1 X̱ana' Dios, benle da' ẕnnia' ḻawo' Le'.
2 Bi wchi'a ḻažo'o neda', wen žin chio', ka nak da' nbaga'a,
3 Gokḻen neda' dan' benne' ka' ẕžá'agake' neda' ẕbia ḻáže'gake' neda'.
4 Že' ḻáẕda'wa' zedḻe'e, na' žak nyache' ḻáže'ḻi'a.
5 Žejsá' ḻaža'a kan gok ža ni'te.
6 Ẕchis na'a ḻawo' Le'.
7 Da ka' gaze gákḻeno' neda', X̱ana' Dios.
8 Zildo' ben ga chejsá' ḻaža'a žeyache' ḻáže'lo' benách chio' ka' dan' žx̱en ḻáže'kza' Le'.
9 X̱ana' Dios, beslá neda' ḻo na'gak benne' ka' ẕžá'agake' neda'.
10 Bsedle neda' nich gona' da' žaz ḻažo'o Le', dan' nako' Le' Dios chia'.
11 Nich gak bian' nako' chawe', X̱ana' Dios, ben choch neda'.
12 Dan' nako' ḻi ḻaže', wžía yi'o benne' ka' ẕžá'agake' neda'.