2 Coríntios 5
Xchiʼdxyi cuubi dxiohs nin bieʼgaluuʼyi daada Jesucristu (El Nuevo Testamento en el zapoteco de Chichicapan y en español) (ZPVNT) vs VC
1 Ya ziga rahcabwaꞌ nuꞌh bweꞌltihxi nuꞌh naa ziga xahba xaalma nuꞌh nnah loh dxyih raꞌ riiꞌ, per ziuuꞌ dxyih nin guiñihchilohon; laasii zuniꞌhi Dxiohs tuhbi bweꞌltihxi cuubi nuꞌh nez dxibaaꞌ nin ayi ñichilohtiiꞌ.
1 Sabemos, com efeito, que ao se desfazer a tenda que habitamos neste mundo, recebemos uma casa preparada por Deus e não por mãos humanas, uma habitação eterna no céu.
2 Ya ziga nnah rbiin stoꞌ nuꞌh gaduhbi nin nuu nabahan nuꞌh cun bweꞌltihxi yuꞌxa nuꞌh, pwihsi xclaaꞌdzi nuꞌh ojlaꞌ badzihnla dxyih nin guibahan nuꞌh cun tuhbi bweꞌltihxi cuubi nuꞌh nin guidxiaapaa nuꞌh nez dxibaaꞌ,
2 E por isto suspiramos e anelamos ser sobrevestidos da nossa habitação celeste,
3 tin ziꞌchi guiñah nuꞌh ziga zi nin gucaꞌha xahba ñiꞌh ya ayiru guiñah nuꞌh zigazi nin zuu lligabweꞌhla.
3 contanto que sejamos achados vestidos e não despidos.
4 Yannah gaduhbi nin nabahan nuꞌh cun bweꞌltihxi yuꞌxa nuꞌh, rbiin lastoꞌ nuꞌh hasta rachidxiꞌn nuꞌh pur nin dxyugatiꞌdxiloh nuꞌh guelrzaꞌcazii, laasii ayi xclaaꞌdzi nuꞌh guidxyuu lligabweꞌhla nuꞌh; mahs xclaaꞌdzi nuꞌh gachicaꞌha nuꞌh tihxi cuubi nuꞌh, laasii bweꞌltihxi yuꞌxa nuꞌh riiꞌ laꞌn zeediꞌdxi, ya zuniꞌhi Ñiꞌh tihxi cuubi nuꞌh nin zeꞌ nez dxibaaꞌ.
4 Pois, enquanto permanecemos nesta tenda, gememos oprimidos: desejamos ser não despojados, mas revestidos com uma veste nova por cima da outra, de modo que o que há de mortal em nós seja absorvido pela vida.
5 Laasii Dxiohs naa nin bwiꞌhnn lligaaba gachidxiaapaa nuꞌh bweꞌltihxi cuubi nuꞌh, cun baniꞌhi Ñiꞌh Spíritu Saantu laꞌhnuꞌh ziga tuhbi sehn nin zuzaꞌloh xchiꞌdxyi Ñiꞌh cun laꞌh nuꞌh.
5 Aquele que nos formou para este destino é Deus mesmo, que nos deu por penhor o seu Espírito.
6 Niꞌchin ayi chyu guidxyihbi, laasii naann nuꞌh tal nin nabahan nuꞌh loh guidxyiyuh riiꞌ, ayi gaca guibahannee nuꞌh Daada Dxiohs llaaꞌndxibaaꞌ,
6 Por isso, estamos sempre cheios de confiança. Sabemos que todo o tempo que passamos no corpo é um exílio longe do Senhor.
7 laasii nabahan nuꞌh cun xcweenta guelriachii stoꞌ xteenn nuꞌh, ayi xcweenta dxiꞌh nin rachidiaꞌha nuꞌh.
7 Andamos na fé e não na visão.
8 Niꞌchin nin nahpa nuꞌh siguhra ayi chyu guidxyihbi ya xclaaꞌdzi nuꞌh mas bwen naa ayiru chyu chuu guibahan cun bweꞌltihxi nuꞌh nin nuu loh guidxyiyuh riiꞌ, sola cazaꞌbi stoꞌ nuꞌh chuunee nuꞌh Jesucristu llaaꞌndxibaaꞌ.
8 Estamos, repito, cheios de confiança, preferindo ausentar-nos deste corpo para ir habitar junto do Senhor.
9 Niꞌchin nin tuhsi naa xigaaba raꞌ nuꞌh guidiꞌhnn nuꞌh ziga naa xigaaba Xtaada Dxiohs nuꞌh, nicala loh guidxyiyuh riiꞌ o nicala nez llaaꞌndxibaaꞌ,
9 É também por isso que, vivos ou mortos, nos esforçamos por agradar-lhe.
10 laasii garaa raꞌ nuꞌh zadzihn guidxyuu raꞌ nuꞌh nez loh yahgaxiiyi Jesucristu hasta guunn Ñiꞌh guelguxchisi xcweenta tuhbigah raꞌ nuꞌh, ya chiꞌchi tuhbigah raꞌ nuꞌh gachicaꞌha raꞌ nuꞌh xcweenta ziga bidiꞌhnn raꞌ nuꞌh loh guidxyiyuh, dela dziꞌn zaꞌca o dziꞌn dxaaba.
10 Porque teremos de comparecer diante do tribunal de Cristo. Ali cada um receberá o que mereceu, conforme o bem ou o mal que tiver feito enquanto estava no corpo.
11 Pwihsi coma rdxyihbi nu laꞌh Daada Jesucristu (nin razoꞌbadxiahga nu xchiꞌdxyi Ñiꞌh), raluuꞌyi nu xchiꞌdxyi Ñiꞌh loh raꞌ bwiinn tin chechii stoꞌ raꞌ ban. Per Dxiohs ba naann Ñiꞌhn xa nabahan nu, malaayi neezaa loh xigaaba tu gacabwaꞌ xa nabahan nu.
11 Compenetrados do temor do Senhor, procuramos persuadir os homens. Estamos a descoberto aos olhos de Deus, e espero que o estejamos também ante as vossas consciências.
12 Ayi chyu cañiꞌ dxiꞌh ziga naa xcweenta gahca nu, sino que dxuganiꞌhi nu dxyiꞌdxyi loh tu tin dxiahxi stoꞌ tu xcweenta nu, tin gaapaa tu xi dxyiꞌdxyi nin gusiaꞌgarii tu nez loh raꞌ bwiinn raꞌ nin ruhnn nayaachi raꞌ cun ziga rñah raꞌ ba nez loh raꞌ bwiinn, ya ayi rahcabwaꞌ raꞌ ba xi nuu laꞌn lastoꞌ raꞌ ba.
12 Não estamos a gabar-nos ante os vossos olhos, mas damo-vos ocasião de vos gloriardes por nossa causa. Tereis assim o que responder àqueles que se prevalecem das aparências e não do que há no coração.
13 Pwihsi sidela laꞌh nu rñah nu ziga bwiinn nin rahca yihca ñiꞌh, pwihsi naa nun pur Dxiohs; ya sidela naa nu ziga bwiinn nin rii xnehza xigaaba ñiꞌh, pwihsi naa zan para laꞌhtu,
13 De fato, se ficamos arrebatados fora dos sentidos, é por Deus; e se raciocinamos sobriamente, é por vós.
14 laasii rucaꞌh duxa stoꞌ Jesucristu laꞌh raꞌ nuꞌh, niꞌchin nin razoꞌbadxiahga nu xchiꞌdxyi Ñiꞌh laasii naann dziꞌtsi nu tuhbi Ñiꞌh naa nin guhchi para garaa raꞌ nuꞌh, niꞌchin nin naa ziga garaa raꞌ nuꞌh guhchi nez loh Dxiohs.
14 O amor de Cristo nos constrange, considerando que, se um só morreu por todos, logo todos morreram.
15 Jesucristu guhchi para garaa raꞌ bwiinn, tin ziꞌchi garaa raꞌ nin riachii stoꞌ ñiꞌh xchiꞌdxyi Ñiꞌh ya ayiru nabahan raꞌ ba para laꞌh gahca raꞌ ba sino que para laꞌh Jesucristu, nin gubiaꞌgarii babahn para laꞌh raꞌ bwiinn raꞌ.
15 Sim, ele morreu por todos, a fim de que os que vivem já não vivam para si, mas para aquele que por eles morreu e ressurgiu.
16 Niꞌchin laꞌhnu ayi chyu gwaꞌha loh raꞌ bwiinn ziga naa raꞌ ba loh guidxyiyuh riiꞌ. Nicala galoh biuꞌnbwaꞌ nu Jesucristu ziga nin guhca Ñiꞌh chin gubahan Ñiꞌh loh guidxyiyuh riiꞌ, per nnah ayiru chyu ruhnn lligaaba ziꞌchi pur laꞌh Ñiꞌh nnah.
16 Por isso, nós daqui em diante a ninguém conhecemos de um modo humano. Muito embora tenhamos considerado Cristo dessa maneira, agora já não o julgamos assim.
17 Pwihsi ziga bwiinn nin ya riachii stoꞌ xchiꞌdxyi Jesucristu, bwiinn chi ya naa tuhbi bwiinn nacuubi, laasii ayiru rzaꞌbistoꞌ ba garaa raꞌ cohsa nin rzaꞌbi stoꞌ raꞌ bwiinn guidxyiyuh raꞌ, mas rzaꞌbi stoꞌ ba guunn ba xtsiꞌn Dxiohs.
17 Todo aquele que está em Cristo é uma nova criatura. Passou o que era velho; eis que tudo se fez novo!
18 Garaa deeꞌ runiꞌhi Dxiohs nin nuu dxibaaꞌ; laꞌh Ñiꞌh basiaꞌlda stoꞌ Ñiꞌh xtuhlda raꞌ nuꞌh pur nin bwiꞌhnn Jesucristu, nee bacaꞌbi Ñiꞌh xchiꞌdxyi Ñiꞌh laꞌhnu tin galuuꞌyi nu pur xcweenta nin basiaꞌlda stoꞌ Ñiꞌh xtuhlda raꞌ bwiinn.
18 Tudo isso vem de Deus, que nos reconciliou consigo, por Cristo, e nos confiou o ministério desta reconciliação.
19 Nin saꞌloh deeꞌ naa squiiꞌ: pur xcweenta Jesucristu Dxiohs cagadiꞌhi guelnasaa laꞌh raꞌ bwiinn guidxyiyuh raꞌ cun laꞌh Ñiꞌh, laasii ayiru zenee cweenta Ñiꞌh xcweenta duhlda xteenn raꞌ bwiinn raꞌ nin riachii stoꞌ ñiꞌh xchiꞌdxyi Jesucristu; ya laꞌhnu bacaꞌbi Ñiꞌh tin galuuꞌyi nu xchiꞌdxyi Ñiꞌh nin naa guelnasaa riiꞌ.
19 Porque é Deus que, em Cristo, reconciliava consigo o mundo, não levando mais em conta os pecados dos homens, e pôs em nossos lábios a mensagem da reconciliação.
20 Pwihsi laꞌhnu zoꞌpa nu ziga bwiinn raꞌ nin ruluuꞌyi dxyiꞌdxyi xteenn Crixtu, ziga zi laꞌh Dxiohs gaca cañiꞌ loh tu pur laꞌhnu. Niꞌchin nin ranaaba chihpa nu pur lah Crixtu gulgahca tuhsi cun Dxiohs.
20 Portanto, desempenhamos o encargo de embaixadores em nome de Cristo, e é Deus mesmo que exorta por nosso intermédio. Em nome de Cristo vos rogamos: reconciliai-vos com Deus!
21 Jesucristu ayi xi xtuhlda Ñiꞌh guyuuꞌ, per pur laꞌhnuꞌh bwiꞌhnn Dxiohs guhchi Ñiꞌh ziga zi tuhbi bwiinn nin guyuuꞌ xtuhlda Ñiꞌh, tin ziꞌchi para laꞌhnuꞌh ziga naa nuꞌh tuhsi cun Jesucristu, gaca nuꞌh tuhbi bwiinn nayaa nez loh Dxiohs.
21 Aquele que não conheceu o pecado, Deus o fez pecado por nós, para que nele nós nos tornássemos justiça de Deus.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar 2 Coríntios 5, comparar traduções ou montar um estudo — tudo direto pelo WhatsApp.