1 Mwa! Yoku kasi Toyamata mina Isireli, kulagaimasi.
2 Kuyomitalaim baisa madilasina dalesi Epereim, Beniamina deli Manasa.
3 Mwa Yaubada! Kukwaimilivauwaimasi.
4 Mwa! Guyau Yaubada Topeuligaga,
5 Yoku lokusakaimasi ninamwau okuvigaki kamasi bakakamsi,
6 Lokutugwali mabudosina boda ituwoli ituwoli otalila bikabiliasi mwada biyoulisi ma valusi,
7 Mwa! Yaubada Topeuligaga, kukwaimilivauwaimasi.
8 Lokukwalitati tamtala waini metoya mapilana Itipita,
9 E kutamigileu matamna,
10 Kuyowala ikuboli koya komwaidona,
11 Sisila matamna ilovasi ilosi opilikwaibwaga, mapilana Bolita Kwaiveka,
12 Avaka uula lokukwatudidaimi kalila matamna?
13 Bolodila ivapupoiyaisi,
14 Mwa! Yaubada Topeuligaga, kutovilakaimasi!
15 Kuma bukukoli matamna lokuvali,
16 Kama tilaulasi ikapitunaisi matamna e igabwaisi.
17 Bukukolaimasi deli bukutabodaimasi yakamaisi lokunagaimasi mwada m tomota,
18 Gala tuvaila bakatotubulokaimsi.
19 Mwa! Guyau Yaubada Topeuligaga, kukwaimilivauwaimasi.