1 Rulidzaʼ-nëʼ Dios, en ruáʼa zidzaj didzaʼ.
2 Cateʼ bi guca quiaʼ bulidzaʼ-nëʼ Dios.
3 Cateʼ röjnedaʼ-nëʼ Dios, röʼa böniga.
4 Bubéaj cazuʼ yëla guiö́j lahuaʼ.
5 Chiguzáʼ ládxaʼa ca guca dza niʼte,
6 Tsöjnedaʼ le buláʼ chiʼi dzö́ʼölö,
7 ¿Naruʼ tsaz nusán Xanruʼ nedaʼ?
8 ¿Naruʼ cabirö gáquiëʼ dxiʼi ladxiʼ?
9 ¿Naruʼ nál-la ládxëʼë Dios tuʼ cabirö ruzáʼ ládxëʼë queë́ruʼ?
10 Níʼirö gudxi cuinaʼ: Raca caní quiaʼ tuʼ risë́bidaʼ ládxaʼa,
11 Tsöjnedaʼ yuguʼ le nun cazuʼ Liʼ, Xantuʼ.
12 Saʼ ládxaʼa ca nácagaca le nunuʼ,
13 Naca láʼayi ca run cazuʼ Liʼ, Dios.
14 Naca cazuʼ Liʼ Dios, runuʼ yuguʼ yöl-laʼ huáca zxön.
15 Len yöl-laʼ huáca zxön quiuʼ busölóʼ bönachi quiuʼ,
16 Bilaʼléʼe yuguʼ nísadoʼ Liʼ, Dios.
17 Buluʼlalaj böaj lúzxiba nisa.
18 Lu böʼ budunuʼ biyö́n guziúʼ quiuʼ gunnëdaʼ.
19 Biláʼ lahui nöza quiuʼ gatsaj láhuiʼlö nísadoʼ,
20 Guchë́ʼ cazuʼ bönachi quiuʼ ca runëʼ bönniʼ richë́ʼë-baʼ böʼcuʼ zxilaʼ huë́ʼënidoʼ.