1 Mwa Yaubada! Matausina gala inikolaimsi bogwa leisuvisi mwada biyoulisi m valu.
2 E matausina eiligaimwaisi uwosi m tomota paila mluveka bikamsi,
3 E matausina ivigakaisi m tomota buyavisi ibubusi makawala sopi,
4 Boda ituwoli ituwoli otalila ikikatudeuwaimasi,
5 Mwa Guyau! Ki - m gibuluwa baisa yakamaisi gala wala biwokuva?
6 Kukivili m gibuluwa bilokaia boda ituwoli ituwoli gala itapwarorusi baisa yoku,
7 Paila uula matausina bogwa eikatumataisi m tomota,
8 Taga bukumipukwaimasi paila si mitugaga tubumaiasi.
9 Mwa Yaubada! Kupilasaimasi, deli kukwatumovaimasi.
10 Avaka paila boda ituwoli ituwoli bikatupoiyaimasi, kawasi,
11 Kunakaigali si kayagigila matausina okatupipi,
12 Mwa Guyau! Kumipuki mabudosina boda ituwoli ituwoli biboda sivalima sivayu,
13 Mitaga yakamaisi m tomota, e m sipi metoya om yawa,