1 Ai̱ Luhanga, tukaaghu̱wa na matui ghaatu,
2 Okabhinga na mukono ghwawe bantu baa mu mahanga,
3 Bantu baawe tabaasi̱ngu̱u̱ye kyalo eki haabwa bihiyo byabo,
4 Nuuwe Mukama wanje kandi Luhanga wanje,
5 Haabwa maani̱ ghaawe tukugengagha hansi ngi̱ghu̱ syatu
6 Si̱ye tankwesighagha buta bwanje,
7 Bhaatu nuuwe okatujuna ngi̱ghu̱ syatu
8 Tukwepankilagha mu Luhanga bwile bwona
9 Bhaatu endindi waatu̱lu̱ghi̱yʼo kandi waaleka twahemuka,
10 Okaleka twali̱gi̱ta ngi̱ghu̱ syatu
11 Okaleka baatusala nga ntaama
12 Okaghu̱li̱ya bantu baawe haa muhendo ghukee munu
13 Waaleki̱ye baliilanuwa baatu baatuwaawaani̱ya,
14 Waaleki̱ye bantu baa mahanga ghanji baatubbaaki̱i̱si̱ya
15 Si̱ye bwile bwona nkwehi̱ghu̱wagha mpemu̱ki̱ye
16 Nku̱u̱ghu̱wagha ebi abanjoi̱ye kandi abakwete kuunambula baku̱bu̱ghagha,
17 Bini byona byatubaayʼo nankabha tutaakuubuluuwe,
18 Mitima yaatu teekakughayagha
19 Bhaatu waatuleka tutali na mu̱kooneli̱ mu mbuwa sya mu kisaka,
20 Tatwabuluuwe li̱i̱na lya Luhanga waatu,
21 Wangubaaye okimani̱ye,
22 Haabwawe bakumalagha kilo kyona mbanatwita,
23 Ai̱ Mukama, oomuke! Waaghwesaghiiye nangaaki?
24 Waatwebi̱si̱li̱i̱ye nangaaki?
25 Baatu̱gengi̱ye hansi
26 Oomuke, wiise otukoonele!