1 Coríntios 3
Dižaʼ güen c̱he ancho Jesucristo (ZPQNT) vs NVI
1 Beṉe' migw, bi goc gua' xtiža' Diosen' len le'e can' chona' len beṉe' chosozenag c̱he Spiritw c̱he Diosen', ḻe ṉe' chzenagle c̱he xbab c̱hezle. Da'nan' zaca'leble ca bidao'.
1 Irmãos, não lhes pude falar como a espirituais, mas como a carnais, como a crianças em Cristo.
2 Cate' gwzolao be'lena' le'e xtiža' Diosen' žinten ža ṉa'aža, biṉa' šejni'ile da' ca' chaclaže' Diosen' šejni'ile. Da'nan' ba bsed blo'eda' le'e da' bi naquen zdebe šejni'ile.
2 Dei-lhes leite, e não alimento sólido, pois vocês não estavam em condições de recebê-lo. De fato, vocês ainda não estão em condições,
3 Chzenagle c̱he xbab c̱hezle na' da'nan' bi chac šejni'ile xtiža' Diosen' da' naquen zdebe. Da' chgue'e ḻježle na' chdiḻe chšašle, nacbia' chzenagle c̱he xbab c̱hezle can' cheson beṉe' bi chesejnilaže' Criston'.
3 porque ainda são carnais. Porque, visto que há inveja e divisão entre vocês, não estão sendo carnais e agindo como mundanos?
4 Chnia' chonḻe ca beṉe' bi chesejnilaže' Diosen', ḻe baḻle žale: “Nacto' txen da' chsed chlo'e Pablo”, na' yebaḻle žale: “Nacto' txen da' chsed chlo'e Apolos.”
4 Pois quando alguém diz: "Eu sou de Paulo", e outro: "Eu sou de Apolo", não estão sendo mundanos?
5 Ḻe gon xbab c̱hia' neda' Pablo na' c̱he Apolosen', con nacto' beṉe' güen xšin Dios. Na' Diosen' bene' cont gwyejni'laže'le X̱ancho Criston' cate' be'lento' le'e xtižen', na' ḻecze gwleje' to to neto' cont gonto' con da' chnalaže'.
5 Afinal de contas, quem é Apolo? Quem é Paulo? Apenas servos por meio dos quais vocês vieram a crer, conforme o ministério que o Senhor atribuiu a cada um.
6 Neda' zaca'leba' ca to beṉe' goz, ḻe be'lena' le'e xtiža' Diosen' da' nechw, na' Apolosen' zaca'lebe' ca' beṉe' chyilen, ḻe bsed blo'ede' le'e gwdechle. Na' toz Diosen' chone' cont chac cosešen'. Ca'cze goc len le'e, Diosen' bene' cont gwyejḻe'le xtižen' da' be'lento' le'e.
6 Eu plantei, Apolo regou, mas Deus é quem fazia crescer;
7 Bitec bi zaca' neda' da' be'lena' le'e xtiža' Diosen' da' nechw, na' ṉeca Apolosen' da' bsed blo'echde' le'e, san Diosen' zaca'chgüe' da' bene' cont gwyejḻe'le xtižen'.
7 de modo que nem o que planta nem o que rega são alguma coisa, mas unicamente Deus, que efetua o crescimento.
8 Beṉe' chyix̱jue'ede' xtiža' Diosen' da' nechw na' beṉe' chyix̱jue'eden' da' gwchope txen chesone' xšin Diosen'. Na' Diosen' gone' cont to toe' yesenite' mbalaz con can' gosone' xšine'na'.
8 O que planta e o que rega têm um só propósito, e cada um será recompensado de acordo com o seu próprio trabalho.
9 Neto' chzejni'ito' le'e xtiža' Diosen', guac ṉacho nacto' beṉe' goz go'oṉ c̱he Diosen' na' le'e nacle yežlio gan' chac žinṉa'.
9 Pois nós somos cooperadores de Deus; vocês são lavoura de Deus e edifício de Deus.
10 Na' guac ṉacho neda' naca' to beṉe' chac chon yo'o na' neda' bx̱ia' len yo'ona', ḻe Diosen' goclene' neda' cont bx̱ia' xšinen' gan' zoalen'. Na' ṉa'a nita' beṉe' yoble chosozejni'ide' le'e, na' guac ṉacho chesebeque' ze'en. Na' note'teze beṉe' chacde' gone' xšin Diosen' cheyaḻa' gonyaṉe' xbab še xšinen' gonen txen len lene yo'o dan' ba gwlecan'.
10 Conforme a graça de Deus que me foi concedida, eu, como sábio construtor, lancei o alicerce, e outro está construindo sobre ele. Contudo, veja cada um como constrói.
11 Na' nono gac cuec bichle lene yo'o, ḻe ba gwlecan', na' Jesucristo beṉe' chejnilaže'cho, ḻen' ṉacho naque' lene yo'ona'.
11 Porque ninguém pode colocar outro alicerce além do que já está posto, que é Jesus Cristo.
12 Na' bite'teze ze'e da' chozoa beṉe' ḻo lene yo'ona', chchejen con nac nonen', še nonen' de oro, de plata, de yej da' zaca', de yag o de yix o de dod. Na' ca'cze nac bite'teze da' choncho chaquecho chonchon par Diosen', chchejen še naquen da' zaca'.
12 Se alguém constrói sobre esse alicerce, usando ouro, prata, pedras preciosas, madeira, feno ou palha,
13 Na' cate' žin ža yid Criston', gone' cont gacbia' c̱he da' ben to tocho še naquen da' zaca' o še bitw naquen. Na' yogo' da' bencho da' bi naquen da' zaca', Diosen' yoṉitlagüen' len yi' c̱he'na' can' chac c̱he to yo'o de yag, de yix o de dod cate' cheyen.
13 sua obra será mostrada, porque o Dia a trará à luz; pois será revelada pelo fogo, que provará a qualidade da obra de cada um.
14 Na' še bencho da' naquen da' zaca', ḻenṉa' bi yeniten, na' Diosen' gone' cont soacho mbalaz da' benchon.
14 Se o que alguém construiu permanecer, esse receberá recompensa.
15 Na' še dan' benchon' bi naquen da' zaca', da' ca' benchon' yesebiayin' ḻo yi' c̱he Diosen' na' bitec soacho mbalaz, con nacchguaze gac yechojcho bi šeycho.
15 Se o que alguém construiu se queimar, esse sofrerá prejuízo; contudo, será salvo como alguém que escapa através do fogo.
16 ¿Ba beyanḻaže'le chio' chdop chžagcho chonxencho Jesucriston' yogo'cho txen zaca'lebcho ca to yodao' gan' chesonxene' Diosen'? ¿Ba beyanḻaže'le zoa Spiritw c̱he Diosen' len chio'?
16 Vocês não sabem que são santuário de Deus e que o Espírito de Deus habita em vocês?
17 Na' še no gone' cont chio' chdop chžagcho chonxencho Criston' cuejyic̱hjcho diža' ḻi c̱hen', Diosen' gwnežjue' castigw toḻi tocaṉe c̱he beṉe' gon ca', ḻe Diosen' zoe' len chio' na' naccho ḻo ne'e.
17 Se alguém destruir o santuário de Deus, Deus o destruirá; pois o santuário de Deus, que são vocês, é sagrado.
18 Bi siye' cuinḻe. Note'tezle še chaquele nacle beṉe' sina' len yeḻa' sina' c̱he yežlio nga, cheyaḻa' gacbe'ele yeḻa' sina' c̱helen' bi gaclenen le'e len Diosen'. Na' cheyaḻa' gacle ca to beṉe' bibi chejni'i cont Diosen' goṉe' le'e yeḻa' sina' c̱hen'.
18 Não se enganem. Se algum de vocês pensa que é sábio segundo os padrões desta era, deve tornar-se "louco" para que se torne sábio.
19 Beṉe' bi chesejnilaže' Diosen', yeḻa' sina' c̱hegaquen' bi naquen da' zejen len Diosen'. Na' Xtiža' Diosen' nyojen žan: “Beṉe' ca' chesacde' zjanaque' beṉe' sina', Diosen' gone' cont yeḻa' sina' c̱hegaquen' gwžiayin' ḻegaque'.”
19 Porque a sabedoria deste mundo é loucura aos olhos de Deus. Pois está escrito: "Ele apanha os sábios na astúcia deles";
20 Na' yeto gan' nyojen žan: “X̱ancho nan' ṉezde' da' yesede c̱he xbab c̱he beṉe' sina' ca'.”
20 e também: "O Senhor conhece os pensamentos dos sábios e sabe como são fúteis".
21 Da'nan' bi cheyaḻa' ga'laže'le da' nacle txen len note'teze beṉe' chsed chlo'ede' le'e, ḻe yogo'ḻoḻ bi da' de zjanaquen c̱hele cont yesaclenen le'e.
21 Portanto, ninguém se glorie em homens; porque todas as coisas são de vocês,
22 Neda', len Apolosen', na' len Pedron', gwseḻa' Diosen' neto' cont chaclento' le'e. Na' yežlio nga na' yeḻa' mbanṉa', na' yeḻa' goten', na' da' de ṉa'a na' da' gata' bate'teze, yogo' da' ca' zjaden cont yesaclenen le'e.
22 seja Paulo, seja Apolo, seja Pedro, seja o mundo, a vida, a morte, o presente ou o futuro; tudo é de vocês,
23 Na' nacle ḻo na' Criston' na' Criston' naque' ḻo na' Diosen'.
23 e vocês são de Cristo, e Cristo, de Deus.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar 1 Coríntios 3, comparar traduções ou montar um estudo — tudo direto pelo WhatsApp.