' tul.
20 Nin yi ilu' teru', ja bajxcu'nu' ẍchiwutz yi teru' tanumu', chi na ban jun pstor ẍchiwutz yi tawun.