1 X̱ana' Dios, žx̱en ḻaža'a Le'.
2 nich bi séngake' neda' ka žon bež yix̱e',
3 X̱ana' Dios, cha' bena' neda' ki;
4 cha' zoa bi da' bi nak chawe' da' bena' che no benne',
5 cha' ki bena', be' latje bennen' bi ẕḻe'ele' neda' chawe' kwia ḻaže'e neda', na' sene' neda'.
6 X̱ana' Dios, ḻo yeḻa' ẕža'a chio', wzó ža'.
7 Benne' yógo'te yež ka' ḻá'gake' ḻawo' Le'.
8 Le', X̱ana' Dios, wchi'a ḻažo'o benne' yógo'te yež.
9 Bchinnj da' žongak benne' wen da' ẕinnj ka',
10 Dios na'kze žape chi'e neda'.
11 Nak chawe' ka ẕchi'a ḻaže' Dios da' žongak benne' ka'.
12 Cha' bi yeyát ḻáže'gake' Dios kweje' ya ntoche' chie' ka'.
13 Za' wkonle' žin ya chie' ka' che wdiḻe.
14 Benne' wen da' ẕinnj ẕkweze' da' ẕia da' gone'.
15 Ba bche'ne' to yežw gže' nich yéx̱jwgak benne' ka' ga na', san bex̱jwe' ḻekze' ḻo yežwn'.
16 Da' ẕinnj da' bene' žesbaga'n ḻekze' ẕia,
17 Wká'n ẕena' X̱ana' Dios ni'a che da' chawe' da' žone'