1 Na nina anzingu gwa yakum.
2 Unzingge na gena asumukum. Umuke wamu takngatu dua yakum.
3 Siwan musip maatang nangayakan natapbum.
4 Nata Anutu anzing inikwaikum, Buyambam tapa, na kayuk yuwitdane nakanu datdasing yuaing?
5 Gata tasiwi nata tapduu dapaknga siknga yuke akupit. Sike tapduu nata kayuk yuwit taknga gae kaine sanga moo binga singgak.
6 Aminu kuupbam gunzit siwan katapdane wee kepdakane kaamang binga.
7 Siwan ngana Buyambam tapa, na apmanu sanga mina bingae kayuat? Wena.
8 Gata na gatuka take waiakngana kuupbam sandekngamuyo.
9 Siwan ngana na wamu dua yawit.
10 Sike na gatuka ma tasiwi maiwam.
11 Aminu wai tasikaingge gata kaanga yanike meya yake ayamunggayak.
12 Buyambam tapa, natane tumuk wamae natapso.
13 Nae meya kumzang ma namim. Gata na atnandutewi musip gwaangu gatu natapit.