Efésios 6
Be diꞌizh nsaꞌa gealnaban (ZPT) vs BKJ
1 Nat leꞌa bego be meꞌed no bexa ben, bxobgek bega ndoꞌ xus bega nsea ndoꞌ xnaꞌa bega ta na nak bega xmen Cristo.
1 Filhos, obedecei a vossos pais no Senhor, porque isto é justo.
2 Leꞌa lat itea be taꞌa unibeꞌe Dios, leꞌa ta ndee ta ned ndab Dios wen gunno xa bexa na li gun wa, ndab‑a wankea bega xus bega nsea xnaꞌa bega,
2 Honra a teu pai e a tua mãe, (que é o primeiro mandamento com promessa),
3 ndontsa wen yoo bega no sian liꞌin iban bega ndoꞌ gizhliyo ndee.
3 para que te vá bem, e vivas muito tempo sobre a terra.
4 Leꞌa bego ndap xin na, lá gun bega ta gakloo bexa ndoꞌ bega. Ndi utsin bingaꞌal bega bexa, no bluu bega bexa, no btenxeꞌa bega bexa lak nlad Cristo Xwan beuna gak bexa.
4 E vós, pais, não provoqueis a ira a vossos filhos, mas criai-os na disciplina e admoestação do Senhor.
5 Leꞌa bego na ndun tiꞌin ten stubga men, bxobgek bega ndoꞌ xwan tiꞌin wa, lak nxobgek bega ndoꞌ Cristo. No gop bega mod ndoꞌ bexa idub ncho ladna bega.
5 Servos, obedecei àqueles que são os vossos senhores segundo a carne, com temor e tremor, na sinceridade de vosso coração, como a Cristo;
6 Utsin bin bega tiꞌin ten xa idub tiemp, naꞌanpa nabtsa gor nsoꞌwiꞌi xa lak ndun bexa nlad wen yaꞌan xa ndoꞌ be mentsa. Ndi bin bega tiꞌin ndoꞌ xa idub juers ten bega lak nlad Dios, cuent dub gor ndun bega tiꞌin ndoꞌ Cristo.
6 não servindo à vista, como para agradar aos homens, mas como servos de Cristo, fazendo a vontade de Deus de coração;
7 Bin bega tiꞌin ndoꞌ bexa wa idub ncho ladna bega, cuent ndoꞌ Cristo naꞌanpa ndoꞌ men wa‑yá.
7 servindo de boa vontade como ao Senhor e não como aos homens;
8 Leꞌa bega uniꞌí leꞌa Cristo kix ta wen ndun itea be men, guniꞌi tal xa ndun tiꞌin ten stubga men natal naꞌan.
8 sabendo que toda a boa coisa que cada um fizer, o mesmo ele receberá do Senhor, seja ele servo, seja livre.
9 Leꞌa bego na ndap xa ndun tiꞌin ten bega, no liga utsin gok bega ndoꞌ bexa wa. Lá gun bega ta izheb bexa ndoꞌ bega, geal leꞌa bega uniꞌíka leꞌa dubtsa xa nibeꞌe ndoꞌ bego no ndoꞌ bexa wa, leꞌa ta wa Cristo xa nsob gibeꞌa. Leꞌa xa wa naꞌanpa nti be men.
9 E vós, senhores, fazei as mesmas coisas para com eles, deixando as ameaças, sabendo também que o Senhor deles e vosso está no céu, e não há acepção de pessoas com ele.
10 Bego nak beuna xmen Cristo, nat bkwaꞌan bega ta gun juert gak ladoꞌo bega, ta usaꞌa Dios ikaꞌa beuna nak xmen xa.
10 E finalmente, meus irmãos, sede fortes no Senhor e na força do seu poder.
11 Bintiꞌin bega itea be ta nsaꞌa Dios utsakndoꞌ bega, ndontsa gaꞌal kwe bega ndoꞌ be ta nlad maxuꞌu ukwiꞌinno bega.
11 Revesti-vos de toda a armadura de Deus, para que possais estar firmes contra as astutas ciladas do diabo.
12 Leꞌa beuna naꞌanpa ndeyono be men, leꞌa beuna ndi ndeyono be mbi bxin nibeꞌe. Leꞌa ta wa be mbi bxin nibeꞌe ndoꞌ gizhliyo ukaw ndee, no be mbi bxin ndesea ndoꞌ mbi.
12 Porque não lutamos contra carne e sangue, mas contra os principados, contra as potestades, contra os governantes das trevas deste mundo, contra a maldade espiritual em regiões celestiais.
13 Ta weꞌe bintiꞌin bega itea be ta nsaꞌa Dios utsakndoꞌ bega, ndontsa gun bega gan zha na ilen be ta ugap. Weꞌe gor utidla itea be ta ugap wa, leꞌa bega dubtsa nsoꞌ.
13 Portanto, tomai toda a armadura de Deus, para que possais resistir no dia mau e, havendo feito tudo, ficar firmes.
14 ¡Ta weꞌe dubtsa ute bega! Sbeꞌen gealngea bidiꞌizh bega, leꞌa ta wa cuent dub sinch ndantiꞌin dub soldad. No sbeꞌen utsin bin bega, leꞌa ta wa cuent dub bleꞌa giꞌib ntsaw dub soldad ladoꞌo na.
14 Portanto, estai firmes, tendo cingidos os vossos lombos com a verdade, e vestida a couraça da justiça,
15 No bidiꞌizh bega diꞌizh wen ten Cristo ta ndun wen yaꞌan be men ndoꞌ Dios, leꞌa ta wa cuent nkeꞌa dub soldad ndab na.
15 e calçados os vossos pés na preparação do evangelho da paz;
16 No mas bgeꞌ ladna bega Cristo, ndontsa lá ukedino maxuꞌu bega, lak dub bleꞌa giꞌib nsén dub soldad ntsaw ndoꞌ be flech nsob bealꞌ.
16 tomando, sobre tudo, o escudo da fé, com o qual podereis apagar todos os dardos inflamados do maligno.
17 No btseꞌa ladna bega leꞌa Dios msaꞌa dub gealnaban kub ikaꞌa beuna, leꞌa ta wa cuent dub xo giꞌib ncho gek soldad. No bintiꞌin bega diꞌizh ten Dios, ta na msaꞌa Espíritu ten Dios, leꞌa ta wa cuent spad ten soldad.
17 E tomai o capacete da salvação, e a espada do Espírito, que é a palavra de Deus.
18 Bidiꞌizhno tseꞌe bega Dios. No unab bega ndoꞌ Dios lak nluu Espíritu ten Dios bega. No list ute bega, no ni lá gach ladna bega, no unab bega gakno Dios itea bexa nak xmen Cristo.
18 Orando em todo tempo com toda oração e súplica no Espírito, e vigiando nisso com toda perseverança e súplica por todos os santos,
19 No unab bega ndoꞌ Dios usaꞌa Dios be diꞌizh gudiꞌizh naꞌ, ndontsa naꞌanpa izheb naꞌ gudiꞌizh naꞌ be ta ugaꞌach ten Dios, leꞌa ta wa diꞌizh wen ten Cristo.
19 e por mim; que a palavra me seja dada, para que eu possa abrir a minha boca ousadamente, para fazer conhecido o mistério do evangelho,
20 Leꞌa Dios mtuꞌub naꞌ gudiꞌizh naꞌ ta wa, no ke weꞌe nkea naꞌ litgiꞌib ndee. Unab bega ndoꞌ Dios gakno xa naꞌ gudiꞌizh naꞌ diꞌizh ten Dios lak nsabndoꞌ gudiꞌizh naꞌ‑yá, naꞌanpa izheb naꞌ ndoꞌ be men.
20 pelo qual sou embaixador em cadeias; para que possa falar dele ousadamente, como me convém falar.
21 Leꞌa Tíquico amig ten naꞌ, xa no nak xmen Cristo no utsin ndun xa tiꞌin ten Dios, leꞌa xa wa gab ndoꞌ bega xteꞌe nchoꞌo naꞌ no xtaꞌan ndun naꞌ.
21 Ora, para que vós também possais saber das coisas acerca de mim e o que faço, Tíquico, irmão amado e fiel ministro do Senhor, vos fará saber todas as coisas,
22 Leꞌa naꞌ ntuꞌub xa ndoꞌ bega, gudiꞌizh xa ná xteꞌe ncho besa no utenxeꞌa xa bega ndontsa naꞌanpa yuꞌ ladna bega.
22 o qual vos enviei para o mesmo propósito, para que conheçais as coisas a nosso respeito, e para que ele console os vossos corações.
23 Nat naꞌab naꞌ ndoꞌ Tad Dios no ndoꞌ Jesucristo Xwan beuna, gun bexa wen yoo ladna bega nak xmen Cristo. No usaꞌa xa juers mas ikweaꞌ ladna bega be ltsaꞌa bega, no mas igeꞌ ladna bega Cristo.
23 Paz seja com os irmãos e amor com fé, da parte de Deus o Pai e da do Senhor Jesus Cristo.
24 No mas uzheꞌeb utsin gunno Dios itea bexa na lá nlaꞌa ta na ndankea bexa Jesucristo Xwan beuna. Lika gak‑a.
24 A graça seja com todos os que amam a nosso Senhor Jesus Cristo em sinceridade. Amém.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar Efésios 6, comparar traduções ou montar um estudo — tudo direto pelo WhatsApp.