2 Coríntios 12
NAƆ ‑SË 'SËËDHƐ (DAF) vs ARC
1 Ka‑ ‑pö 'a n 'tɔ ꞊në‑ 'kun (kö ‑ya ‑zɔn ꞊dhɛ Yesu ‑bha bɔmɛ ‑mü n 'ka) "kɛɛ kö 'tɔ 'kun ‑sü 'yaa ‑së ‑ee? ꞊Ya 'to yö ‑zë ‑bha, kö n "yan 'gü ‑nu 'ö ‑da waa‑ 'wɔn ‑nu 'ö kwa Dëmɛ ‑ya ‑zɔn n ‑dhɛ bha ꞊në maa‑ ‑dhiang zë.
1 Em verdade que não convém gloriar-me; mas passarei às visões e revelações do Senhor.
2 Mɛ 'bha 'a‑ dɔ Atanna ‑bha zian ‑ta bha "gbʋʋ‑ kë‑ ‑sü yi do 'ka 'ö dho‑ 'ka dhang‑ ‑to ꞊taamasü 'gü, 'wɔn 'ö ‑kë ‑mɛ 'ka "dhʋ̈ bha kö 'ö ‑kë kö‑ ‑mɛ ‑yö ꞊dhɛ ‑kɔ do 'kwa‑ ‑bha ya 'dhö ‑ee "ɛɛn kö‑ "yan 'gü 'pö ‑da ‑ee, 'mii yö ‑zë 'wɔn dɔ, "fɔn Atanna doseng ꞊në‑ dɔ. "Kɛɛ 'wɔn bha 'ö ‑kë "dhʋ̈ ‑a ‑kwɛ ꞊ya kë ‑kaɔng do ga ‑yiisiö.
2 Conheço um homem em Cristo que, há catorze anos (se no corpo, não sei; se fora do corpo, não sei; Deus o sabe), foi arrebatado até ao terceiro céu.
3 'Sa a‑ ‑pö a‑ 'wɔn ‑dɔ 'kpakpadhö ꞊dhɛ mɛ 'ö "dhʋ̈ bha, (kö i "yan 'gü 'pö ‑da ‑ee, "ɛɛn kö ‑yö ‑kë "dhʋ̈ kö ‑yö "kpʋng ꞊taa ‑kwi ya‑ 'gü ‑ee, 'maa yö ‑zë 'wɔn ‑dɔ, Atanna yöö do ꞊në‑ dɔ,)
3 E sei que o tal homem (se no corpo, se fora do corpo, não sei; Deus o sabe)
4 "kɛɛ 'gbʋ‑ kë‑ ‑mɛ 'sü ‑zë ‑wo 'ö dho‑ 'ka ‑yɛa ‑së 'ö Atanna "piʋ̈ dhang‑ 'gü bha‑ 'gü, 'yö‑ "tʋ ‑yö ‑da ‑wʋ ‑sɛngbɔ ‑nu 'ö mɛ 'yaa ꞊mɔɔ‑ pö ‑sü ‑bha mɛ "dhi "dhiʋ̈,
4 foi arrebatado ao paraíso e ouviu palavras inefáveis, de que ao homem não é lícito falar.
5 "dhabhliwɔn 'ö Atanna ‑ya ‑kë 'mɛ bha‑ ‑dhɛ bha ꞊në 'a dho ꞊mɔɔ‑ ‑bha 'a "plüün bho‑ 'gü, "kɛɛ 'mii 'dho ꞊mɔɔ‑ ‑bha kö 'a‑ bho n ‑dɩ ‑wɔn ‑zë 'gü. ‑Ɛɛ! 'Ma kë 'zü‑ ‑bho n ‑dɩ ‑wɔn 'gü ‑pë 'ka, kö a ‑dho ‑a bho n ‑ma "sɩ 'yaa n ‑dhɛ ‑sü bha ꞊në‑ 'gü.
5 De um assim me gloriarei eu, mas de mim mesmo não me gloriarei, senão nas minhas fraquezas.
6 ꞊Ya kë ꞊dhɛ "plüün bho ‑dhɔ ‑zë ‑yö n ‑bha 'nu, 'ma‑ pö 'a "plüün bho, kö 'mii 'dho kë 'nu ꞊dhɛ slaamɛ 'dhö, kö tɛanwɔn ꞊në 'a dho‑ pö 'nu. "Kɛɛ ‑a ‑dhɔ 'yaa n kë, kë "dhʋ̈ kö 'pë 'wo n yö‑ kë ‑dhɛ 'gü, "ɛɛn 'wo‑ ma n ‑ta bha 'wa 'dho‑ "dhiʋ̈ ‑ziö ‑ta pö n ‑bha.
6 Porque, se quiser gloriar-me, não serei néscio, porque direi a verdade; mas deixo isso, para que ninguém cuide de mim mais do que em mim vê ou de mim ouve.
7 'Sa 'wɔn 'ö‑ ‑wɔn 'gü 'yö pë "yua ‑sü 'ö ꞊dhɛ "glɛnga 'dhö 'ö n kwi 'gü bha 'yö bha, kë "dhʋ̈ kö 'ma 'dho n ‑dɩ ꞊në 'sü 'kpii‑ 'wɔn ‑së ‑ziisü 'ö‑ ‑mɔɔ 'ka 'yaa 'dhö, 'ö Atanna ‑ya ‑zɔn n ‑dhɛ bha‑ ‑wɔn 'gü. 'Sa pë "yua ‑sü 'ö "dhʋ̈ bha ‑yö ꞊dhɛ Sɔtraan ‑bha "kië 'ö‑ bɔ kö ‑yö 'wɔn bho n 'gü, kë "dhʋ̈ kö 'ma 'dho n ‑dɩ 'sü 'kpii‑ ꞊në‑ 'dhö.
7 E, para que me não exaltasse pelas excelências das revelações, foi-me dado um espinho na carne, a saber, um mensageiro de Satanás, para me esbofetear, a fim de não me exaltar.
8 'Ma bhɛa" kwa Dëmɛ ‑dhɛ ‑gɛn ‑yan 'ka ‑yaaga kö ‑yö pë "yua ‑sü 'ö "dhʋ̈ bha‑ bho n ‑bha,
8 Acerca do qual três vezes orei ao Senhor, para que se desviasse de mim.
9 "kɛɛ ꞊dhɛ 'a‑ pö‑ ‑dhɛ "dhʋ̈ 'yö‑ pö n ‑dhɛ «‑Gasitɛ 'a‑ ‑kë i ‑dhɛ bha ꞊ya i ‑bha bho, ‑a ‑gɛn ‑mü ꞊dhɛ 'mɛ 'ö "sɩ 'yaa‑ ‑dhɛ ‑a ‑mɛ ‑kɔ "dhiʋ̈ 'kun ‑kɔ 'a‑ kun‑ 'ka bha ꞊në 'wo‑ dɔ ꞊dedewo ‑bha ꞊dhɛ n 'gü ‑yö "gbɩɩ‑.» ‑A ‑kë "dhʋ̈ ‑sü bha‑ 'gü, 'wɔn 'a dho‑ "plüün bho 'yö ‑mü n ‑ma "sɩ 'yaa n ‑dhɛ ‑sü bha ꞊në‑ 'ka, kë "dhʋ̈ kö Klisi ‑bha 'gügbɩɩdhɛ ‑yö ‑yɛa 'kun n 'gü.
9 E disse-me: A minha graça te basta, porque o meu poder se aperfeiçoa na fraqueza. De boa vontade, pois, me gloriarei nas minhas fraquezas, para que em mim habite o poder de Cristo.
10 'Wɔn 'ö‑ ‑wɔn 'gü 'yö "sɩ 'yii kë n ‑dhɛ oo, ꞊wa "si bho n ‑gɔ oo, 'ma kë ‑kpla 'gü oo, 'wo n ‑wëëkë wo oo, n "gblüdhɛ 'dhö "muu bho oo, 'ö ꞊ya kë Klisi ‑wɔn ‑zë 'gü 'ö ‑dhi n ‑dhɛ 'yö 'a n "dhia bho‑ "dhiʋ̈ bha 'yö bha. ‑A ‑gɛn ‑mü ꞊dhɛ "tʋ̈ng 'ö "sɩ 'yaa 'ka n ‑dhɛ bha 'yö Atanna ‑yö n gba faan 'ka 'yö n 'gü 'dhö ‑kë "gbɩɩ‑.
10 Pelo que sinto prazer nas fraquezas, nas injúrias, nas necessidades, nas perseguições, nas angústias, por amor de Cristo. Porque, quando estou fraco, então, sou forte.
11 ‑Ka ‑dhɛ ‑ga ꞊tɔn bha, ka ꞊në 'ka‑ ‑kë "dhʋ̈ 'yö 'a dhiang zë sië ꞊dhɛ 'mɛ 'ö ‑gɔ ga 'yaa‑ "piʋ̈ ‑a 'dhö bha. 'Sa ‑a ‑dhɛa ‑bha 'nu ꞊dhɛ ka ꞊në 'ka n ‑ta ‑za dɔ. ‑A 'klɔɔ‑ ‑mü ꞊dhɛ 'kö 'zü n ‑zun "dhiʋ̈ ‑bhlɔ 'yii kë tongtongdhö, "kɛɛ mɛ 'kö 'wo wo ‑dɩ kë sië Yesu ‑bha bɔmɛ tantansü ‑nu 'ka bha‑ 'bha fië‑ 'yaa 'dhö n 'ka 'wɔn 'bha ‑wɔn 'bha 'gü.
11 Fui néscio em gloriar-me; vós me constrangestes; porque eu devia ser louvado por vós, visto que em nada fui inferior aos mais excelentes apóstolos, ainda que nada sou.
12 ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ 'mɛ 'ö Atanna ‑bha yëkëmɛ ꞊dede 'ka, ‑wa ‑dɔ ‑wɔn mɛ 'kɔn ‑wɔn ‑nu, "dhabhliwɔn ‑nu, waa‑ ‑kianwɔn ‑nu 'ö‑ ‑mɛ ‑ya ‑kë Atanna ‑bha 'gügbɩɩdhɛ ‑kɔ 'ka bha ꞊në‑ ‑bha. 'Sa 'wɔn 'dhɛ 'kö bha‑ 'bha 'kö Atanna 'yii‑ kë n ‑kɔ ‑ta kö a ka kpö 'gü 'yaa 'dhö, 'sa kö a "yënng ꞊gbaɔndhe 'gü, kö a‑ 'kun sië n ‑bha zuësɛadhɛ 'ka "dhʋ̈ do. ‑Yö n 'gü 'nu ꞊dhɛ ka ‑mɔɔ ‑bha 'ka n dɔ "yi ‑dɔ Yesu ‑kɔ ‑bha ‑mɛ ꞊dede 'ka yö ꞊në‑ ‑bha.
12 Os sinais do meu apostolado foram manifestados entre vós, com toda a paciência, por sinais, prodígios e maravilhas.
13 ‑Më ‑wɔn ꞊dede 'pö Atanna ‑ya "dhia ma ö ‑bha mɛ "wɛɛ ‑kpɛa 'ö to‑ ‑nu 'gü n ‑kɔ ‑ta 'yö 'mii ka ‑bha kë? "Ɛɛn 'wɩ 'ö 'mii‑ wo‑ ‑bha kö n ‑kwɛɛ 'gbiin‑ ‑yö kë ka ‑ta (kö 'a pë yö ka 'gü) ꞊në ‑kë 'wɔn yaa 'ka 'wɔn bha‑ 'gü ‑ee? Kö ‑ka n ‑ma ‑wɔn 'to 'sa yö ‑zë 'gü.
13 Porque, em que tendes vós sido inferiores às outras igrejas, a não ser que eu mesmo vos não fui pesado? Perdoai-me este agravo.
14 N ‑nu zun ka ‑dhɛ 'gü ‑sü ‑gɛn ‑yan ‑yaaga ‑naa ꞊në maa nu‑ 'ka bha, "kɛɛ 'mii 'dho n ‑wɔn ‑kwɛɛ ‑ya ka ꞊gbin‑ ‑a 'bha 'gü tongtongdhö, ‑a ‑gɛn ‑mü ꞊dhɛ n ‑ma ‑wɔn ‑yö kaa ꞊dede ꞊në ka ‑bha, n "tʋ 'yaa ka ꞊slɔɔpë ‑bha. ‑A ‑gɛn ‑mü ꞊dhɛ 'në dë ꞊në pë ꞊mɔɔ ö ‑bha 'në ‑nu ‑dhɛ, 'në ‑nu ‑zë 'waa pë mɔɔ‑ wo 'kpɔmɛ ‑dhɛ.
14 Eis aqui estou pronto para, pela terceira vez, ir ter convosco e não vos serei pesado; pois que não busco o que é vosso, mas, sim, a vós; porque não devem os filhos entesourar para os pais, mas os pais, para os filhos.
15 Ma ‑zë n ‑bha 'ka, n pë ‑see ka ‑bha ‑sü ‑yö ga ‑sü 'ka n 'gü "pɛɛpɛdhö, 'ö ꞊ya kë n ‑gɔ ‑to 'gü ‑wɔn ‑zian 'ka, 'ö n "piʋ̈ ꞊dhɛ n ‑gɔ 'to‑ 'gü kë "dhʋ̈ kö ka 'nii‑ dha. ꞊Ya kë "dhʋ̈, ka ‑dhɔ "sima bha ꞊ya n kë ꞊dhɛ ‑kɔ bha‑ 'dhö kö yö ꞊në ‑yö kë ma ‑zë n ‑dhɔ ‑bha ka kë ‑sü 'bha ‑kan "dhiʋ̈ ‑gɛn 'ka ‑ee?
15 Eu, de muito boa vontade, gastarei e me deixarei gastar pelas vossas almas, ainda que, amando-vos cada vez mais, seja menos amado.
16 'Sa ka 'dhang bho ‑sü ‑ya "dhiʋ̈ 'kpakpadhö ꞊dhɛ n ‑mawɔn 'yaa gun ka kwɛng ‑pë ‑bha tongtongdhö, "kɛɛ mɛ 'bha ‑nu ‑zë ‑wa pö sië ꞊dhɛ "kpënng‑ ꞊në 'a‑ ‑kë ka ‑gɔ.
16 Mas seja assim, eu não vos fui pesado; mas, sendo astuto, vos tomei com dolo.
17 "Kɛɛ ma ‑zë n 'dhang bho ‑sü ‑ya "dhiʋ̈ 'kpakpadhö ꞊dhɛ, mɛ ‑zian 'a‑ ‑nu bɔ ka ‑dhɛ bha‑ ‑nu 'bha 'wii ka ‑ta ‑bhö.
17 Porventura, aproveitei-me de vós por algum daqueles que vos enviei?
18 Ma ꞊në 'a ꞊bhɛa Titö ‑dhɛ kö ‑yö nu zun ka ‑dhɛ 'gü, 'yö 'a kwa dheebhang do ꞊nëng‑ ‑bha. "Ɛɛn yö ꞊në ka ‑ta ‑bhö ‑ee? ‑Abin! ‑A ‑gɛn ‑mü ꞊dhɛ a 'dhang bho‑ "dhiʋ̈ 'kpakpadhö ꞊dhɛ yaa Titö yi ‑zʋ "piʋ̈ ‑wɔn ‑yö do, yi "ta ‑kɔ ‑yö do, ‑yö ö 'ta ‑kɔ ‑sü n ‑bha ꞊në‑ bha. "Ɛɛn 'yaa "dhʋ̈ ‑ee?
18 Roguei a Tito e enviei com ele um irmão. Porventura, Tito se aproveitou de vós? Não andamos, porventura, no mesmo espírito, sobre as mesmas pisadas?
19 'Sa ka ‑ya ‑zʋ 'gɔn ‑sü ‑bha ‑yi ꞊ya ꞊gwëë ꞊dhɛ yi yi ‑dɩ ‑bha ‑dhiang ꞊në‑ zë sië. "Kɛɛ 'yaa "dhʋ̈. Dhiang "pɛpɛ 'yi‑ zë ka ‑dhɛ "dhʋ̈ bha yi‑ ‑zë Klisi ꞊në‑ ‑bha zë 'gü, Atanna wëëdhö. 'Sa ‑a zë 'yi‑ wo "dhʋ̈ bha, 'yi‑ ‑zë ka 'gü bho kɛan ꞊në‑ 'ka yi dhɔɔbhaamɛ ‑nu, kë "dhʋ̈ kö ka ‑bha ‑zʋ ‑yö Atanna ‑dhɛ ‑sü bha ‑yö 'dho "dhiʋ̈.
19 Cuidais que ainda nos desculpamos convosco? Falamos em Cristo perante Deus, e tudo isto, ó amados, para vossa edificação.
20 ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ 'yaa n "piʋ̈ ꞊në‑ wo ꞊dhɛ 'ma nu 'a ‑kpan ka ‑bha ‑kɔ 'ö n ‑zʋ 'yaa‑ ‑bha 'nu bha‑ 'gü, "ɛɛn 'zü kö kaa ‑dɩ 'pö 'ka 'dho n yö ‑kɔ 'ö 'yaa ka "piʋ̈ 'nu ꞊dhɛ 'ka n yö‑ ‑bha bha‑ 'gü. N "suʋ̈ ‑gɛn ‑mü ꞊dhɛ kö 'ma 'dho nu 'a ‑kpan "dhinaa ‑nu oo, ꞊drɔ bho ‑sü ‑nu oo, yaa ‑dhɛ kë ‑sü ‑nu oo, ‑duɛ kɔɔ‑ ‑sü ‑nu oo, "si ‑bho 'ko ‑gɔ ‑sü ‑nu waa‑ 'ko ‑nu ‑dhiang yaa zë ‑sü ‑nu, "ɛɛn ‑dɩ ‑sü 'kpii‑ ‑sü waa‑ "bhluubhludhɛ ‑bha ka kpö 'gü.
20 Porque receio que, quando chegar, vos não ache como eu quereria, e eu seja achado de vós como não quereríeis, e que de alguma maneira haja pendências, invejas, iras, porfias, detrações, mexericos, orgulhos, tumultos;
21 A ‑suʋ̈ kö 'yiʋ̈‑ 'ya 'dho dɔ n ‑bha Atanna ‑dhɛ ka ‑wɔn 'gü kö 'ma nu mü, 'ö 'a ‑ya 'zü "gbʋ bɔ ‑sü ‑bha mɛ kpö 'dhɛ 'wo ka kpö 'gü mü 'ö ꞊wa ‑da Atanna "dhiʋ̈, "yënng dɔ ‑sü ‑nu, ‑zua zë ‑sü ‑nu, waa‑ 'wɔn ‑ma 'koo ‑sü ‑nu kë ‑sü 'ka, 'ö 'waa "wɩ‑ ‑bha kö ‑wo wo kwa‑ ‑zü bha‑ ‑nu ‑dhɛ.
21 que, quando for outra vez, o meu Deus me humilhe para convosco, e eu chore por muitos daqueles que dantes pecaram e não se arrependeram da imundícia, e prostituição, e desonestidade que cometeram.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar 2 Coríntios 12, comparar traduções ou montar um estudo — tudo direto pelo WhatsApp.