Hebreus 11
Eyacuiñajjija Esohui (ESENT) vs NTLH
1 Ecuea epeejji cuana, esejaya eba nei nei jama baꞌa: Jesosaja epeejji poanijo eꞌe jojo nei Eyacuiñajjiya ojaya esohui jayojja jama eseya acajeꞌyo. Jamajjeya eseya jama poani baꞌa: —Eꞌe jojo nei Jesosa quea huiso esohui huohui canaje; jjeya beca cuana esejaya quea quehua. Jamatii quijje eseyaya bajeꞌyo.
1 A fé é a certeza de que vamos receber as coisas que esperamos e a prova de que existem coisas que não podemos ver.
2 — ausente —
2 Foi pela fé que as pessoas do passado conseguiram a aprovação de Deus.
3 — ausente —
3 É pela fé que entendemos que o Universo foi criado pela palavra de Deus e que aquilo que pode ser visto foi feito daquilo que não se vê.
4 Abeni Eyacuiñajjija epeejji poanajejo ojaya esohui jayojja jama aca poa quea pame nee. Jamajjeya ijjiacajji ehuoneꞌ dahuajea cajo Eyacuiñajji bihuiajji, Eyacuiñajji onijje miminaje jama baꞌa: —Abeni, miya quea jaꞌa nee anaje. Jamaya ecuea quea boti nee. Jamajjeya eyaya miya baña mimishiꞌama —Eyacuiñajji poa.
4 Foi pela fé que Abel ofereceu a Deus um sacrifício melhor do que o de Caim. Pela fé ele conseguiu a aprovação de Deus como homem correto, tendo o próprio Deus aprovado as suas ofertas. Por meio da sua fé, Abel, mesmo depois de morto, ainda fala.
5 Enoca Eyacuiñajjija epeejji nei nei poa peaꞌai. Jamajjeya oya manoꞌyo jjima. Eyacuiñajjiya oya jjequisohua caꞌya poa eyahuasijje eshe tii. Onijje nequi dejja cuaa oya saꞌajja caꞌya poa. Chamaꞌ ba caꞌya cuaa poa. Eyacuiñajjija esohui yahuajo nei nei tehue ca poa Enocajo jama baꞌa: “Eyacuiñajjija esohui jayojja jama aca poajo Eyacuiñajji quea bihui nee poa Enocajo” jamaya tehue ca poa.
5 Foi pela fé que Enoque escapou da morte. Ele foi levado para Deus, e ninguém o encontrou porque Deus mesmo o havia levado. As Escrituras Sagradas dizem que antes disso ele já havia agradado a Deus.
6 Eꞌe, Eyacuiñajji nijje jjapeequi ajjajo, ojaya esohui jayojja jama aꞌajjajo, Eyacuiñajji ojjaña ese nijje quea bihui nee pojjeama poaje. Ojjaña joya Eyacuiñajji nijje jjapeequi sa poani cahuohui cahua jama baꞌa: —Ecuea eba Eyacuiñajji enequi tii tii, eshe. Ojjaña joya oya sa poani ohuaya eꞌe jojo nei quea pame nee acani —cahuohui cahua.
6 Sem fé ninguém pode agradar a Deus, porque quem vai a ele precisa crer que ele existe e que recompensa os que procuram conhecê-lo melhor.
7 Noe Eyacuiñajjija epeejji nei peaꞌai poa. Jamajjeya Eyacuiñajjiya oya huohui ca poa jama baꞌa: —Ojjaña meshijo baꞌe cuana huiꞌijeajeꞌyo ena jjayehuequiajo. Ohuajea caje ojjaña tii —Eyacuiñajjiya aca poa.
7 Foi pela fé que Noé ouviu os avisos de Deus sobre as coisas que iam acontecer e que não podiam ser vistas. Noé obedeceu a Deus e construiu uma barca em que ele e a sua família foram salvos. Assim Noé condenou o mundo e recebeu de Deus a aprovação que vem por meio da fé.
8 Amajama Eyacuiñajjija epeejji nei poa. Jamajjeya Amajamaa shajjaꞌajja ca poa Eyacuiñajji onijje mimiajo. Jama poa baꞌa: —Amajama, ¡miquea meshijo nequi cuayaquiꞌyocue! ¡Poquicue pea meshi yasijje, ma miquea ba jjima huasijje! Eyaya ma meshiya miya quiaje. Miquea ebaꞌejji poajeꞌyo, miquea osecua cuanaja peaꞌai poajeꞌyo —Eyacuiñajjiya aca poa.
8 Foi pela fé que Abraão, ao ser chamado por Deus, obedeceu e saiu para uma terra que Deus lhe prometeu dar. Ele deixou o seu próprio país, sem saber para onde ia.
9 Jamajjeya Eyacuiñajjija esohui jayojja jama poanijo oya baꞌequiꞌya poa pea meshi yasijje, ma Eyacuiñajjiya o huohui ca poa huasijje. Ma meshijo baꞌe dejja pea poa. Jamajjeya Amajamaja equi iya jjima poa; daqui equijo baꞌya poa. Jamaya peaꞌai poa oja bacua Isaaca, ojaya osecua Jacobo peaꞌai.
9 Pela fé ele morou como estrangeiro na terra que Deus lhe havia prometido. Viveu em barracas com Isaque e Jacó, que também receberam a mesma promessa de Deus.
10 Eꞌe, Amajama jjashahuabaquinaje pea cuiñajjijo, cuiñajji eyacuajo, ma Eyacuiñajjiya eyajo iya canijo. Amajama jama poa baꞌa: —Quijje eya Eyacuiñajjija cuiñajji eyacuajo baꞌeje.
10 Porque Abraão esperava a cidade que Deus planejou e construiu, a cidade que tem alicerces que não podem ser destruídos.
11 Sana Eyacuiñajjija epeejji nei poa peaꞌai. Jamajjeya Sana pona tii nojinoji majje jjamejoquia poa, jamatii eshoꞌyahua jjamejoqui jjima poa. Eyacuiñajjiya oya jjamejoqui meesahua ca poa ojaya epeejji nei poanijo. Sana jjashahuabaquia poa jama baꞌa: —Eyacuiñajjiya huohui canaje Amajama ecuanaja ebacuajo eꞌe nei. Jamajjeya ma ecua ecuanaya ohuaya huohui canaje jamaya acajeꞌyo eꞌe jojo nei —Sana poanaje.
11 Foi pela fé que Abraão se tornou pai, embora fosse velho demais e a própria Sara não pudesse ter filhos. Ele creu que Deus ia cumprir a sua promessa.
12 Amajama Eyacuiñajji nijje jjapeequinaje peaꞌai, oja sohuijo eꞌe nei jjabahuejjaquinaje. Jamajjeya dejja tii nojinoji majje, 100 shequiajame tii majje ebacua jea ca poa. Ehuanase etii nojinoji jjamejoquia poa, jamatii yahuajo nei bacuamaꞌ nei nei poa. Jamajjeya ojaya osecua quea huiso nee nee quijje jjapapaquiꞌya poa. Majameta huisoajja poa, sico meemee ajja quea huiso nee nee. Meshijajijo ani mei sisi huisoajja poa.
12 Assim, de um só homem, que estava praticamente morto, nasceram tantos descendentes como as estrelas do céu, tão numerosos como os grãos de areia da praia do mar.
13 Jiquio etiiquiana Eyacuiñajji nijje jjapee tiitiiquianinaje. Dejja tii majje manoꞌya poa Eyacuiñajjija epeejji tiiya. Eꞌe, Eyacuiñajjiya oya cuana huohui ca poa jama baꞌa: —Eyaya miya jiquio meshi quiajeꞌyo miquea epojji, miquea osecua cuanaja epojji peaꞌai.
13 Todos esses morreram cheios de fé. Não receberam as coisas que Deus tinha prometido, mas as viram de longe e ficaram contentes por causa delas. E declararam que eram estrangeiros e refugiados, de passagem por este mundo.
14 Eꞌe, oya jamaya poaninaje pea ebaꞌejjijo jjashahuabaquianijo. Ebaꞌejji eꞌe jojo neijo jjashahuabaquianinaje ojaya epojji tii tiijo.
14 E aqueles que dizem isso mostram bem claro que estão procurando uma pátria para si mesmos.
15 Oya cuana jjashahuaba majaqui ajja poa meshijo, ma yahuajo oja jiñaꞌyojo. Jjashahuabaquianinaje jama baꞌa: —Ma e baꞌya poa meshi yasijje ca iña poqui sa poꞌyo ajja. ¿Ajeo epoqui oꞌoyajji, de? —poanaje oya cuana.
15 Não ficaram pensando em voltar para a terra de onde tinham saído. Se quisessem, teriam a oportunidade de voltar.
16 Chojja. Oya cuana pea ebaꞌejjijo jjashahuabaquianinaje, ebaꞌejji eyacua quea pame nee neejo eyajo Eyacuiñajji nijje. Jamajjeya Amajama jama poa baꞌa: —Eyacuiñajji, eya miquea epeejji.
16 Mas, pelo contrário, estavam procurando uma pátria melhor, a pátria celestial. E Deus não se envergonha de ser chamado de o Deus deles, porque ele mesmo preparou uma cidade para eles.
17 — ausente —
17 Foi pela fé que Abraão, quando Deus o quis pôr à prova, ofereceu o seu filho Isaque em sacrifício . Deus tinha prometido muitos descendentes a Abraão, mas mesmo assim ele estava pronto para oferecer o seu único filho em sacrifício.
18 — ausente —
18 Deus lhe tinha dito: “Por meio de Isaque é que você terá descendentes.”
19 Majoya Eyacuiñajjija esohui shajjaꞌajja majje Amajamaa oja bacua ejja dojo ca poa eyacuaꞌyojji nisho: —Eꞌe, eyaya Eyacuiñajjija esohui jayojja jama ajeꞌyo; ecue bacua oe nei yacuajeajeꞌyo —Amajama poanaje—. Eꞌe, eya Isaaca yacuaꞌyajo, Eyacuiñajjiya oya emanoꞌyojaa shequi mee caje oꞌoya —Amajama poanaje.
19 Abraão reconhecia que Deus era capaz de ressuscitar Isaque, e, por assim dizer, Abraão tornou a receber da morte o seu filho Isaque.
20 Isaaca Eyacuiñajjija epeejji nei peaꞌai poa. Jamajjeya ojaya ebacua ejja Jacobo, Esao peaꞌai huohui ca poa jama baꞌa: —Jacobo, Esao peaꞌai, ¡shajjaꞌajjacue mo! Ma ecua eya ohua huohui ca poa jayojja jama Eyacuiñajjiya acajeꞌyo miquiana nijje. Ohuaya miquiana nijje quea pame nee acajeꞌyo. Eꞌe, jiquio meshi miquea osecua cuanaja poajeꞌyo —aca poa Isaacaa.
20 Foi pela fé que Isaque prometeu bênçãos para o futuro a Jacó e a Esaú.
21 Jacobo peaꞌai Eyacuiñajjija epeejji nei poa. Jacobohua dejja tii majje oja bacua ejja Jose bajjanija bacua cuana huohui ca poa jama baꞌa: —Ecuea osecua, Eyacuiñajjiya miquianaya quea pame nee caꞌa cahua eꞌe jojo nei —Jacobohua aca poa ojaya osecua cuana, Joseja bacua ejja cuana.
21 Foi pela fé que Jacó, pouco antes de morrer, abençoou os filhos de José. Ele se apoiou na sua bengala e adorou a Deus.
22 Jose peaꞌai Eyacuiñajjija epeejji nei poa. Jamajjeya tii nojinojiꞌyo majje manoꞌyo jjimahuaa Joseya oja bacua ejja huohui ca poa jama baꞌa: —Eꞌe jojo nei Eyacuiñajjiya eseya ojjaña Amajamaja pea osecua cuana nijje Ejito meshijo nequi cuayaqui meesahua cajeꞌyo pea meshi yasijje epoquiꞌyojji, eseja meshi yasijje. Jamajjeya ¡e manoꞌyajo ecuea esaꞌ cuana dojoꞌyocue ecue meshi yasijje! ¡Jjani ai yasijje huanadobiañaquiꞌyocue! —huohuime aca poa Joseya.
22 Foi pela fé que José, quando estava para morrer, falou da saída dos israelitas do Egito e deu ordens sobre o que deveria ser feito com o seu corpo.
23 Moisesija chii, ojaya enaese peaꞌai Eyacuiñajjija epeejji nei nei poa. Jamajjeya Ejito meshi meseya Panao bajjaniya ojjaña Ejito meshijo baꞌe cuana Jodio cuana jama aca poa baꞌa: —¡Jodio cuana, miquea ebacua cuaya jeahuajo cuei yasijje jeaoqueajeacue! —aca poa.
23 Foi pela fé que os pais de Moisés, quando ele nasceu, o esconderam durante três meses. Eles viram que o menino era bonito e não tiveram medo de desobedecer à ordem do rei.
24 Panaoja bacua pionaa Moisesi ba majje tii mee ca poa. Jamatii tii majje Moisesi Eyacuiñajjija epeejji nei poa. Jodio cuana nijje baꞌeꞌyo sa poa, oja huapa pojjeama nijje. Moisesiya Ejito dejja jama aca poa baꞌa: —¡Aꞌa eya nequiaa jama ajji baꞌa: “Miya Panaoja bacuaseja bacua” aꞌa eya ajji! —Moisesiya aca poa.
24 Foi pela fé que Moisés, quando já era adulto, não quis ser chamado de filho da filha de Faraó.
25 Ejito dejjaa aje oe Jodio cuana sosemaꞌ chaco mee ca poa, cuiasejjajea ca poa quea huiso nee, Eyacuiñajjija epeejji cuana. Quea nee poa. Jamatii Moisesi Jodio cuana nijje baꞌe sa poa. Oya Ejito cuana nijje baꞌe sa po ajja neinei poa oya cuana quea mimishi poanijojo. Oya ca ca Eyacuiñajji nijje jjapeequi sa poa jamatii quea nee.
25 Ele preferiu sofrer com o povo de Deus em vez de gozar, por pouco tempo, os prazeres do pecado.
26 Jjashahuabaquia poa jama baꞌa: —Eyacuiñajjija huoojeaꞌyo ojjaña jaahuanajji quea tai nee acajeꞌyo mimishi cuaa. Eya quea nee capoahua peaꞌai o jayojjaya. Jamatii, jamaya quea pame nee. Ejito dejjaja aquiana quea nahue ecuea yani. Jamatii cajaa eyaya ajeaje —Moisesi poa. Ojaya eba poa Eyacuiñajjiya oya quea pame acajeꞌyo quijje onijje jjapeequianijo.
26 Ele achou que era muito melhor sofrer o desprezo por causa do Messias do que possuir todos os tesouros do Egito. É que ele tinha os olhos fixos na recompensa futura.
27 Moisesi Eyacuiñajjija epeejji nei nei poa. Panaohua ca ca Eyacuiñajjija epeejji Jodio cuana nahue sa aca poa ojaya echacojji sosemaꞌ epojji; quea tai, quea mase oya poa. Jamatii Moisesi Panaojo meteꞌama poa: —Eyaya ca iña Eyacuiñajjija epeejji Ejito meshijo ani cuayaqui meesahuajeꞌyo ecuanaja meshi yasijje epoquiꞌyojji —jamaya Moisesiya Panao aca poa meteꞌamaa nei. Eꞌe, Eyacuiñajji Moisesija eba poa, jamatii Eyacuiñajji jjaba meequi ajjajojo ojaya ecojjaja ba jjima poa.
27 Foi pela fé que Moisés saiu do Egito, sem ter medo da raiva do rei, e continuou firme, como se estivesse vendo o Deus invisível.
28 Moisesiya Eyacuiñajjija epeejji nei poaniya jjejojo Eyacuiñajjija esohui jayojja huohuime aca poa Jodio cuana jama baꞌa: —¡Ñajjajja cuiacue! Majoya cuiaꞌyo majje ¡jeasijijeacue oja naa miquea esecue jjanijo esohuidojojjiya miquea ebacua ejja ecuiajeajji pojjeamajo, cojjasobo! Jamajjeya poeje shajjamaja bacua ejja cuiajeaa —Moisesiya aca poa.
28 Pela fé Moisés começou o costume de celebrar a Páscoa e mandou marcar com sangue as portas das casas dos israelitas para que o Anjo da Morte não matasse os filhos mais velhos deles.
29 Jodio cuana Isaenija osecua cuana Eyacuiñajjija epeejji poa yahuajo nei Moisesi Jodio cuana jaahuana coojji poa. Jamajjeya Eyacuiñajjiya oya cuana bae huoꞌo ojje miji yasijje poqui mee ca poa ejiojji jabojje. Ba majje Ejito dejja jama poa baꞌa: —¡Cuaꞌa! ¡Poquicue ma ecua Jodio dejja poquia bacue! —poa. Jamatii Ejito dejja epoquijji nisho poꞌajja poa. Huiꞌi jeyojeyoꞌya poa ojjaña. Enaa oya cuana jepajea ca poa.
29 Foi pela fé que os israelitas atravessaram o mar Vermelho como se fosse terra seca. E, quando os egípcios tentaram atravessar, o mar os engoliu.
30 Isaenija osecua cuana Eyacuiñajjija epeejji poa Josoe o huoojeaꞌyojji poanijo peaꞌai. Jamajjeya Eyacuiñajjija esohui jayojja jama Jenico cuiñajji sahuajje jjajeacohuiqui nequiꞌya poa. Quea huiso cahuime dobiqui jjima, me oejje pea beca cahuime, 7 cahuime aca poa. Eyacuiñajjiya mei peeyi jaabichajea meequi ca poa meshi yasijje. Jamaya aca poa Isaeni dejja cuaa. Ojjaña mimishi cuana jomajo baꞌe quecua jeyojeyo meesahua ca poa, Eyacuiñajjiya.
30 Foi pela fé que caíram as muralhas de Jericó, depois que os israelitas marcharam em volta delas durante sete dias.
31 Epona Shajami bajjani, ma pea cojjojji yahuajo poa Eyacuiñajjija epeejji poꞌyonaje. Jamajjeya Josoeja huoojea beca dejja Jenico cuiñajji quehua baa dobiqui Shajamiya oja equi yasijje iyaaquehua ca poa onaa equecua ca poajejje. Jamajjeya Josoeja sohuinano cuaa dejja mimishi quecuajeaꞌyo majje Shajami quecuaꞌyo jjima poa. Josoeya huohui ca poa jama baꞌa: —¡Aꞌa Shajamija huapa pojjeama quecuajji! —aca poa.
31 Foi pela fé que Raabe, a prostituta, não morreu com os que tinham desobedecido a Deus, pois ela havia recebido bem os espiões israelitas.
32 Pea etiiquiana quea huiso Eyacuiñajjija epeejji nei poa. Beca cuana ma bajjani poa baꞌa: Jjeneoni bajjani, Banaca bajjani, pea Sanisohui bajjani, pea Jepete bajjani, pea Dabi bajjani, pea Samoeni bajjani. Quea huiso Eyacuiñajjija esohui huohuijji Jodio etiiquiana poa. Jjeya ca ca eyaya ojaya cuanaja ebaꞌejjijo ehuohui jeyojeyojji pojjeama quea huisojojo.
32 O que mais posso dizer? O tempo é pouco para falar de Gideão, de Baraque, de Sansão, de Jefté, de Davi, de Samuel e dos profetas .
33 Oya cuana Eyacuiñajjija epeejji nei poaninajejo oya cuana ameesahua canaje joya ecua peaa ajjima acani jama. Jamajjeya beca cuaa emeshi mese quea mimishi cuana jeabichajea ca poa. Pea cuana ona huoojeajji quea jaꞌa nee poa. Pea cuana quea caꞌa poa, quea jaꞌa nee baꞌeꞌya poa. Ojaya esohui yahuajo jayojja ma ecua ohuaya yahuajo esohui huohui ca poa jamaya aca poa onajo, Eyacuiñajjiya. Pea cuana neonija, ibia naa ashaja ijjia jjima poa Eyacuiñajjiya oya jjanaba cami meequi ca poa ojaya epeejji cuana eꞌijjia caꞌyo poaje jjejojoya.
33 Pela fé eles lutaram contra nações inteiras e venceram. Fizeram o que era correto e receberam o que Deus lhes havia prometido. Fecharam a boca de leões,
34 Pea cuana Eyacuiñajjiya jaahuana canajejo quiyoꞌyo jjima poa. Cuaqui jiji neijo nequi quiyoꞌyo jjima poa. Pea cuana quehuajje poquicuaji meesahua ca poa dejja maseya equecua ca poaje jjejojoya. Pea epeejji cuana caꞌaꞌama. Jamatii Eyacuiñajjiya quea caꞌa po mee ca poa; dejja mase quea huiso cuana jeabichajea ca poa, Eyacuiñajjija epeejji pojjeama mete mee ca poa.
34 apagaram incêndios terríveis e escaparam de serem mortos à espada. Eram fracos, mas se tornaram fortes. Foram poderosos na guerra e venceram exércitos estrangeiros.
35 Epona cuana quea yeno nee nee ebacua manoꞌyajo poa. Jamatii Eyacuiñajjiya ebacua cuana emanoꞌyojaa shequi mee ca oꞌoya poa. Quea bihui nee po mee ca poa. Pea cuana ca ca dejja mimishiya quea nee nee po mee caꞌya poa. Quea nee neejo manoꞌya poa. Oya cuana huohui ca poa dejja mimishiya: —¡Eyacuiñajji nijje jjapeequi pajeaꞌyocue! ¡Cajaa acue! Majoya miya quecuaꞌyo jjima poaje —poanaje cuana.
35 Pela fé mulheres receberam de volta os seus mortos, que ressuscitaram. Outros foram torturados até a morte; eles recusaram ser postos em liberdade a fim de ressuscitar para uma vida melhor.
36 Dejja mimishi cuana Eyacuiñajjija epeejji cuanajo soa neineinaje ojjañaa ba canijo peaꞌai. Napa canaje, cuiasejjajea canaje jjonohua, jeyo canaje cadenaa, jeanobiajea canaje.
36 Alguns foram insultados e surrados; e outros, acorrentados e jogados na cadeia.
37 Jajahuejjajea canaje meiya peaꞌai. Eꞌe, acui ijjiasejjameejjiya oya cuana ijjiasejjajea mee caninaje, esapa jajasejjajea ca poa baaa Eyacuiñajji aꞌa cajaa acajeꞌyo ebajji. Aemaꞌ poa; daquimajo ijjiacajji jee daqui huosho ca poa. Bobi yasijje poꞌya poa. Quea naba taja nee nee peaꞌai poa. Eꞌe, ojjañaa ba canaje dejja mimishi cuaa oya cuana quea tai nee nee aca poa, cajaa aca poa. Jama aca poa: —¡Dee! Jiquio dejja cuana quea tai, cajaa. ¡Ejjacuiajeaquiꞌyo! —aca cuaa poa.
37 Outros foram mortos a pedradas; outros, serrados pelo meio; e outros, mortos à espada. Andaram de um lado para outro vestidos de peles de ovelhas e de cabras; eram pobres, perseguidos e maltratados.
38 Jamajjeya oya cuana dejja masejo quea mete jjejojo quehuajje poquinaje. Cuajicuaji poquinaje meshi quima huasijje, eyiyo huasijje, jjani yasijje peaꞌai. Equi chamajo jjanijo baꞌya poa.
38 Andaram como refugiados pelos desertos e montes, vivendo em cavernas e em buracos na terra. O mundo não era digno deles!
39 Jiquio Jodio etiiquiana Eyacuiñajjija epeejji poa, quea pame nee. Eyacuiñajji jama poa ona nijje baꞌa: —Miya ecuea epeejji nei quea pame nee nee, ecuea ehuohui jayojja jama aña.
39 Porque creram, todas essas pessoas foram aprovadas por Deus, mas não receberam o que ele havia prometido.
40 Jamajjeya Eyacuiñajjiya oya cuana ishoa mee ca poa. Eꞌe, Eyacuiñajji jjashahuabaquinaje ojjaña cuana quea boejeaꞌyo epo meeꞌyojji; ojjaña yahuajo nei cuana baꞌya poa, eseya jjeya nei baꞌe peaꞌai quea boejeaꞌyo epo meeꞌyojji. Jamajjeya ojjaña eseya ojee baꞌe tiitiijeꞌyo quea boejea Eyacuiñajji nijje eyajo, ojjaña tii.
40 Pois Deus tinha preparado um plano ainda melhor para nós, a fim de que, somente conosco, elas fossem aperfeiçoadas.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar Hebreus 11, comparar traduções ou montar um estudo — tudo direto pelo WhatsApp.