1 O Maaron, you nataŋ roran ghom naghaze uul ghou.
2 Ndiran samsamia tilup di, ve tikalkaal ataam pa tiwaghamun ghou.
3 Saveeŋ to tipiyaava payou ne, poia maau.
4 Yes tiyoŋyooŋ, ve tisasaŋan yes to ledi sosor maau.
5 Yes tipapazaagh taudi pa ghamuuŋ ŋgar samia.
6 Yes tikaal ataam pa ŋgar samia to tighaze tighami, ve tipait taudi tighaze: “Yei niraua kat pa ŋgar. Tovenen ŋgar to nighaze nighami, nene pale ighur.”
7 Eemoghon Maaron pale ivaneg di pa pane natu toni.
8 Saveeŋ samsamia to ivotvot ila avodi, nene pale imuul pa taudi ve iwaghamun di.
9 Ŋgar to Maaron igham padi, nene pale igham tamtoghon tisob timatughez, ve tigham ŋgar tiina pani, ve tisavia varu.
10 Tovenen ndiran deŋiadi pale lolodi poia pa Yoova, ve tiyooŋ ila toni.