1 Ai̱ Mukama, nuuwe buukalo bwatu,
2 Otakahangi̱ye myena kedha kukola nsi na ebilimu byona,
3 Oku̱ku̱u̱ki̱yagha bantu mu tu̱u̱tu̱,
4 Ewaawe myaka lu̱ku̱mi̱ eli nga kilo kimui.
5 Okumalaghʼo bwomi̱i̱li̱ bwa bantu nga ndooti̱ eghi ekuhuwaaghʼo.
6 Ebikutuwaagha nkyambisi bisemeeye,
7 Ki̱i̱ni̱gha kyawe ki̱ku̱tu̱hwelekeeleli̱yagha
8 Bubhi bwatu obuboone,
9 Bilo byatu bikuhuwaaghʼo onatukwatiluuwe ki̱i̱ni̱gha.
10 Bantu bakubaagha boomi̱i̱li̱ kumala myaka nsanju̱.
11 Ni ani̱ akugubha kweli̱li̱kanʼo maani̱ ghaa ki̱i̱ni̱gha kyawe?
12 Otwegheesi̱ye ngoku bwomi̱i̱li̱ bwatu bu̱di̱i̱di̱ye,
13 Ai̱ Mukama, otukuukʼo.
14 Bu̱li̱ nkyambisi otu̱u̱su̱li̱yaghe kukunda kwawe kwamaani̱,
15 Otuhe kudheedhuwa kukani̱ye okwengaane na kusaaliluwa waatuhaaye,
16 Oleke etu̱we baheeleli̱ya baawe tubone bikoluwa byawe byamaani̱.
17 Mukama Luhanga waatu, otuhe mi̱gi̱sa yaawe.