1 Xrana' Dios, quebe til-lu' neda' lu xel-la' dxezrá'a chiu'.
2 lawe' da belúe xaga nalá xéche'ze chiu' neda',
3 Quebe bi chawe' zua be̱la' dxen chia' lawe' da dxezra'u neda',
4 Ca naca da zrinnaj da nuna' ba zria cháqueze na xíchaja'.
5 We̱' da zaj zria be̱l-la' dxen chia' ba dxelelá na,
6 Nucache lawa', ne dxexedué'ele̱'e̱da',
7 lawe' da ca naca be̱l-la' dxen chia' dxelá na,
8 Nate ni'a na'a, ne dxéqueda' ba naxúzrujne zrita xu'a.
9 Xran, ca naca da dxezá lazra' zaj zua na nen Lue',
10 Dxate̱ lázrdawa', ne ba bedú lazra',
11 Dxelexebiga ljwezra', ne le sa' ljwezra' ca' zítu'la
12 Benne' ca' dxelaca lazre̱' xelútie̱' neda' dxuluzale̱' xralaj,
13 Neda' quebe dxenda' ca dxaca chee̱ tu benne' cuezru,
14 Naca' ca tu benne' quebe dxenne̱',
15 lawe' da dxebeza lazra' Lue', Xrana' Dios.
16 Gunnia': Quebe gu'u lataj xelebene̱' ne̱ chee̱ da dxaca chia'.
17 Ba zua' cheajcházia',
18 Chee̱ le̱ na' xrúale̱pequeza' da cale̱la da be̱na',
19 Benne' ca' dxeledábague̱' neda' zaj zúaqueze̱' chawe',
20 Benne' ca' dxelune̱' da cale̱la chee̱ benne' ca'
21 Quebe gusanu' neda', Xrana' Dios.
22 Be̱n ba xuzre gácale̱nu' neda', Xran.