1 Atogigwe Omonene, oyore egetare kiane;
2 Ere nomwegenwa ase ’nde, naende norwaki rwane,
3 Aye Omonene, omonto ninki aisaine goika okomwechaandera,
4 Omonto nigo are buna omooki,
5 Omonene, kumba igoro chiao ochiche inse aa!
6 Mesia chinkoba chiao oserebanie ababisa,
7 Rambora okoboko kwao korwa agwo igoro,
8 abwo bagokwana oborimo nemenwa yaabo,
9 Aye Nyasae, ningoterere ogoteera okoyia,
10 Aye nigo okoa abarwoti obobui,
11 Ondusie na ontoorie korwa ase amaboko y’ abanto b’echinse chingeni,
12 Tiga abamura baito ase oboke bwabo
13 Tiga ebiage biaito biichore chindagera, bigaache chindagera ao ao,
14 Tiga chiombe chiaito chibe ne’chinguru,
15 Mbare n’omogooko abanto bakonyora ogosesenigwa okwo.