1 ¡Gaca ba lá'azxa Xránadxu Dios,
2 Naque̱' Benne' dxexache lazre̱' neda',
3 Xrana' Dios, ¿ájazra naca nu benne', dxeajsá lazru' le̱'?
4 Naca benne' ca tu da níteze.
5 Xrana' Dios, gusalaj zran xabáa, ne betaj gácale̱nu' neda'.
6 Bzalaj xesa guziu', ne blaga benne' ca' dxelune̱' da cale̱la.
7 Naga zu' na'la, bze̱ na'u, ne bselá neda' lu da sté̱bele̱'e̱ zua'.
8 benne' ca' tu dxelenné̱zqueze̱' da we̱n lazre',
9 Dios, gúl-laqueza' chiu' da cube, quínnia' da dxúl-lale̱na'.
10 Nacu' Lue' Bénnea' dxune̱' dxeledxúaj chawe'
11 Bexa'u neda', ne bselá neda' lu na' benne' zitu' ca',
12 Be̱n xelegula bi biu chee̱ntu' ca tu xaga da dxegula chawe',
13 Be̱n chate̱ lízrentu' xúgute̱ cuen lina chee̱ntu'.
14 Be̱n xelaca be̱zre chee̱ntu' be̱ wal-la chee̱ xelunba' zrin.
15 Ba neza zrente̱ naca na chee̱ bénneache ca' dxaca caní chee̱'.