1 Kala yakaula Guyau, matauna agu tokwala!
2 Matauna agu tokwala deli agu taboda,
3 Mwa Guyau! Avakaga tomota, kidamwa bibodi bukuvitoki tolosisi?
4 Matausina makawala wala myala yagila,
5 Mwa Guyau! Kukisi labuma e kubusiga kuma ovalu watanawa.
6 Kuwitali kavikavila bima e kubutugigai kam tilaula.
7 E metoya walakaiwa kukwalakova
8 matausina gala avai tuta bilivalasi avaka kamokwita,
9 Mwa Yaubada! Yeigu bawosi pilatala wosi pilavau baisa yoku.
10 Yoku kusaiki gweguya si tomgwaga,
11 Mwa! Kukwatumovaigu metoya agu tilaula tovakatutuki.
12 Ibodi litumaiasi tauwau osi tuta tubovau bitubwasi,
13 Ibodi ma bwaimasi bivakasau
14 Ibodi ma bulutuvalusi biviluluvausi saina bidugaga,
15 Bimwasawasi avai boda avai boda