1 ¡Ga'n ẕen X̱anžo Dios, Bennen' ẕzoa choche' neda'!
2 Ḻekze' žeyache' ḻáže'le' neda', na' nake' ka to yo'o gan že' chawa'a.
3 X̱ana' Dios, ¿biẕkze zej nak benne' ka', dan' žejsá' ḻažo'o chégake'?
4 Zej nak benne' ka' ka to da' ẕnitlen.
5 X̱ana' Dios, bsaljw ẕan ya'abá. Betj gákḻeno' neda'.
6 Bzaḻa' yes wzió' ka', na' bsejw x̱nezgak benne' wen da' ẕinnj ka'.
7 Gan zo' na'le, bze no'o, na' beslá neda' ḻo da' zedḻe'e gan ži'a.
8 Benne' ka' ẕnnátezegake' da' wen ḻaže',
9 X̱ana' Dios, goḻkza' chio' to da' kob, na' wgoḻa' da' žóḻ-ḻento'.
10 Žonkzo' Le' ga žežojgak chawe' benne' wnná bia' ka'.
11 Beslá neda' ḻo na'gak benne' zi'to' ka'.
12 Ben ga gólegak bi' byo cheto' ka' kan ẕgólegak yag ka' ḻo yo bebe.
13 Ben ga cha'gak ližto' ka' yógo'te kwe' linne cheto'.
14 Ben ga gakgak beže cheto' ka' bia waḻe ka' nich gónḻe'egakba' žin.
15 Ba nez ẕen naken chegak benne' ka' žaken ki chégake'.