1 ¡Guliʼcuʼë yöl-laʼ ba Xanruʼ, libíʼiliʼ, nácaliʼ zxíʼinigaquiëʼ bönniʼ nayë́pisëgaquiëʼ!
2 ¡Guliʼcuʼë yöl-laʼ ba Xanruʼ le ral-laʼ gataʼ que Lëʼ tuʼ náquiëʼ láʼayi!
3 Riyö́n chiʼë Xanruʼ lu nísadoʼ.
4 Nál-latërö naca chiʼë Xanruʼ.
5 Chiʼë Xanruʼ riláʼa yuguʼ yaga zxön.
6 Runëʼ Xanruʼ ga taʼxitiʼ guíʼa ca tunbaʼ bë́dxidoʼ.
7 Chiʼë Xanruʼ run ga rëpi yösa.
8 Ruxizi chiʼë Xanruʼ laʼ guixiʼ ga dë lataj.
9 Chiʼë Xanruʼ run ga taʼbéquibaʼ bidxinaʼ guixiʼ böaʼ huë́ʼënidoʼ quégacabaʼ,
10 Guröʼë gunná bëʼë Xanruʼ cateʼ gurö́ʼö nisa lu idútë yödzölió.
11 Rutipëʼ Xanruʼ ládxiʼdoʼgaca bönachi queëʼ.