1 Maa andivi xneꞌe ja vii yeꞌe tajan ia Dios,
2 Te in kiuu ndakani ja kaꞌnu ndevaꞌa kuu ia Dios nuu inka kiuu,
3 Visi tu na in kaꞌan, ni tu na in ndakani,
4 su tnoꞌo kaxtnoꞌo andivi kenta ninii ñuyiu,
5 te kusii ini nikandii kee veꞌe yun, na kuinio in tee inka ni tnandaꞌa jaa,
6 Te kee ndee in lado andivi, te jionduu kenta ndee inka lado andivi.
7 Te ley Jitoꞌo Dios kuu ley ndaa,
8 Tnoꞌo ja xtaku Jitoꞌo Dios ka kuu tnoꞌo ndaa,
9 Te ja yuꞌu niꞌnuo Jitoꞌo Dios kuu javii,
10 Te tnoꞌo kaꞌan ya, chi junkuaan ka inio saa oro,
11 Te tnoꞌo tatnuni maa ni xteku ña jin san ja jinokuechi san nuu ni, vi Jitoꞌo,
12 Su tu na in, te ndakuni jakueꞌe saꞌi,
13 Te suni kindee ni ja teyii san ja jinokuechi san nuu ni,
14 Te na junkuaan ini ni tnoꞌo kaꞌan san vi ja ndakani ini san, vi Jitoꞌo san,