1 Donglom ni', Apo Dios, ta tabolom tun luwalu' ti mid abalina',
2 Halimunana' ta mid ma'at ay ha"in ti un'unnuda' ay He"a,
3 Hom'ona' ni', Apu, ti ten abigabigat ya gunna' munluwalun He"a.
4 Idatmu ni' di amlong'u, Apu, ti He"ay pange'koda' hi nitagua'.
5 O Apu, He"a ya ma"aphod di aatmu,
6 Ihamadmu ni' ta donglom tun luwalu', Apo Dios,
7 Ya He"ay gun'u pumpabaddangan hi un way nappuhih ma'at ay ha"in
8 Immannung an mi'id ahan hinan udumnan dios di umat ay He"a, Apu,
9 Ya an amin nan atagutaguh tun lutan limmum ya munhippidan mundayaw ay He"a, O Apu,
10 ti anggay He"ah nidugah di abalinanan mangat hi umipanoh'a,
11 At itudum, O Apu, nan aatmun ha"in ta nan immannung an itudum di hiyay unudo',
12 Ti nalpuh tun puhu' tun hapito' an a'al'alyam, Apu an Dios'u,
13 ti nidugah di pamhodmun ha"in,
14 O Apo Dios, daten tatagun mumpabagtu ya ten buhulona',
15 Mu inila', Apu, an He"ay Dios an ma'aggohgoh ya ma'ahhimo,
16 At haggungona' ni', ya hom'ona', ya idatmuy bi'ah'u an baalmu,
17 Ya ipattigmuy panginnilaan hinan amaphodmun ha"in ta mabainanda nan tatagun mamohol ay ha"in