1 ¡Le wká'n ẕen La la'y che X̱anžo Dios!
2 ḻe'e zoale ḻo yodo' che X̱anžo Dios, ḻo ḻi'a yodon' gan zoakze Dios!
3 ¡Le wká'n ẕen X̱anžon' dan' nake' chawe'!
4 X̱anžo Dios wžíe' ẕa'só Jakob ka'.
5 Nnézkzelžo ẕente nak X̱anžo Dios.
6 Žon X̱anžon' yógo'te da' žénele' gone' ẕan ya'abá,
7 Žone' ga že' bejw do ẕente yežlyó.
8 Ḻe' betkze' bi' byo nežw ka' chegak benne' Egipto ka'.
9 Bene' yeḻa' wak ka' che ya'abá, na' da' ẕente ka' kate' bchinnje' yežlyó Egipton',
10 Bžia yi'e benne' ka' chegak zante yež ka',
11 Bete' Sehón, bennen' wnná bi'e benne' amorreo ka',
12 Beké'e yežlyó nga ḻo na'gak benne' wnná bia' ka'.
13 X̱anto' Dios, to chi'ize zoa La la'y chio'.
14 X̱anžo Dios ẕchi'a ḻaže'e benne' chie' ka'.
15 Lo'a ka' chegak benne' zi'to' ka' zej naken ya oro, na' ya plat.
16 Zej de žoá'agaken san bi ẕnnégaken.
17 Zej de nággaken san bi žéngeklen,
18 Benne' ka' žóngake' lo'a ka' zej nake' kan nákgaken.
19 Ḻe'e, benne' ẕa'só Israel, ¡le wká'n ẕen X̱anžo Dios!
20 Ḻe'e, benne' ẕa'só Lebí, ¡le wká'n ẕen X̱anžo Dios!
21 Ḻe'e zoale yež Sión, ¡le we ḻaw X̱anžo Dios,