1 মাবুদর নামে গজল গাও ওরে দীনদার বন্দা,
2 দুতারার তালে তালে শুকরিয়া জানাও তান,
3 মাবুদর নামে নয়া নয়া গীত বড় গলায় গাও,
4 মাবুদর কালাম তো হক চিরকাল,
5 পরেজগারি আর হক-ইনছাফ মাবুদে পাইন ভালা,
6 আছমান তিয়ার অইছে মাবুদর অউ কালামে,
7 দরিয়ার হকল পানিরে কলসিত রাখইন তাইন,
8 আস্তা দুনিয়ায় মাবুদরে ডরাউক,
9 তান কথায় তো হক্কলতার অইছে পয়দা,
10 জাতি অকলর পরিকল্পনা মাবুদে করইন বেকামা,
11 মাবুদরউ পরিকল্পনা চিরকাল টিকিয়া থাকে,
12 সুখি হউ জাতি, আল্লা যার আপন মাবুদ,
13 আছমান থাকি মাবুদে চাইয়া দেখইন,
14 ই দুনিয়াত যেইন-তাইন বসত করইন,
15 পরতেক জনর দিল তো তাইন গড়িছইন,
16 বড় সিপাই দল থাকলেও রাজার রক্ষা নাই,
17 জয়র লাগি ঘোড়ার উপরে ভরসা করা বেকামা,
18 মাবুদরে যারা ডরায়, থাকে তান দয়া-মায়ার আশায়,
19 মরন থাকি তারার জীবন রক্ষা করইন তাইন,
20 মাবুদর অপেক্ষাত আছি তো আমরা,
21 তানরে লইয়াউ আমরার দিলর ফুর্তি,
22 ওগো মাবুদ, তুমার মায়া-দয়া রউক আমরার উপরে,