Filemom 1
Nuevo Testamento yin̈ abxubal (JACNT) vs ARC
1 Hanin Pablo intiꞌan, ayinicojan preso yu walnicꞌojan Istzotiꞌ Comam Jesucristo.
1 Paulo, prisioneiro de Jesus Cristo, e o irmão Timóteo, ao amado Filemom, nosso cooperador,
2 Chicotzꞌibn̈epaxtojan̈ tet ix janab Apia, yebpaxo tet naj juẍta Arquipo, naj caw colwa jin̈an̈ yin̈ ismunil Comam Dios, yeb tet sunil mac ayxaco yul iskꞌab Comam Dios chiscutxba isba bey hawatut.
2 e à nossa irmã Áfia, e a Arquipo, nosso companheiro, e à igreja que está em tua casa:
3 Haꞌojab Comam Dios Mame, yeb Comam Jesucristo Jahawil chiakꞌni iscꞌulchꞌanil iscꞌul, yeb akꞌancꞌulal teyet.
3 graça a vós e paz, da parte de Deus, nosso Pai, e da do Senhor Jesus Cristo.
4 Yet chintxahlihan tet Comam Dios hunta el, chaẍinnatijan, chiwakꞌnihan yuchꞌandiosal tawin̈ tet Comam.
4 Graças dou ao meu Deus, lembrando-me sempre de ti nas minhas orações,
5 Yuto xawabehan tato caw xahan chawil macta yetxa Comam yehi, yeb ta caw ayco hawanma yin̈ Comam Jesús.
5 ouvindo o teu amor e a fé que tens para com o Senhor Jesus Cristo e para com todos os santos;
6 Caw chinkꞌanan tet Comam Dios ta haꞌ anma xayaco isba yul iskꞌab Comam Jesucristo, yu chila ta ayco hawanma yin̈ Comam Dios, caw chistxumiloj tato han̈cꞌan̈e Comam Jesucristo chiakꞌni iscꞌulal jet.
6 para que a comunicação da tua fé seja eficaz, no conhecimento de todo o bem que em vós há, por Cristo Jesus.
7 Wuẍtaj, caw chintzalahan yeb xin caw chiyikꞌ yip wanmahan yu iscꞌulchꞌanil hacꞌul, yuto hawu yuxin xaischah macta yetxa Comam Dios yakꞌlobal yanma.
7 Tive grande gozo e consolação do teu amor, porque por ti, ó irmão, o coração dos santos foi reanimado.
8 Hanintiꞌan ischejab Comam Jesucristo wehan, yuxin chu walnihan tawet baytet caw yilal hawatxꞌeni.
8 Pelo que, ainda que tenha em Cristo grande confiança para te mandar o que te convém,
9 Yajaꞌ hacaꞌ chu yay cosat cokꞌanni hunu tzet ye tuꞌ, hac tuꞌ chu walnitojan tawet, yuto caw xahan ayach wuhan. Hanin Pablo intiꞌan icham inxahan, caw xin ayinicojan preso yu chiwalicꞌojan Istzotiꞌ Comam Jesucristo.
9 todavia, peço- te, antes, por amor, sendo eu tal como sou, Paulo, o velho e também agora prisioneiro de Jesus Cristo.
10 Caw chinocan inkꞌanaꞌan tawet yin̈ naj Onésimo, naj tiꞌ hacaꞌtan̈e incꞌaholan ye naj, yuto ischah naj Comam Jesucristo yul yanma yet ayinicojan preso tiꞌ.
10 Peço-te por meu filho Onésimo, que gerei nas minhas prisões,
11 Naj Onésimo tiꞌ, hacaꞌ hunu chejab caw matzet chiocnicoj, hac tuꞌ ye naj hawu yet yalan̈tocanoj, yajaꞌ wal tinan̈ xin caw chiocnoco naj hawu, hacaꞌ yu yocnico naj wuhan bey tiꞌ.
11 o qual, noutro tempo, te foi inútil, mas, agora, a ti e a mim, muito útil; eu to tornei a enviar.
12 Wal tinan̈ chiwatojan naj tacꞌatan̈ hunelxa, cꞌul chu hachahni naj, hacaꞌojtam haninan chinhachahan.
12 E tu torna a recebê-lo como ao meu coração.
13 Wochebalan chicancano naj incꞌatan̈an yu inchejnihan naj, haꞌojtam xin hach chachinchejan selelo naj yulbal ayinictijan yul preso tiꞌ yu Tzotiꞌ cꞌul yet colbanile.
13 Eu bem o quisera conservar comigo, para que, por ti, me servisse nas prisões do evangelho;
14 Yajaꞌ mach chisje incꞌulan inwatxꞌehan hunu tzet ye tuꞌ yalan̈to maẍto chiwabehan tzet chawute hawalni, haxinwal huneꞌ chinkꞌanan tawet tiꞌ machojab lan̈biloj, wal xin yin̈ojab hawanma chitita.
14 mas nada quis fazer sem o teu parecer, para que o teu benefício não fosse como por força, mas voluntário.
15 Naj Onésimo tiꞌ, el naj hanicꞌ tiempohal tacꞌatan̈, yajaꞌ yun̈e ismeltzo naj tacꞌatan̈ yin̈ huneln̈e.
15 Porque bem pode ser que ele se tenha separado de ti por algum tempo, para que o retivesses para sempre,
16 Yajaꞌ matxa hacaꞌo hunu chejab chuco naj, wal xin caw nimanojab yelapno naj yul hasat, hacaꞌ hunu juẍta caw ochebil ju. Walinan caw xahan ay naj wuhan bey tiꞌ, walachpaxo xin, ecꞌnahojab xahan chawil naj. Machn̈eojabtaj yu jet anmahil naj yuxin xahan chawil naj, walxinto yu juẍtaxa naj yin̈ Comam Jesucristo.
16 não já como servo; antes, mais do que servo, como irmão amado, particularmente de mim e quanto mais de ti, assim na carne como no Senhor.
17 Yuxin ta caw juẍtaxa coba yin̈ Comam chawabe, chah naj hacojtam haninan chinapnihan tacꞌatan̈.
17 Assim, pois, se me tens por companheiro, recebe-o como a mim mesmo.
18 Tato ay hunu istxꞌojal iswatxꞌe naj tawin̈, maca ta ay iscꞌas naj tawet, teye wetan.
18 E, se te fez algum dano ou te deve alguma coisa, põe isso na minha conta.
19 Hanin Pablo intiꞌan han-caw-inan chintzꞌibn̈etojan, tato ay iscꞌas naj tawet haninan chintohlahan, waxan̈ca xin chinnatijan tawet tato aypaxo hacꞌas wetan, yuto haninan walan Istzotiꞌ Comam Jesucristo tawet yet hachahni Comam yul hawanma.
19 Eu, Paulo, de minha própria mão o escrevi: Eu o pagarei, para te não dizer que ainda mesmo a ti próprio a mim te deves.
20 Hach wuẍtaj yije tzet chinkꞌanan tawet tiꞌ, yuto yuninalxa Comam Dios hawehi. Akꞌ yakꞌlobal wanmahan, yuto juẍtaxa coba yin̈ Comam Jesucristo.
20 Sim, irmão, eu me regozijarei de ti no Senhor; reanima o meu coração, no Senhor.
21 Chintzꞌibn̈etojan huntekꞌan tiꞌ tawet yuto wohtajan tato caw yijemach, caw wohtapaxojan tato ecꞌbalto tzet chayije yiban̈ tzet chiwaltotiꞌan.
21 Escrevi-te confiado na tua obediência, sabendo que ainda farás mais do que digo.
22 Chiwalnipaxtojan tawet, chasay nino bay chinehan yet chinapnihan texol. Caw xin chiwacojan yipo wanmahan ta yu chextxahli win̈an tet Comam Dios, chiel yin̈ iscꞌul Comam intohan quexwilnojan.
22 E juntamente prepara-me também pousada, porque espero que, pelas vossas orações, vos hei de ser concedido.
23 Chalto naj juẍta Epafras ta chawil haba bey tuꞌ, ayco naj preso wintajan bey tiꞌ yu yalnipaxicꞌo naj Istzotiꞌ Comam Jesucristo.
23 Saúdam-te Epafras, meu companheiro de prisão por Cristo Jesus,
24 Chalpaxto juẍta Marcos, juẍta Aristarco, juẍta Demas yeb juẍta Lucas ta cheyil heba bey tuꞌ; ebnaj tiꞌ wet munlawomalan yin̈ ismunil Comam Dios.
24 Marcos, Aristarco, Demas e Lucas, meus cooperadores.
25 Haꞌojab Comam Jesucristo Jahawil chianayo iscꞌulchꞌanil iscꞌul teyiban̈ bey tuꞌ.
25 A graça de nosso Senhor Jesus Cristo seja com o vosso espírito. Amém!
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar Filemom 1, comparar traduções ou montar um estudo — tudo direto pelo WhatsApp.