1 Pendereko porã va'e, perovy'a Senhor!
2 Penema'endu'a Senhor re ixã reta va'e reve pembojoguy vy.
3 Pemonhendu mboraei pyau,
4 Mba'eta Senhor ayvu ma anhetẽ ete va'e,
5 Oguerovy'a 'rã heko porã ha'e ha'evea rami joguereko va'e.
6 Yva ma oayvu py rive ojapo raka'e,
7 Yy avi omboaty raka'e ye'ẽ tuvixa va'erã,
8 Yvy jave re pendekuai va'e, pemboete Senhor.
9 Mba'eta ijayvu ramo rive opa mba'e ojekuaa,
10 Senhor omboaxa rivepa 'rã yvy regua kuery onhembopy'a okuapya,
11 Ha'e rã Senhor onhembopy'aa ma ndoaxa rivei 'rã raka'e rã peve guarã,
12 Senhor pe “Oreruete” he'i va'e regua ma ovy'a ete 'rã,
13 Yva gui Senhor oma'ẽ oiny vy
14 O'amba gui oexapa yvy regua kuery.
15 Peteĩ-teĩ kuraxõ apoare
16 Nda'ipoi huvixave oxondaro kuery po'akaa rupi oo jepe va'erã,
17 Kavaju voi nanhombopo'akai 'rã.
18 Ha'e rã Senhor ma oma'ẽ 'rã oiny henonde ojererokyjea rupi ikuai va'e re,
19 Ha'e kuery rekovea ogueraa jepe 'rã omanoa gui,
20 Nhanenhe'ẽ py nharõ Senhor nhanepytyvõ aguã,
21 Hexe ae nhanekuraxõ ovy'a 'rã,
22 Senhor, orerereko ke oremboaxya rupi,