1 X̱ana' Dios, ¿biẕ chen' zo' zi'to'?
2 Ḻo yeḻa' ẕka'n ẕen kwin benne' bi nake' chawe' ẕbia ḻaže'e benne' yache',
3 Ẕka'n ẕen kwine' ni'a che da' ẕze ḻaže'e.
4 Ḻo yeḻa' ẕka'n ẕen kwin benne' bi nake' chawe' bi žape' Dios ba la'ne,
5 Žónteze' da' ẕinnj, na' ẕnne'
6 Ḻo yichj ḻáẕda'we' ẕnne':
7 Ẕnnáteze' da' kegle, na' da' wen ḻaže', na' ẕkache'lanteze'.
8 Ẕkache' kwine' žoa'a yež nich sene' benne' ka'.
9 Bagáche'ze ẕbeze' ka žon bež yix̱e'.
10 Kan žon bež yix̱e' zóateze' x̱íti'e ḻáwlegak benách ka',
11 Ḻo yichj ḻáẕda'we' ẕnne': “Naḻ ḻaže' Dios benne' ki.
12 Wzó ža', X̱ana' Dios, na' bze no'o.
13 ¿Biẕ chen' ẕzoagak benne' wen da' ẕinnj ka' Dios cheḻa'ale?
14 San Le' bḻe'ekzlo' da' ni, dan' ẕwio' no benne' žone' da' ẕinnj, na' da' bi nak chawe',
15 Ẕkwaso' yeḻa' waḻe che benne' wen da' ẕinnj.
16 To chi'ize nak X̱anžon' Benne' ẕnna bi'e žo'o.
17 Benno' chegak benne' gax̱jw ḻaže' ka' da' wnnábgekle' Le', X̱ana' Dios.
18 nich wchi'a ḻažo'o bi' wzebe ka', na' benne' ka' ẕzáka'gake',