1 Ayup bayanini dawamlashturup mundaq dédi: —
2 «Méning heqqimni tartiwalghan Tengrining hayati bilen,
3 Ténimde nepes bolsila,
4 Lewlirimdin heqqaniysiz sözler chiqmaydu,
5 Silerningkini toghra déyish mendin yiraq tursun!
6 Adilliqimni ching tutuwérimen, uni qoyup bermeymen,
7 Méning düshminim rezillerge oxshash bolsun,
8 Chünki Tengri iplas ademni üzüp tashlighanda,
9 Balayi’apet uni bésip chüshkende,
10 U Hemmige Qadirdin söyünemdu?
11 Men Tengrining qolining qilghanliri toghrisida silerge melumat bérey;
12 Mana siler alliburun bularni körüp chiqtinglar;
13 Rezil ademlerning Tengri békitken aqiwiti shundaqki,
14 Uning baliliri köpeyse, qilichlinish üchünla köpiyidu;
15 Uning özidin kéyin qalghan ademliri ölüm bilen biwasite depne qilinidu,
16 U kümüshlerni topa-changdek yighip döwilisimu,
17 Bularning hemmisini teyyarlisimu,
18 Uning yasighan öyi perwanining ghozisidek,
19 U bay bolup yétip dem alghini bilen,
20 Wehimiler kelkündek béshigha kélidu;
21 Sherq shamili uni uchurup kétidu;
22 Boran uni héch ayimay, béshigha urulidu;
23 Biraq shamal uninggha qarap chawak chalidu,