Tiago 2

Dižaʼ güen c̱he ancho Jesucristo (ZPQNT) vs BKJ

¹ Beṉe' migw, X̱ancho Jesucriston' naque' ḻa'zelagüe beṉe' zaca', na' še chejnilaže'chone', toze can' cheyaḻa' goncho len note'teze beṉe', bitw ṉacho baḻze beṉe' gonxenchguachone' na' yebaḻe' gonechone' nacteze.

¹ Meus irmãos, não tenhais a fé de nosso Senhor Jesus Cristo, o Senhor da glória, com acepção de pessoas.

² Še yesela' c̱hope beṉe' gan' chdop chžagcho chonxencho Jesucriston', na' toe' naque' beṉe' gwṉi'a na' nyaze' lache' šagüe' lache' xdan, na' ngo'o xbenen' to niy de oro, na' ben' yeto naque' beṉe' yaše' na' nyaze' lache' de'ex̱o', toze can' cheyaḻa' goncho len chope'.

² Porque se vier à vossa assembleia um homem com um anel de ouro, em bons trajes, e entrar também um homem pobre com vestes imundas,

³ Bitw naquen güen še gonxencho beṉe' gwṉi'a na'ze na' ye'chone': “Gwche'edo' ḻo yag siy nga ga nac binḻo”, na' ye'cho beṉe' yaše'na': “Gwzechateze do dan' na'le”, o še ye'chone': “Gwche'etezdo' ḻo yo”.

³ e mostrardes respeito ao que veste bons trajes, e lhe disserdes: Assenta-te tu aqui em um bom lugar; e disserdes ao pobre: Fica tu em pé, ou assenta-te abaixo do meu estrado.

⁴ Bitw naquen güen lao Diosen' še cuinzcho c̱hoglaochon ṉacho noen' zaque' na' noen' bi zaca'. Xbab c̱hechon' naquen da' mal še goncho ca'.

⁴ Não estais sendo parciais entre vós mesmos, e não vos tornastes juízes de maus pensamentos?

⁵ Beṉe' migw, Diosen' ba gwleje' zan beṉe' yaše' zjanaque' xi'iṉe' na' chesejnilaže'chgüe' ḻe'. Na' yesenite' mbalaz cate' yesyežine' gan' zoen' chnabi'e, can' gwna Diosen' gac c̱he note'teze chio' chaquecho ḻe'.

⁵ Ouvi, meus amados irmãos: Porventura não escolheu Deus aos pobres deste mundo para serem ricos na fé, e herdeiros do reino que prometeu àqueles que o amam?

⁶ Perw na' chonḻe beṉe' yaše' ca' ca beṉe' bibi zjazaca'. Na' beṉe' gwṉi'a ca' chongaclene' ca beṉe' zjazaca'chgua; ḻen ḻegaquen' chosoc̱hi chososaque' le'e na' chesec̱he'x̱ox̱je' le'e lao justis ca'.

⁶ Mas vós desprezastes o pobre. Não vos oprimem os homens ricos, e não vos levam aos bancos dos réus?

⁷ Ḻecze ḻegaquen' chosožie' yeḻa' ya' c̱he Jesucriston' ben' naccho txen, ben' naque' beṉe' zaca'.

⁷ Porventura não blasfemam eles o nome digno pelo qual fostes chamados?

⁸ Ley dan' nac da' žialao lao yogo' da' ca' nyeḻa' ḻe'e Xtiža' Diosen' žan: “Ḻe gaque ḻjež beṉac̱hle ca chaque cuinḻe.” Še da' ḻicze chonḻe can' žanṉa' chonczle güen.

⁸ Se cumprirdes a lei real, conforme a escritura: Amarás a teu próximo como a ti mesmo, fazeis bem.

⁹ Perw ley c̱he Diosen' chc̱hoglaon c̱hele naple doḻa' še chonxenḻe baḻ beṉe' na' yebaḻe' chongaclene' ca beṉe' bibi zaca'.

⁹ Mas, se fazeis acepção de pessoas, cometeis pecado, e sois condenados pela lei como transgressores.

¹⁰ Can' naquen, note'teze beṉe' zoe' chone' doḻoḻ can' ža leyna', perw na' še ba gwc̱hoe' to da' dao', len doxen leyna' chape' doḻa' še ca'.

¹⁰ Porque qualquer que guardar toda a lei, e errar em um só ponto, tornou-se culpado de todos.

¹¹ Diosen' ben' gwna: “Bitw gata'lenḻe no'ole bi nac no'ol c̱hele o beṉe' byo bi nac beṉe' c̱hele”, ḻeczen' gwne': “Bi gotle beṉe'”. Na' ḻa'czḻa' bitw chata'lencho no'ole bi nac no'ol c̱hecho o beṉe' byo bi nac beṉe' c̱hecho, še ba naccho beṉe' güet beṉe', bia'cze napcho doḻa' len leyna'.

¹¹ Porque aquele que disse: Não cometerás adultério, também disse: Não assassinarás. Ora, se tu pois não cometeres adultério, mas matares, és transgressor da lei.

¹² Xtiža' Diosen' chaclenen chio' cont bi gwzenagcho c̱he da' malen'. Na' cheyaḻa' güe'cho diža' güen na' soacho goncho bichle can' žanṉa', ḻe Diosen' goṉe' da' saca'zi'cho še bi choncho can' žanṉa'.

¹² Assim falai, e assim procedei, como os que hão de ser julgados pela lei da liberdade.

¹³ Diosen' gwnežjwchgüe' da' saca'zi' beṉe' ca' bi chesyeyaše' chesyeži'ilaže'de' ḻjež beṉac̱he'. Perw beṉe' ca' chesyeyaše' chesyeži'ilaže'de' ḻjež beṉac̱he', Diosen' yeyaše' yeži'ilaže'de' ḻegaque'.

¹³ Porque receberá o juízo sem misericórdia, aquele que não mostrou misericórdia; e a misericórdia triunfa sobre o juízo.

¹⁴ Beṉe' migw, še to beṉe' že' chejnilaže' Jesucriston' perw bi chone' da' nac güen, bitwbi zejen že' ca'. Bitw chaclenen ḻe' cont gata' yeḻa' mban c̱he' toḻi tocaṉe še con žaze' ca'.

¹⁴ Pois qual é o proveito, meus irmãos, se um homem disser que tem fé, e não tiver as obras? Poderá a fé salvá-lo?

¹⁵ Baḻ beṉe' ḻježcho beṉe' chesejnilaže' Jesucriston' bi de da' yese'ej yesagüe' na' bi de xaḻana'gaque'.

¹⁵ Se uma irmã ou um irmão estiverem nus, carentes do alimento diário,

¹⁶ Na' še bitw gaclenchone' len dan' cheseyažjde', še con ye'chone': “Ḻe šjaya'ac to šagüe' to güen na' Diosen' gaclene' le'e cont želele dan' chyažjelen'”, bitwbi zejen dan' con ṉacho ca'.

¹⁶ e algum de vós lhe disser: Ide em paz, aquentai-vos, e fartai-vos; e não lhes derdes as coisas necessárias para o corpo, qual será o proveito?

¹⁷ Da'nan', še con žacho chejnilaže'cho Jesucriston' perw bitw choncho da' nac da' güen, bitwcze bi zejen dan' žacho chejnilaže'chonen'.

¹⁷ Assim é a fé, se não tiver as obras, é morta em si mesma.

¹⁸ Nita' beṉe' chesene' guac yesejnilaže' Jesucriston' ḻa ca yesone' da' nac da' güen. Na' ḻecze nita' beṉe' chesene' še chejnilaže'cho Jesucriston' cheyaḻa' goncho da' nac güen. Na' žia' le'e, še ṉacho chejnilaže'cho Jesucriston' perw bitw choncho da' güen, bitw nacbia' še chejnilaže'chone'. Perw še da' ḻi chejnilaže'chone' nach soacho goncho da' güen na' yesacbe'e beṉe' ḻe chejnilaže'chonen'.

¹⁸ Porquanto o homem pode dizer: Tu tens a fé, e eu tenho as obras; mostra-me a tua fé sem as tuas obras, e eu te mostrarei a minha fé pelas minhas obras.

¹⁹ Chejḻe'cho toze Diosen' zaque' gonxenchone', na' ca'czen' cheyaḻa' šejḻe'cho. Perw gague da' ca'zen' cheyaḻa' goncho. Da' x̱igüe' ca' ḻecze chesejḻen' toze Diosen' naque' beṉe' zaca' na' chesexizen chesežeben.

¹⁹ Tu crês que há um só Deus; fazes bem; os demônios também creem, e tremem.

²⁰ Chṉecho diža' da' bi zejen še con žacho chejnilaže'cho Jesucriston' na' bitw choncho da' güenṉa', ḻe bi gaclenen chio' še con žazcho chejnilaže'chone'.

²⁰ Porém, ó homem vão, queres tu saber que a fé sem as obras está morta?

²¹ Da' x̱ozxta'ocho Abrahanṉa' blo'e ḻe gwyejnilaže' Diosen' dan' bzenague' c̱he Diosen'. Da'nan' bzande' xi'iṉe' Isaaquen' gote'be' cont gonxene' Diosen'. Na' dan' bzenague' c̱he Diosen', da'nan' Diosen' gwne' c̱he' ḻe naque' beṉe' güen len ḻe'.

²¹ Porventura não foi Abraão, nosso pai, justificado pelas obras, quando ofereceu Isaque, o seu filho, sobre o altar?

²² Na' ṉezecho can' ben da' Abrahanṉa', gague con gwyejnilaže'ze Diosen', san ḻecze bzenague' c̱he'. Na' dan' bene' ca' blo'e ḻe gwyejnilaže' Diosen'.

²² Vede que a fé operou com as suas obras, e que pelas suas obras a fé foi aperfeiçoada?

²³ Da'nan' goc can' nyoj Xtiža' Diosen' c̱he', žan: “Abraham gwyejnilaže' Diosen' na' da'nan' Diosen' gwne' naque' beṉe' güen len ḻe'.” Na' ḻecze nyojen c̱he Abrahanṉa' goque' beṉe' xmigw Dios.

²³ E a escritura cumpriu-se, a qual diz: E Abraão creu em Deus, e foi-lhe isso imputado como justiça, e ele foi chamado o Amigo de Deus.

²⁴ Can' naquen, gague dan' žacho chejnilaže'cho Dios nan' že' naccho beṉe' güen len ḻe', san dan' chzenagcho c̱he', da'nan' že' naccho beṉe' güen len ḻe'.

²⁴ Vede então como que, pelas obras, o homem é justificado, e não pela fé somente.

²⁵ Na' da' Rahab goque' no'ole zḻe' no'ol con gwyej len note'teze beṉe' byo, perw bzenague' c̱he Diosen' cate' blebe' beṉe' ca' c̱hope jasegüia jaseṉe'e laže'na'. Na' blo'ede' ḻegaque' yetole nez ga jaya'aque' cont bi jasyexen soldadw c̱he rey ḻegaque'. Na' dan' goclene' beṉe' ca', blo'e gwyejnilaže' Diosen'. Na' gwna Diosen' naque' beṉe' güen len ḻe'.

²⁵ E de igual modo, não foi também Raabe, a prostituta, justificada pelas obras, quando recebeu os mensageiros, e os enviou por outro caminho?

²⁶ Quinga naquen: Še to beṉe' bich nye'e biš grasyw, nacbia' naque' beṉe' guat. Ca'czen' naquen, še bitw choncho da' güen nacbia' bitw chejnilaže'cho Diosen' ḻa'czḻa' žacho chejnilaže'chone'.

²⁶ Porque assim como o corpo sem o espírito está morto, assim também a fé sem obras é morta.

Ler em outra tradução

Comparar com outra

Estude este capítulo no WhatsApp

Peça à IA da Bíblia Fala para explicar Tiago 2, comparar traduções ou montar um estudo — tudo direto pelo WhatsApp.

💬 Explicar Tiago 2 no WhatsApp Sobre a Bíblia com IA →