1 Ḻen yeḻa' žebele le goḻ che Dios, Bennen' žon choche' žo'o.
2 Le goḻ, na' le kapa' yiddo' ka'.
3 Le wkweže lozgak bia ka' kate' nak byo' že'n,
4 Naken to da' žon byene gongak benne' Israel ka',
5 Bzoen' ka to da' wḻoé'elen ẕa'só Jwsé ka' da' ben Dios katen' bžójgake' ḻo yežlyó Egipto,
6 Ẕnna Dios: “Beká'a ywa' da' bdá'gake' x̱kóže'lgak benne' chia' ka'.
7 Ḻo da' wẕáka'le, bḻižle neda', na' gókḻena' ḻe'e.
8 Le yenle, benne' chia' ka',
9 Bi si' ḻo na'le dios ka' chegak benne' yež yobl ka'.
10 Neda', Dios chele, naka' X̱anle.
11 san benne' chia' ka' bi béngake' da' wnnía'.
12 Che ḻen wléj yichja' benne' ka' dan' gókgake' ḻaẕdo' zide.
13 Chela' wzé naggak benne' chia' ka' da' wnnía',
14 na' ka' gaze wžía yi'a benne' ka' bi ẕḻé'egekle' ḻégake' chawe',
15 Chela' bengak benne' Israel ki,
16 na' Dios gone' ga gawgak benne' chie' ka' ẕoa' stribe cháwe'ḻe'e,