1 Preisim YAWEI! Im na jis laiga ston weya oldei maindimbat mi.
2 Im lukaftumbat mi en kipum mi seifwan.
3 YAWEI, wanim pipul langa yu?
4 Melabat jis laik win.
5 YAWEI, opinimap det skai en kamdan.
6 Yu jandim laitining en meigim yu enami olabat ranawei ebriweya.
7 Yu kamdan brom hebin en lidimap mi brom dijan dipwan woda en seibum mi.
8 Olabat nomo tok trubalawei.
9 YAWEI ai garra sing nyuwan song langa yu.
10 YAWEI yu meigim ola king win,
11 Seibum mi brom det pawa blanga detlot pipul brom naja kantri.
12 Larram ola yangwan san blanga melabat jidan wulijim tri weya growap strongbala.
13 Larram melabat stowahaus jidan fulwan garram olkainaba daga.
14 Larram ola buligi blanga melabat abum detmatj gabigabi gudwei en nomo lujimbat.
15 Detlot pipul langa det kantri na garra jidan gudbinjiwei dumaji dijan na im trubala.