1 O Yooba, yaamba yo raama ketem malmal pepe.
2 Yooba, nio mbesooŋo ku tau. Tana muŋai yo mi iurpe yo lak!
3 Mi iŋgi motoŋana biibi ikam yo ma aŋsaana kat.
4 Yooba, motom miili pio mi uulu yo.
5 Pa wal meeteŋan ta timbot sula Andewa na, tirao be matan iŋgalu mini som.
6 Nio aŋkaraŋeeze mete. Tabe ikam yo ma mburoŋ imap.
7 Pataŋana ta ise tio i, koŋ koi bizin menmeen zin biibi pa.
8 Niom wal ta konoknok sanaana kamŋana na, koko molo pio!
9 Nio aŋtaŋroro i be imuŋai yo, mi ni ileŋ yo kek.
10 Ni ko ipamiaŋ koŋ koi bizin, mi ikam zin ma tiru zalan.