1 Coríntios 7

NAƆ ‑SË 'SËËDHƐ (DAF) vs VC

VC Versão Católica

¹ ꞊Ya 'go‑ 'dhɛ 'kö bha‑ 'gü, 'wɔn 'ka 'sëëdhɛ bɔ n ‑dhɛ ‑a ‑wɔn 'gü bha ꞊në maa‑ ‑yɔ bɔ bha. 'Pë 'a dho‑ pö ka ‑dhɛ yö ‑mü ꞊dhɛ: ‑Yö ‑së kö gɔɔn‑ 'ya 'dho dhe 'sü.

¹ Agora, a respeito das coisas que me escrevestes. Penso que seria bom ao homem não tocar mulher alguma.

² "Kɛɛ ꞊dhɛ 'ö ‑kë ꞊dhɛ ‑zua zë ‑sü ꞊në ꞊ya 'sɔ bha, 'mɛ 'ö "dhʋ̈ ‑a dhe 'sü ‑sü "ɛɛn ‑a gwaan‑ 'kpɔ ‑sü fië‑ ‑dhö, kë "dhʋ̈ kö 'ka 'dho ‑da ‑zua zë ‑sü 'gü.

² Todavia, considerando o perigo da incontinência, cada um tenha sua mulher, e cada mulher tenha seu marido.

³ Mɛ ꞊plɛ 'ö ꞊wa bo wo 'ko 'sü ‑sü 'ka, ‑a ‑dhɛa ‑bha ꞊dhɛ 'mɛ 'ö "dhʋ̈ ‑a ‑bha 'ö ‑gban ‑bha ‑ya kë ö kë ‑kɔ ‑ta. Kö gɔɔn‑ 'ö 'dhö 'wɔn 'ö‑ ‑wɔn 'gü 'yö‑ ‑bha dhebhɔ ‑ya ‑dhɛ 'ö ‑gɔn, kö ‑ya 'gü ‑wɔn kë‑ ‑dhɛ. Kö dhebhɔ ‑dɩ 'pö ‑ya kë ꞊dhɛ ‑kɔ do bha‑ 'dhö.

³ O marido cumpra o seu dever para com a sua esposa e da mesma forma também a esposa o cumpra para com o marido.

⁴ ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ dhebhɔ 'ö ꞊ya bo gwaan‑ ‑zë 'kpɔ ‑sü 'ka, kö‑ ‑dhü 'yaa‑ ‑dɩ ‑bha 'ka 'zü tongtongdhö kö yöö 'pë 'ö ‑dhi ‑dhɛ ‑a kë‑ 'ka. Kö‑ ‑dhü ꞊ya kë‑ ‑bha gɔn ꞊në‑ ‑bha 'ka. Gɔɔn‑ ‑dɩ 'pö, ‑a ‑dhɛ 'yaa ‑bha ꞊dhɛ 'wɔn 'ö ‑dhidhɛ ‑ya kë ö ‑dhü 'ka, ‑a 'klɔɔ‑ ‑mü ꞊dhɛ ꞊ya bo dhe ‑zë ‑sü ‑sü 'ka kö‑ ‑dhü ꞊ya kë‑ ‑bha dhebhɔ ꞊në‑ ‑bha 'ka.

⁴ A mulher não pode dispor de seu corpo: ele pertence ao seu marido. E da mesma forma o marido não pode dispor do seu corpo: ele pertence à sua esposa.

⁵ ‑A ‑kë "dhʋ̈ ‑sü bha‑ 'gü, 'ka 'dho "kan ka 'kwëë‑ 'ö 'mɛ 'ö "dhʋ̈ 'ö ‑wɔ ö ‑dɩ ‑ta, kö 'yii kë "tʋ̈ng 'ka‑ ‑ya 'kwëë‑ ‑kë kö 'ka‑ 'sü 'ka bhɛa" 'ka Atanna ‑dhɛ ‑a 'ka. ꞊Ya kë ꞊dhɛ "tʋ̈ng 'ka‑ ‑ya 'kwëë‑ bha ꞊ya bo ziö ‑sü 'ka, kaa‑ sɛɛ" ‑yö kë do 'zü ‑deewo, kë "dhʋ̈ kö 'kii ꞊mɔɔ ka zuë" ‑kun ka ‑bha ‑sü ‑bha, kö Sɔtraan 'ya 'dho "kpënng‑ kë ka ‑gɔ ('ö 'ka ‑da Atanna "dhiʋ̈ ꞊dhɛ ‑kɔ bha‑ 'dhö).

⁵ Não vos recuseis um ao outro, a não ser de comum acordo, por algum tempo, para vos aplicardes à oração; e depois retornai novamente um para o outro, para que não vos tente Satanás por vossa incontinência.

⁶ ‑A pö 'a‑ wo "dhʋ̈ bha 'yii kë 'tɔng‑ 'ka kö 'a‑ ‑ya. ‑Yö ‑gleng ꞊në‑ 'ka 'yö 'a‑ ‑da ka ‑bha.

⁶ Isto digo como concessão, não como ordem.

⁷ Mang ‑zian ‑zë ‑yö n "piʋ̈ 'nu ꞊dhɛ dhe 'yaa n ‑gɔ ‑kɔ 'ö‑ 'gü ya mɛ ꞊gban ‑wo kë ꞊dhɛ n 'dhö. "Kɛɛ 'mɛ 'ö "dhʋ̈ ‑a ‑bha gbaɔdhe 'ö Atanna ‑ya ‑kë ‑gɔ ‑yö ‑dhö. Mɛ 'bha ‑bha 'dhö ‑kɔ 'bha 'gü, kö mɛ 'bha ‑dɩ 'pö‑ ‑bha ‑yö ‑kɔ "wɛɛ 'bha 'gü.

⁷ Pois quereria que todos fossem como eu; mas cada um tem de Deus um dom particular: uns este, outros aquele.

⁸ "Kɛɛ 'mɛ 'kö wo ‑zë 'wii dhe 'sü ꞊kö, "ɛɛn 'ö 'wii gwaan‑ 'kpɔ ꞊kö "ɛɛn 'zü 'ö ꞊wa ꞊gɛan bho, wo ‑zë a ‑dhio ‑dɔ ‑nu ‑ta, ꞊dhɛ ‑a ‑nu ‑to ꞊dhɛ n 'dhö ‑sü fië‑ ‑dhö.

⁸ Aos solteiros e às viúvas, digo que lhes é bom se permanecerem assim, como eu.

⁹ "Kɛɛ ꞊ya kë 'zü ꞊dhɛ ‑a ‑nu ‑kɔ 'yii ꞊mɔɔ‑ ‑nu zuë" ‑kun wo ‑bha ‑sü ‑bha, ‑wo woo‑ dhe 'sü wo, "ɛɛn ‑wo woo‑ gwaan‑ 'kpɔ wo. ‑A 'klɔɔ‑ ‑mü ꞊dhɛ dhe 'sü ‑sü, "ɛɛn gwaan‑ 'kpɔ ‑sü ‑zë fië‑ ‑dhö zuëdhiʋ̈tɛɛ yaa 'gü yaa ‑ya mɛ ‑bha ‑sü ‑zë ‑bha.

⁹ Mas, se não podem guardar a continência, casem-se. É melhor casar do que abrasar-se.

¹⁰ 'Mɛ 'ö ꞊wa bo bɔ ‑sü 'ka Yesu 'ka, 'ö dhe 'dhö‑ ‑nu ‑gɔ "ɛɛn 'ö 'wo gwaan‑ ‑bha, 'wɔn 'a‑ 'tɔng‑ dɔ‑ ‑nu ‑dhɛ ('ö mang ‑zian ‑zë 'mii‑ dɔ "kɛɛ 'ö kwa Dëmɛ ꞊në‑ dɔ), yö ‑mü ꞊dhɛ kö dhebhɔ 'ya 'dho 'go gwaan‑ ‑bha tongtongdhö.

¹⁰ Aos casados mando {não eu, mas o Senhor} que a mulher não se separe do marido.

¹¹ ꞊Ya kë 'zü ꞊dhɛ ꞊ya gwaan‑ "kan, 'ya 'dho gwaan‑ ‑dee 'kpɔ. Gwaan‑ 'kpɔ ‑dhɔ ‑zë ꞊ya kë‑ ‑bha, ‑a ‑dhɛa ‑bha ꞊dhɛ ‑yö 'dho ö ‑gɔn zii ꞊në‑ ꞊kee‑. Kö gɔɔn‑ ‑dɩ 'pö 'ya 'dho ö ‑bha dhebhɔ bho "bü tongtongdhö.

¹¹ E, se ela estiver separada, que fique sem se casar, ou que se reconcilie com seu marido. Igualmente, o marido não repudie sua mulher.

¹² ꞊Ya 'go yö ‑zë 'gü, mɛ ‑kpɛa 'wo to, ‑dhio 'dhɛ 'a‑ dɔ sië‑ ‑nu ‑ta ya (mang ꞊dede ꞊në 'a yö ‑zë dɔ sië, kwa Dëmɛ 'yaa ‑mü), ꞊ya kë ꞊dhɛ 'mɛ 'ö 'dhang bho Yesu ‑wɔn "dhiʋ̈, dhebhɔ 'ö 'yaa 'dhang bho‑ ‑wɔn "dhiʋ̈ ꞊ya kë‑ ‑gɔ, kö‑ dhebhɔ 'kö bha yö ‑zë 'yii "kan gɔɔn‑ bha‑ ‑bha, ‑a ‑dhɛ 'yaa‑ ‑bha ꞊dhɛ ‑a ‑mɛ ‑ya dhebhɔ bha‑ bho "bü.

¹² Aos outros, digo eu, não o Senhor: se um irmão desposou uma mulher pagã {sem a fé} e esta consente em morar com ele, não a repudie.

¹³ ‑Kɔ do bha‑ 'gü 'zü, ꞊ya kë ꞊dhɛ dhebhɔ 'ö 'dhang bho Yesu ‑wɔn "dhiʋ̈ ꞊ya kë gɔɔn‑ 'ö 'yaa 'dhang bho‑ ‑wɔn "dhiʋ̈ ‑a ‑gɔ, kö gɔɔn‑ 'kö bha 'yii‑ dhebhɔ bha‑ bho "bü, yö ‑zë 'ya 'dho bo‑ 'ka.

¹³ Se uma mulher desposou um marido pagão e este consente em coabitar com ela, não repudie o marido.

¹⁴ ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ dhemɛdë suu 'ö "dhʋ̈ bha kö ꞊ya ꞊yɔɔn Atanna "sɔɔ ‑a ‑bha dhebhɔ 'saa‑ 'gü ‑a ‑kë ‑a ‑bha dhebhɔ 'ka ‑sü 'gü. ‑Kɔ do bha‑ 'gü, dhebhɔ 'ö yöö ‑dɩ 'pö 'yaa 'dhang bho Yesu ‑wɔn "dhiʋ̈, ‑yö ‑yɔɔn Atanna "sɔɔ ‑a ‑kë gɔɔn‑ 'ö 'dhang bho‑ "dhiʋ̈ ‑a ‑bha dhe 'ka ‑sü ‑wɔn ꞊në‑ 'gü. 'Yaa yö ‑zë 'ka 'nu kö Atanna ‑bha 'dhuë‑ 'yii 'dho‑ ‑nu ‑bha 'në ‑nu 'kun ‑a wëëdhö, "kɛɛ 'sa kö yö ‑zë ‑yö ö ‑kɔ ‑ya ‑sü 'ka‑ ‑nu ‑bha.

¹⁴ Porque o marido que não tem a fé é santificado por sua mulher; assim como a mulher que não tem a fé é santificada pelo marido que recebeu a fé. Do contrário, os vossos filhos seriam impuros quando, na realidade, são santos.

¹⁵ ꞊Ya kë 'zü ꞊dhɛ mɛ ‑gaɔ ꞊plɛ bha‑ mɛ 'dhɛ 'ö 'yaa 'dhang bho Yesu ‑wɔn "dhiʋ̈ ꞊në‑ "piʋ̈ ꞊dhɛ 'ö "kan ö "tɛado ‑bha aa, ‑ɛɛ! kö zian‑ "puu yö ‑zë 'gü. ꞊Ya kë yö ‑zë 'gü "dhʋ̈, kö mɛ 'dhɛ 'ö bɔ Yesu 'ka bha‑ ‑kpla ‑gɛn 'yaa 'dhö. ‑A 'klɔɔ‑ ‑mü ꞊dhɛ Atanna ‑yö kwa ‑dhɛ kö 'kwa 'go zuëdhiʋ̈tɛɛ ꞊në‑ 'gü kö 'kwa ‑tosɛa kë kwa 'flëë‑ 'gü.

¹⁵ Mas, se o pagão quer separar-se, que se separe; em tal caso, nem o irmão nem a irmã estão ligados. Deus vos chamou a viver em paz.

¹⁶ Pë "pɛpɛ 'a‑ pö "dhʋ̈ bha‑ 'klɔɔ‑ ‑mü ꞊dhɛ 'kö dhebhɔ i ‑bha gɔn dho dha bhi ꞊në i 'ka 'dee‑ 'wɔn dɔ? "Ɛɛn 'kö gɔɔn‑ i ‑bha dhebhɔ dho dha bhi ꞊në i 'ka 'zü, 'dee‑ 'wɔn dɔ?

¹⁶ Aliás, como sabes tu, ó mulher, se salvarás o teu marido? Ou como sabes tu, ó marido, se salvarás a tua mulher?

¹⁷ ꞊Ya 'go yö ‑zë 'gü, ‑dhio 'dhɛ 'a‑ dɔ ka ‑ta yö ‑mü ꞊dhɛ kö ‑kɔ 'ka‑ 'gü 'do 'do, 'mɛ 'ö "dhʋ̈ Atanna 'dhö i ‑dhɛ kö i ‑kɔ 'ö‑ ‑bha bha 'i 'to‑ ‑bha. 'Tɔng‑ 'a‑ dɔ Atanna ‑bha 'kɔdhigümɛ ‑nu ‑dhɛ 'a ‑ziö 'ka 'yö bha.

¹⁷ Quanto ao mais, que cada um viva na condição na qual o Senhor o colocou ou em que o Senhor o chamou. É o que recomendo a todas as igrejas.

¹⁸ 'Mɛ 'ö Atanna 'dhö i ‑dhɛ kö 'bha 'go 'gbannë 'gü 'nu ꞊dhɛ Zuifö ‑nu 'dhö, ‑bhö 'to ‑kɔ bha‑ 'gü 'bha 'dho‑ pö 'zü ‑deewo bhii kë ‑kplëë 'ka. 'Mɛ 'ö Atanna ‑yö i ‑dhɛ kö i ‑tun ‑kplëë 'ka 'pö, ‑bhö 'to "dhʋ̈, 'bha 'dho‑ pö ꞊dhɛ ꞊dhɛ 'ö ꞊ya kë "dhʋ̈ bhii 'dho 'gbannë 'gü.

¹⁸ O que era circunciso quando foi chamado {à fé}, não dissimule sua circuncisão. Quem era incircunciso, não se faça circuncidar.

¹⁹ ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ 'wɔn 'ö "gbɩɩ‑ ‑bɔ Atanna 'ka ‑sü bha‑ 'gü 'yaa ‑mü ‑go 'gbannë 'gü ‑sü "ɛɛn ‑to ‑kplëë 'ka ‑sü ‑zë 'ka. Yö ‑mü ‑a ‑bha 'tɔng‑ ‑nu ꞊bhlëë ‑ya ‑sü ꞊në‑ 'ka.

¹⁹ A circuncisão de nada vale, e a incircuncisão de nada vale, o que importa é a observância dos mandamentos de Deus.

²⁰ ‑A ‑dhɛa ‑bha ꞊dhɛ 'mɛ 'ö "dhʋ̈ Atanna 'dhö‑ ‑dhɛ kö ‑yö ‑kɔ 'ö‑ ‑bha 'yö 'to‑ ‑bha.

²⁰ Cada um permaneça na profissão em que foi chamado por Deus.

²¹ Atanna 'dhö 'mɛ 'ö i ‑dhɛ kö i ꞊dhuëng 'ka, ‑a ‑zʋgɔndhe 'ya 'dho kë i ‑bha. ꞊Ya kë 'zü ꞊dhɛ i ‑da i ‑dɩ ‑kɔ ‑bha "slë ‑zë ꞊ya ꞊slɔɔ, 'bha 'dho ‑kpla, ‑bhö ‑a kë kö i ‑da i ‑dɩ ‑kɔ ‑bha.

²¹ Eras escravo, quando Deus te chamou? Não te preocupes disto. Mesmo que possas tornar-te livre, antes cuida de aproveitar melhor o teu chamamento.

²² 'Pë 'ö ‑kë 'yö 'a‑ pö "dhʋ̈ bha‑ 'klɔɔ‑ ‑mü ꞊dhɛ 'mɛ 'ö to ꞊dhuëng 'ka 'ö kwa Dëmɛ ‑ya ‑dhɛ kö ‑yö bɔ ö 'ka, kö‑ ‑mɛ ‑bha ꞊dhuëngdhɛ ꞊ya yën ꞊në‑ wo kwa Dëmɛ 'saa‑ 'gü bha. ‑Kɔ do bha‑ 'gü 'pö 'mɛ 'ö Klisi ‑ya ‑dhɛ kö 'yaa ꞊dhuëng 'ka, kö ꞊ya kë ꞊në‑ wo‑ ‑bha ꞊dhuëng 'ka 'pö bha.

²² Pois o escravo, que foi chamado pelo Senhor, conquistou a liberdade do Senhor. Da mesma forma, quem era livre por ocasião do chamado, fez-se escravo de Cristo.

²³ 'Pë 'ö Atanna ‑yö ka ‑gɔ ‑ta dhɔ‑ 'ka bha‑ ꞊bhlëë‑ 'kpii‑ ‑ziisü. ‑A ‑kë "dhʋ̈ ‑sü bha‑ 'gü, 'ka 'dho‑ pö 'ka ꞊dhuëngdhɛ kë mɛ "bhɩɩ‑ ‑nu ‑zë ‑dhɛ.

²³ Por alto preço fostes comprados, não vos torneis escravos de homens.

²⁴ ‑Kɔ 'ö Atanna ‑yö ka ‑dhɛ 'ö 'ka bɔ‑ 'ka kö ka‑ ‑bha, 'mɛ 'ö "dhʋ̈ ‑yö ‑tosɛa kë ö ‑bha ‑kɔ 'gü n dheebhang ‑nu.

²⁴ Irmãos, cada um permaneça diante de Deus na condição em que estava quando Deus o chamou.

²⁵ ‑A 'dhɛ 'ö ‑gban 'mɛ 'waa gwaan‑ ‑bha "ɛɛn 'ö dhe 'yaa‑ ‑nu ‑gɔ ‑a ‑nu ‑wɔn ‑bha, kwa Dëmɛ 'yii 'tɔng‑ 'bha dɔ n "dhi kö 'a‑ dɔ‑ ‑nu ‑dhɛ, n dheebhang ‑nu. "Kɛɛ n ‑bha kö n ‑zʋ "piʋ̈ a ‑dho pö ‑zë wo, ‑a 'klɔɔ‑ ‑mü ꞊dhɛ 'mii kë "wlaa‑ mɛ 'ö 'waa‑ ‑wʋ ‑ya 'klɔɔ‑ "dhiʋ̈ ‑a 'ka ‑gasitɛ 'ö Atanna ‑ya ‑kë n ‑dhɛ bha‑ ‑wɔn 'gü.

²⁵ A respeito das pessoas virgens, não tenho mandamento do Senhor; porém, dou o meu conselho, como homem que recebeu da misericórdia do Senhor a graça de ser digno de confiança.

²⁶ ꞊Dhɛ 'ö ‑kë ꞊dhɛ "tʋ̈ng 'ö nu sië bha ‑yö ‑dho kë "gbɩɩ‑ bha, n ‑bha 'ö n 'gü ‑së yö ‑mü ꞊dhɛ kö gɔɔn‑ 'i 'dhö, 'i ‑kɔ 'ö‑ ‑bha kö 'i 'to‑ ‑bha.

²⁶ Julgo, pois, em razão das dificuldades presentes, ser conveniente ao homem ficar assim como é.

²⁷ 'Kö ꞊ya kë ꞊dhɛ dhe 'dhö i ‑gɔ, kö 'bha 'dho‑ bho "bü. 'Kö ꞊ya kë 'zü ꞊dhɛ dhe ꞊në 'yaa i ‑gɔ, kö 'bha 'dho‑ pö 'i‑ 'sü.

²⁷ Estás casado? Não procures desligar-te. Não estás casado? Não procures mulher.

²⁸ 'Kö 'zü maa‑ pö "dhʋ̈, "kɛɛ 'mɛ 'bha dhe 'sü kö 'bhii 'wɔn yaa kë tongtongdhö, ‑ɛɛ 'mɛ ꞊ya gwaan‑ 'kpɔ 'zü kö 'yii 'wɔn yaa kë tongtongdhö. "Kɛɛ ‑a pö 'a‑ wo "dhʋ̈ bha‑ 'klɔɔ‑ ‑mü ꞊dhɛ 'yaa n "piʋ̈ ꞊në‑ wo ꞊dhɛ zuëdhiʋ̈tɛɛ 'ö "kpʋng ꞊taa yö bha ‑yö 'ma‑ ‑nu ‑bha. ‑Yö n "piʋ̈ ꞊dhɛ 'a‑ ‑nu dha yö ꞊në‑ ‑gɔ.

²⁸ Mas, se queres casar-te, não pecas; assim como a jovem que se casa não peca. Todavia, padecerão a tribulação da carne; e eu quisera poupar-vos.

²⁹ N dheebhang ‑nu, 'ma‑ pö "dhʋ̈ kö a‑ ‑pö ‑tosɛa 'ö "kpʋng ꞊taa yö bha‑ "dhiʋ̈ 'to "tʋ̈ng ꞊në 'yaa ꞊gblɛɛn 'zü. ‑A ‑wɔn 'gü ꞊ya 'go ꞊dɛɛ 'gü, kö 'mɛ 'ö dhe 'dhö‑ ‑nu ‑gɔ ‑wo kë ꞊dhɛ dhe 'yaa mɛ ‑gɔ, kö‑ zuëdhiʋ̈tɛɛ 'ya 'dho kë‑ ‑nu ‑bha 'ö ‑ziö mü. ("Kɛɛ kö ‑wo kwa Dëmɛ ‑wɔn bha ꞊në‑ kë woo‑ ‑tosɛa ‑gɔ 'ka).

²⁹ Mas eis o que vos digo, irmãos: o tempo é breve. O que importa é que os que têm mulher vivam como se a não tivessem;

³⁰ Kö 'mɛ 'wo "gbʋ bɔ sië ‑wo kë ꞊dhɛ 'pë 'waa "gbʋ bɔ sië‑ 'dhö, kö 'mɛ 'ö‑ ‑nu ꞊nii 'dhö ‑da sië ‑wo kë ꞊dhɛ 'pë‑ ‑nu ꞊nii 'yaa ‑da sië‑ 'dhö. Kö 'mɛ ꞊wa pë 'dhɔ 'ö‑ ‑nu ‑gɔ kö ‑wo kë ꞊dhɛ 'mɛ 'pë 'wo‑ dhɔ bha 'yaa‑ ‑nu ‑gɔ ‑a 'dhö.

³⁰ os que choram, como se não chorassem; os que se alegram, como se não se alegrassem; os que compram, como se não possuíssem;

³¹ Kö 'mɛ 'wo wo "dhia bho sië "kpʋngtaapë ‑nu 'gü ‑wo kë ꞊dhɛ 'pë ꞊wa wo "kian 'kpɔ‑ 'ka ‑a 'dhö, ‑a ‑gɛn ‑mü ꞊dhɛ "kpʋngtaadhɛ ya mɛ ꞊yaa‑ ‑ga "sɛnngdhö kwa dɔ ‑kɔ ya‑ 'gü, mɛ ‑ya 'wɔn ‑dɔ ꞊dhɛ ‑yö 'dho sië ö "dhiʋ̈todhɛ 'gü.

³¹ os que usam deste mundo, como se dele não usassem. Porque a figura deste mundo passa.

³² 'Sa a‑ ‑kë "dhʋ̈ kö zuëdhiʋ̈tɛɛ ꞊gban "pɛpɛ ꞊në ‑yö 'go ka ‑bha. ‑A 'klɔɔ‑ ‑mü ꞊dhɛ 'mɛ 'ö dhe 'yaa‑ ‑gɔ ‑yö ‑ya kwa Dëmɛ ‑gɔ ‑wɔn ‑nu ꞊në ‑zʋgɔndhe ‑ta. Zian 'ö dho bɔ‑ 'ka kö ö "dhia‑ 'ma kwa Dëmɛ ꞊në‑ 'gü ꞊në 'ö‑ ‑dhɛ ‑mɔɔ.

³² Quisera ver-vos livres de toda preocupação. O solteiro cuida das coisas que são do Senhor, de como agradar ao Senhor.

³³ "Kɛɛ 'mɛ 'ö dhe 'dhö‑ ‑gɔ, ‑yö ‑ya "kpʋng ꞊taa ‑wɔn ‑nu ꞊në‑ ‑fɛɛ ‑ta, ‑kɔ 'ö dho kë‑ 'ka kö ö "dhia‑ 'ma ö ‑bha dhebhɔ 'gü ꞊në 'ö‑ ꞊mɔɔ.

³³ O casado preocupa-se com as coisas do mundo, procurando agradar à sua esposa.

³⁴ 'Sa ꞊ya kë "dhʋ̈ kö‑ ‑mɛ ‑yö ‑kplasü 'ka 'wɔn ꞊plɛ ꞊gban ꞊në‑ 'gü bha. ‑Kɔ do bha‑ 'gü, dhebhɔ "ɛɛn 'nëdhiëngnë 'ö 'yaa gwaan‑ ‑bha, ‑kɔ 'ö dho bɔ‑ 'ka kö ö ‑wɔn "dhia‑ 'ma kwa Dëmɛ 'gü ꞊në 'ö‑ ‑dhɛ ꞊mɔɔ. ‑A ‑gɛn ‑mü ꞊dhɛ kö ‑ya "piʋ̈ ꞊dhɛ 'ö ö ‑kɔ waa‑ ö ‑gɛn ꞊gban ꞊në‑ "kplëng bho‑ ‑bha do, kë "dhʋ̈ kö 'ö "dhia‑ 'ma‑ 'gü ‑kɔ ꞊gban ‑kɔ ꞊gban 'gü. "Kɛɛ mɛ 'dhɛ 'ö gwaan‑ ‑bha ‑yö ö ‑zʋ ‑gɔn "kpʋng ꞊taa ‑wɔn ‑nu ꞊në‑ 'ka, ‑kɔ 'ö dho‑ kë‑ 'ka kö ö ‑dhɔ ‑yö ö ‑bha gɔn kë 'yö‑ ‑zian ꞊mɔɔ.

³⁴ A mesma diferença existe com a mulher solteira ou a virgem. Aquela que não é casada cuida das coisas do Senhor, para ser santa no corpo e no espírito; mas a casada cuida das coisas do mundo, procurando agradar ao marido.

³⁵ A‑ ‑pö "dhʋ̈ kö ‑yö kë ka ꞊në ka ‑gɔ ‑së, 'yii kë "kpënng‑ ‑kë ka ‑gɔ ‑sü 'ka. A‑ ‑kë "dhʋ̈ kö 'ka ka "tʋ̈ng 'go 'wɔn ꞊gban ‑wɔn ꞊gban ꞊në‑ 'gü kö ka "ta ‑kɔ ‑yö dhi kwa Dëmɛ ‑bha zian bha‑ ‑ta, kö 'ka 'to ‑kplü ‑sü 'ka‑ ‑bha kpɛnngkpɛnngdhö.

³⁵ Digo isto para vosso proveito, não para vos estender um laço, mas para vos ensinar o que melhor convém, o que vos poderá unir ao Senhor sem partilha.

³⁶ ‑A 'dhɛ 'ö ‑gban 'nëglɔɔn ‑nu ‑bha ‑bha, ꞊ya kë ꞊dhɛ mɛ ꞊ya ꞊slɔɔ‑ ‑nu kpö 'gü kö dhe 'ö yöö‑ 'sü 'ö dɔ sië‑ ‑gɔ bha, ‑kwaa ‑zü ‑sü ꞊ya kë‑ 'gü 'ya‑, ‑a "sika ꞊ya kë‑ 'gü, ‑a 'dhang bho ‑sü 'yii kë‑ "dhiʋ̈ ꞊dhɛ 'ö ‑kɔ ‑dho ꞊mɔɔ ö zuë" ‑kun ö ‑bha ‑sü ‑bha, ꞊yaa‑ pö ö ‑dho ö dhi "yɔɔ bha‑ 'sü aa, ‑ɛɛ! Kö ‑ya ‑kë ‑së, ‑wo wo 'ko 'sü. ꞊Yaa‑ kë "dhʋ̈ kö 'yii ‑da Atanna "dhiʋ̈.

³⁶ Se alguém julga que é inconveniente para a sua filha ultrapassar a idade de casar-se e que é seu dever casá-la, faça-o como quiser: não há falta alguma em fazê-la casar-se.

³⁷ "Kɛɛ 'yii kë ‑zë wo "dhʋ̈, ꞊ya kë ꞊dhɛ ‑a 'nëglɔɔnnë 'dhang bho ‑sü ꞊ya kë‑ "dhiʋ̈ 'kpakpadhö ꞊dhɛ 'ö ‑mɔɔ ‑bha 'ö ö "klʋ kun, ‑a "sika 'yii kë‑ 'gü, ꞊yaa‑ pö 'yii 'dho dhe 'sü, kö ‑ya ‑kë ‑së 'ö ziö mü. "Kɛɛ ‑yö 'kun bho‑ ‑mɛ ꞊në‑ 'gü kö ‑ya 'kun ö 'nii‑ 'ka, 'ya 'dho kë mɛ ‑wʋ "dhiʋ̈ ‑wɔn 'ka.

³⁷ Mas aquele que, sem nenhum constrangimento e com perfeita liberdade de escolha, tiver tomado no seu coração a decisão de guardar a sua filha virgem, procede bem.

³⁸ ꞊Ya kë "dhʋ̈, kö 'mɛ 'ö ö dhiyɔɔ sü ‑ya ‑kë ‑së. "Kɛɛ 'mɛ 'yii ö ‑bha 'sü 'pö kö ‑ya ‑kë ‑së 'ö ‑ziö mü.

³⁸ Em suma, aquele que casa a sua filha faz bem; e aquele que não a casa, faz ainda melhor.

³⁹ ‑Ya 'go‑ 'dhɛ bha‑ 'gü, dhebhɔ suu "ʋʋ suu 'ö gwaan‑ ‑zë ‑bha kwa Dëmɛ ‑bha zian ‑ta, ‑a ‑bha gɔn 'yii ga ‑zë wo ꞊kö kö ‑yö ‑tun ‑kpla 'gü. "Kɛɛ ‑a ‑bha gɔn ꞊ya bo ga ‑sü ‑zë 'ka kö ‑kpla ꞊ya 'go‑ ‑bha. ‑A 'klɔɔ‑ ‑mü ꞊dhɛ kö ‑yö ‑mɔɔ ‑bha ꞊tɔn 'ö ‑ya mɛ "ʋʋ mɛ 'ö ‑dhidhɛ ‑a ‑gɔ, "ni kö‑ ‑mɛ ‑yö ‑bhɛa Atanna ‑dhɛ ‑mɛ ‑zë 'ka.

³⁹ A mulher está ligada ao marido enquanto ele viver. Mas, se morrer o marido, ela fica livre e poderá casar-se com quem quiser, contanto que seja no Senhor.

⁴⁰ "Kɛɛ ꞊ya 'to ma ‑zë n ‑bha ‑bha, ‑a ‑mɛ ‑todhʋ̈sü 'ö 'yaa gwaan‑ ‑dee 'kpɔ ‑a fië‑ ‑dhö. 'Sa ‑yö n 'gü ꞊dhɛ Atanna ‑bha 'Nii‑ "slʋ̈ʋ̈slʋ̈ bha ‑yö mang ‑dɩ 'pö n 'gü.

⁴⁰ Contudo, na minha opinião, ela será mais feliz se permanecer como está. E creio que também eu tenho o Espírito de Deus.

Ler em outra tradução

Comparar com outra

Estude este capítulo no WhatsApp

Peça à IA da Bíblia Fala para explicar 1 Coríntios 7, comparar traduções ou montar um estudo — tudo direto pelo WhatsApp.

💬 Explicar 1 Coríntios 7 no WhatsApp Sobre a Bíblia com IA →