1 O Yoova, yau naghe yo upaghazoŋai ghau ila tamtamon matazi ughe yau ŋeer duduŋag.
2 Yoova, ugabiiz ghau, ve utoov ghau.
3 Monmon matag iŋgalŋgal ŋgar tsio tau lolom isaghav tamtamon tsio ariaaŋ ve uluul zi.
4 Yau yeŋa zeran karomŋa niluplup ghei mako.
5 Yau naghur koi pa yes tau tighamgham ŋgar sasaghati, ve naleep soghan pazi.
6 O Yoova, yau nataghon ŋgar duduuŋa mon. Tauta namin nimag, leso itotoi ighe yau leg sosor eta mako.
7 Yau aat nambou mbouŋ toman lolog poia ve napait ghom,
8 Yoova, yau lolog pa rumei tsio kat. Pa ene niam to lepoogh.
9 Yes tau tisosor pa eez tsio na, upasov ghau tomani zi sov.
10 Zeran tauvene, nimazi igharghaar pa ghamuuŋ ŋgar sasaghati naol.
11 Eemon laghooŋ tsiau, yau nataghon ŋgar duduuŋa mon.
12 Yau nayooz tuŋia ila taan duduuŋa. Irau natap mako.