1 Tessalonicenses 5
Uhokri Gannasan (PLU) vs NVT
1 Nukebyupwi, yis ka muwaka adahan usuh kinetihwa amin ku kabet ini hawkri nemnikumpiye danuh. Iné yis kawnata muwaka usuh kinetihwa amin ku kapim in danuh.
1 Não é necessário, irmãos, que eu lhes escreva sobre quando e como tudo isso acontecerá,
2 Mmanawa yis kuwis hiyakni kabayhtiwa ku yuma hiyeg nihiyekten. Ig Ukiparawiy gihawkanaprik adahan ig pisenwepye akak inin hawkri in danuh pahaye adahan ke pahapwi amepyebe ig danuh ku aysaw hiyeg ka wahapnigma.
2 pois vocês sabem muito bem que o dia do Senhor virá inesperadamente, como ladrão à noite.
3 Apim ini ku samah hiyeg awnenete: “Madikte wew kabay, yuma kiyimanama”, nikwenéwa pahaye adahan mbeyne danuh ta gitkis, ke pahapu tinobe eg kayah gukamkayh pahaye adahan. Ayge apim ini yuma bisikket gidahankis.
3 Quando as pessoas disserem: “Tudo está em paz e seguro”, então o desastre lhes sobrevirá tão repentinamente como iniciam as dores de parto de uma mulher grávida, e não haverá como escapar.
4 Yisme nukebyupwi, yis ka kema ignesma. Yihiyakemni ka abetma amisnapyi. Yis hiyakemun. Ku aysaw ini hawkri danuh pahaye adahan ke amepyebe, in ka wadisasay.
4 Mas vocês, irmãos, não estão na escuridão a respeito dessas coisas e não devem se surpreender quando o dia do Senhor vier como ladrão.
5 Mmanawa yis madikte gidahan Uhokri. Yihiyakemni ke wotbe in kabutennebe, ke puwipwakbe. Yihiyakemni ka abetma amisnapyi, in ka msanapnema kema tiyegimma adahan yis ka hiyak ku pariye hiyakemniki inyerwatnene.
5 Porque todos vocês são filhos da luz e do dia. Não pertencemos à escuridão e à noite.
6 Nikwe msakwanay ahegbet apanenekwa gapit Kiyapwiye Jesus gidawnhan. Nawenépwi hiyeg ignes ke hiyegbe ku pariye himekweknenebe. Igkis ka aminama ariknawnama. Wixwiyme amawka wixwiy apuriw.
6 Portanto, fiquem atentos; não durmam como os outros. Permaneçam atentos e sejam sóbrios.
7 Tiyegim hiyeg ka apuriw. Ignes himegbetnes. Igkis urukihwenes.
7 À noite, as pessoas dormem e os bêbados se embriagam.
8 Wixwiyme uhiyakemniwiy ka msanapnama kema tiyegimma. Wixwiy uhiyakemniwiy kabutennene ke puwipwakbe. Amawka ku wixwiy apuriw uhiyakemniwiy kabayhtiwa. Nah akkite yit abektey adahan ini. Awayg ku pariye suwtat ig kawihminaw akak sipari gidukmadga adahan gimaptenten giwkis gipetunyapu. Ayge nikwe gipetunyapu ka hiyá gisamanak. Wixwiyme, wixwiy ka kawihminaw akak siparima. Wixwiy kawihminaw akak ukamaxwanwiy ta gipitit Kiyapwiye Jesus. Wixwiy kawihminaw akak Uhokri gamnihra. Ayge nikwe upetunyapu wapityempu ka hiyá usamanakwiy adahan ig paraksa mbayka apitit uyakniwiy. Hawwata akiw ig suwtat wew akak gisuwpren sipari. Wixwiyme ku aysaw wapitye idiswiye gihiyakemni abetit uhiyakemniwiy, wixwiy wiwhwa niw, mmanawa wixwiy ipegnenekwa ta gipitit Kiyapwiye Jesus adahan ig keh wixwiy isamtaw niw.
8 Mas nós, que vivemos na luz, devemos ser sóbrios, protegidos pela armadura da fé e do amor, usando o capacete da esperança da salvação.
9 Kibeyne, ig Uhokri kaniypewiy ka adahanma wixwiy ipukepka arimkanit biyukwiki apatra utaraksanwiy henneme ig kaniypewiy adahan wixwiy isamtaw ariw biyukwiki gipitimpi Ukiparawiy Jesus Cristo.
9 Porque Deus decidiu nos salvar por meio de nosso Senhor Jesus Cristo, em vez de derramar sua ira sobre nós.
10 Ig Kiyapwiye Jesus umahkiswe udukwenaprikwiy kahadbe wixwiy aymuhwa gimun adahan apanenekwa. Ku wixwiy miyarap, ku kawk ku wixwiy kote miyate apim ini ku aysaw ig danuh, ka sam. Wixwiy madikte aymuhwenekwiye gimun Ukiparawiy adahan apanenekwa.
10 Cristo morreu por nós para que, quer estejamos despertos, quer dormindo, vivamos com ele para sempre.
11 Nikwe aydhaknay pawtak akak inakni yuwit. Wagahkisaknay pawtak hawwata ku samah yis inpawa keh.
11 Portanto, animem e edifiquem uns aos outros, como têm feito.
12 Nukebyupwi, usuh ayá yit adahan yis kiyatha nerras ku pariye kannipwiye gidahan Uhokri ayge yibet, nerras ku pariye Uhokri ikí yit adahan yiwewkisten adahan ikene yihiyakemni.
12 Irmãos, honrem seus líderes na obra do Senhor. Eles trabalham arduamente entre vocês e lhes dão orientações.
13 Kiyathanigkis kabayhtiwa awaku ku samah igkis kannipwi yidahan. Bateknay gikakkis. Wategbetanabay yihiyakemni ayge yibet pawtak.
13 Tenham grande respeito e amor sincero por eles, por causa do trabalho que realizam. E vivam em paz uns com os outros.
14 Nukebyupwi, usuh ayá yit adahan yis ikí gihiyakemnikis hiyeg ku pariye mabipwapye kannipwi adahan gipitkis. Ikinay gawaygyikis hiyeg ku pariye dunihpiye giyaknikis. Wagahkisnay hiyeg ku pariye aynesniye gikamaxwankis. Kiyaknihwanay gikakkis madikte hiyeg.
14 Irmãos, pedimos que advirtam os indisciplinados. Encorajem os desanimados. Ajudem os fracos. Sejam pacientes com todos.
15 Apuriwnabay yihiyakemni adahan yis ka diyuhkis mbayka akakwatama mbayka. Henneme apanenekwa mpiksawnay keh kabayka yisweke pawtak hawwata gikakkis madikte hiyeg.
15 Cuidem que ninguém retribua o mal com o mal, mas procurem sempre fazer o bem uns aos outros e a todos.
16 Bateknabay apanenekwa.
16 Estejam sempre alegres.
17 Piriyepkawnabay apanenekwa.
17 Nunca deixem de orar.
18 Kabayhanabay Uhokri apanenekwa abet madikte ku pariye danuh ta yit. Hennewa ig Uhokri gimawkan adahan yis amapin. Adahanikwa ini ig keh yis pahapwiwa gikak Cristo Jesus.
18 Sejam gratos em todas as circunstâncias, pois essa é a vontade de Deus para vocês em Cristo Jesus.
19 Ka yi muwaka mpithebdih gihawkan Uhokri Gitip.
19 Não apaguem o Espírito.
20 Ku pahapwi awna yit yuwit ku pariye pes giwntak Uhokri, ka yi muwaka miyatha giwn adahan yis ikin waditnepyenen.
20 Não desprezem as profecias,
21 Henneme ipegminanay yihiyakemni amin madikte giwnkis nerras ku pariye ikaw ku Uhokri Gitip awnene ay gipitkis adahan yis hiyepne baki in giwntakwatma Uhokri. Kamaxwanay apitit inakni ku pariye kibeyne.
21 mas ponham à prova tudo que é dito e fiquem com o que é bom.
22 Ka yi muwaka daxtasaw arit aynesnima mbayka.
22 Mantenham-se afastados de toda forma de mal.
23 Ig Uhokri ig atiwkekne kariswehwaki. Igwa keh yis barewpitnek pahapwite. Ig apuriwyinek pahapwite, yitip payak akak yihiyakemni yipit. Ig apuriwyi kahadbe yis yumahwa yitaraksan aynesnima giwtrik apim ini ku aysaw Ukiparawiy Jesus Cristo gidawnhan.
23 E, agora, que o Deus da paz os torne santos em todos os aspectos, e que o espírito, a alma e o corpo de vocês sejam mantidos irrepreensíveis até a volta de nosso Senhor Jesus Cristo.
24 Ku pariye Uhokri gikaksan wotwiy in ka mpiya hennentima. Ig kaniy wixwiy adahan wixwiy humaw barewpityepwi. Ayge nikwe igwa barewpithawiy ariw madikte upathawniwiy.
24 Aquele que os chama fará isso acontecer, pois ele é fiel.
25 Nukebyupwi, piriyepkawnay udahan hawwata.
25 Irmãos, orem por nós.
26 Aytnihnay madikte ukebyupwi udahan akak inyerwa batekka.
26 Cumprimentem todos os irmãos com beijo santo.
27 Nah ayá yit giwaprik Kiyapwiye Uhokri adahan yis ipegboha inin kagta gidahankis madikte ukebyupwiy.
27 Encarrego-os em nome do Senhor de lerem esta carta a todos os irmãos.
28 Ukiparawiy Jesus Cristo gabay yikaknek.
28 Que a graça de nosso Senhor Jesus Cristo esteja com vocês.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar 1 Tessalonicenses 5, comparar traduções ou montar um estudo — tudo direto pelo WhatsApp.